ນັກຫລິ້ນເນັດມືໃຫມ່

6 ວິທີໃຊ້ປະໂຫຍດ ຈາກທວິດເຕີ

2011-04-12T09:33:00.000+07:00

ຮຽບຮຽງໂດຍ: ອ.ອິນເຕີ

ຫາກທ່ານເຄີຍໄດ້ຍິນຄຳນີ້ ແລະຍັງສົງໄສເຖິງປະໂຫຍດຂອງທວິດເຕີ (Twitter)? ເຊິ່ງຄວາມຈິງແລ້ວມັນມີຫລາຍກວ່າການໃຊ້ເບິ່ງຄົນແປກຫນ້າກິນເຂົ້າກັບຫຍັງໃນຕອນສວຍເພາະ ທ່ານສາມາດຕິດຕາມຂ່າວດ່ວນໃຊ້ເປັນຊ່ອງທາງຮຽກຮ້ອງໄປເຖິງບໍລິສັດຜູ້ຜະລິດ ຫລື ແມ່ນແຕ່ແຊັດກັບຄົນທີ່ມີຊື່ສຽງ.

ທວິດເຕີມີແຕ່ເລື່ອງບໍ່ມີສາລະທວິດເຕີເປັນບ່ອນທີ່ໃຫ້ຄົນໃຊ້ຍົກຍໍຕົວເອງ ແລະ ອື່ນໆອີກນານາສາລະທີ່ທ່ານອາດເຄີຍໄດ້ຍິນກ່ຽວກັບສັງຄົມເຄືອຂ່າຍແຫ່ງນີ້ ແຕ່ຄວາມຈິງແລ້ວ ທວິດເຕີ ຈະເປັນປະໂຫຍດແບບບໍ່ຫນ້າເຊື່ອຖ້າທ່ານໃຊ້ເປັນ ແລະ ມອງຂ້າມເລື່ອງທີ່ຫລາຍຄົນເວົ້າໄປ ເພາະວ່າໂດຍທຳມະຊາດຂອງບໍລິການແຫ່ງນີ້ ຈະເອື້ອເຟື້ອຕໍ່ການຝາກຂໍ້ຄວາມສັ້ນໆໄດ້ຢ່າງວ່ອງໄວ ເຮັດໃຫ້ເຫມາະສຳລັບໃຊ້ເປັນຊ່ອງທາງຮັບເລື່ອງຮຽກຮ້ອງຕຳຫນິຈາກລູກຄ້າ ຫລື ໃຊ້ຕິດຕາມເຫດການທີ່ທ່ານສົນໃຈຈາກຄົນທີ່ຢູ່ໃນຈຸດເກີດເຫດລວມໄປເຖິງໃຊ້ຕິດຕາມເບິ່ງຊີວິດຂອງບຸກຄົນທີ່ທ່ານສົນໃຈເປັນພິເສດ ແລະ ນີ້ຄື 6 ວິທີງ່າຍໆທີ່ຈະຊ່ວຍໃຫ້ທວິດເຕີມີປະໂຫຍດສຳລັບທ່ານ.

ຕິດຕາມຂ່າວ: ເວັບໄຊສ່ວນໃຫຍ່ຍັງເປັນແຫລ່ງຂໍ້ມູນ ແລະ ແຫລ່ງຂ່າວທີ່ສົມບູນກວ່າ ແຕ່ຖ້າທ່ານຕ້ອງການຕິດຕາມຂ່າວສະເພາະເລື່ອງນັ້ນໃນແບບນາທີຕໍ່ນາທີ ແລະ ສົນໃຈລາຍລະອຽດປີກຍ່ອຍ ທວິດເຕີຈະເປັນທາງເລືອກທີ່ດີເພາະທ່ານສາມາດອ່ານລາຍງານສົດໆຈາກຜູ້ໃຊ້ (User) ຂອງທະວິດເຕີຄົນອື່ນໆທີ່ຢູ່ໃນເຫດການ ຫລື ສະຖານທີ່ເກີດເຫດເຊັ່ນກໍລະນີເຮືອບິນຕົກທີ່ແມ່ນ້ຳຫັດສັນ ຜູ້ຄົນທີ່ຢູ່ໃນບໍລິເວນນັ້ນກໍ່ຈະໂພດສ໌ເລື່ອງທີ່ພົບເຫັນໄວໃນທວິດເຕີຂອງພວກເຂົາ (ແນວຄວາມຄິດຂອງທວິດເຕີກໍ່ຄືການເລົ່າເລື່ອງໃນຊີວິດປະຈຳວັນ ດ້ວຍຂໍ້ ຄວາມສັ້ນໆບໍ່ເກີນ 140ຕົວອັກສອນຕໍ່ຫນຶ່ງອັບເດດ).

ນອກຈາກປະຊາຊົນຄົນທຳມະດາແລ້ວ ທ່ານຍັງສາມາດຕິດຕາມທວິດເຕີຂອງເວັບໄຊຂ່າວຄືຊີເອັນເອັນ (www.twitter.com/cnn ຫລື ຮຽກຫຍໍ້ໆວ່າ @CNN) ເຊິ່ງຈະໂພດສ໌ຫົວຂໍ້ ຂ່າວພ້ອມກັບລິ້ງໄປຍັງເນື້ອໃນລາຍລະອຽດ ແຕ່ມີບາງຄົນຜັດມັກ @cnnbrk ຫລາຍກວ່າ ເຖິງວ່າຈະບໍ່ໄດ້ເປັນທວິດເຕີຢ່າງເປັນທາງການຂອງສະຖານີຂ່າວແຫ່ງນີ້ ແຕ່ກໍ່ດີຢູ່ບ່ອນວ່າຈະສະຫລຸບຂ່າວໃຫ້ອ່ານແລ້ວເຂົ້າໃຈງ່າຍໃນປະໂຫຍດດຽວບໍ່ຕ້ອງນຳລິ້ງໄປອ່ານອີກ (ຍົກເວັ້ນແຕ່ວ່າ ທ່ານສົນໃຈລາຍລະອຽດ).

@NYTimes ກໍ່ເປັນອີກ ຈດທີ່ທ່ານຈະພົບຫົວຂໍ້ຂ່າວດາວໂຫລດທຸກໆຊົ່ວໂມງ ແຖມທວິດເຕີຂອງນັກຮຽນ ແລະ ຂອງຄໍລຳປະຈຳໃນຫນ້າຫນັງສືພິມມີອິດທິພົນສະບັບນີ້ ທີ່ຫນ້າສົນ ໃຈອື່ນໆ, ສຳລັບເລື່ອງຂອງຂ່າວກໍ່ຈະມີຄື @BreakingNewsOn, @nprnews, @weirdnews, @macrumors, @MarsPhoenix, @Astronautics ແລະ ແນ່ນອນວ່າວາ ລະສານພີຊີ (@PC Magazine) ເອງກໍ່ມີທວິດເຕີລາຍງານຂ່າວໃນດ້ານເຕັກໂນໂລຊີອີກເຊັ່ນກັນ.

ຊ່ອງທາງຕິດຕໍ່ກັບບໍລິສັດຜູ້ຜະລິດ:

ການໃຊ້ທວິດເຕີເປັນຊ່ອງທາງໃຫ້ບໍລິການຫລັງການຂາຍຢ່າງເຕັມຮູບແບບ ອາດຍັງຟັງເບິ່ງ ບໍ່ຄ່ອຍເຂົ້າທ່າປານໃດສຳລັບບໍລິສັດສ່ວນໃຫຍ່ ຢ່າງຫນ້ອຍກໍ່ຈົນກວ່າບໍລິການແຫ່ງນີ້ຈະມີສະມາຊິກເພີ່ມອີກ 10 ລ້ານລາຍ ຢ່າງໃດກໍ່ດີ ໃນປະຈຸບັນທ່ານສາມາດໃຊ້ທວິດເຕີເປັນຊ່ອງທາງໃນການຮຽກຮ້ອງໄດ້ ແລະສຽງຂອງທ່ານກໍ່ຈະດັງໄປເຖິງເຈົ້າຂອງສິນຄ້າເພາະບໍລິສັດ ລາຍໃຫຍ່ຫລາຍແຫ່ງບໍ່ວ່າຈະເປັນ Zappos, Starbucks, WholeFoods, JetBlue ແລະ ອື່ນໆອີກ ລ້ວນແລ້ວແຕ່ມີແອັກເຄົ້າໃຫ້ ທ່ານໃຊ້ໃນການຕິດຕໍ່.

ດັ່ງນັ້ນ ຕໍ່ຈາກນີ້ໄປ ຖ້າທ່ານມີເລື່ອງຢາກຮຽກຮ້ອງກ່ຽວກັບສິນຄ້າ ຫລື ບໍລິການລອງໃຫ້ກູເກິລຄົ້ນຫາຊື່ຂອງບໍລິສັດເຈົ້າຂອງ ສິນຄ້າແລ້ວ ຕາມດ້ວຍຄຳວ່າ Twitter ຖ້າບໍລິສັດດັ່ງ ກ່າວມີ ແອັກເຄົ້າໃນທວິດເຕີທ່ານກໍ່ຈະພົບໃນຜົນການຄົ້ນຫາລຳດັບຕົ້ນໆ ທີ່ສຳຄັນຄືພະຍາຍາມຮຽບຮຽງເລື່ອງຮຽກຮ້ອງຂອງທ່ານໃຫ້ກະທັດຮັດ ໄດ້ໃຈຄວາມເພາະທ່ານຕ້ອງບໍ່ລືມວ່າຂໍ້ ຄວາມຈະຖືກຈຳກັນໄວ້ພຽງແຕ່ 140 ຕົວອັກສອນ.

ຂໍຄວາມຊ່ວຍເຫລືອ:

ເຊັ່ນດຽວກັບບລ໋ອກ ແລະ ຟໍຣັມ ທວິດເຕີຄືສະຖານທີ່ທີ່ເຫມາະສົມເປັນຢ່າງຍິ່ງສຳລັບການຖາມຄຳຖາມທີ່ຖ່ານຂີ້ຄ້ານຄົ້ນຫາຄຳຕອບດ້ວຍຕົວເອງລວມໄປເຖິງ ການຂໍຄວາມຊ່ວຍ ເຫລືອຂໍຄວາມຄິດເຫັນ ຫລື ຂໍຄຳແນະນຳເປັນຕົ້ນ.

ໂອເວັນ ຣິງເຄິລ ຜູ້ພັດທະນາທວິດເຕີບອກວ່າບັນຫາທີ່ທ່ານເຄີຍໃຫ້ເວລາຄິດ 5 ນາທີ ອາດໄດ້ ຄຳຕອບອອກມາພາຍໃນເວລາ 10 ວິນາທີໃນທວິດເຕີ ແຕ່ນີ້ຫມາຍເຖິງຢ່າງຫນ້ອຍທ່ານຕ້ອງມີຫມູ່ໃນຊີວິດຈິງຕິດຕາມເບິ່ງ (follow) ທວິດເຕີຂອງທ່ານຢູ່ ແລະ ແນ່ນອນວ່າຖ້າຈະໃຫ້ເກີດປະໂຫຍດສູງສຸດທ່ານກໍ່ຄວາມຕິດຕາມເບິ່ງທວິດເຕີຂອງຫມູ່ນຳ ເພື່ອເປັນການຊ່ວຍເຫລືອ ເຊິ່ງກັນ ແລະ ກັນ.

ໂປຣໂມດຜົນງານ ຫລື ບໍລິ ສັດຂອງທ່ານ:

ທວິດເຕີບໍ່ແມ່ນບໍລິການທຳ ອິດທີ່ໃຫ້ໃຊ້ປະໂຫຍດໃນລັກສະນະນີ້ ແຕ່ດ້ວຍທຳມະຊາດຂອງຕົວມັນເອງເຮັດໃຫ້ບໍລິການນີ້ ເປັນທາງເລືອກທີ່ເຫມາະສົມຫລາຍສຳລັບການໂປຣໂຫມດຜົນງານ ຫລື ປະຊາສຳພັນບໍລິສັດຂອງທ່ານຂໍພຽງແຕ່ທ່ານເຮັດເປັນເລື່ອງເປັນລາວມີລິ້ງໄປຍັງແອບພລິເຄເຊິນທີ່ທ່ານຫາກໍ່ຂຽນແລ້ວ ຫລື ສິນຄ້າຕົວໃຫມ່ຂອງບໍລິສັດແດ່ໃນບາງໂອກາດປະສົມປະສານໄປກັບເລື່ອງລາວອື່ນໆຂອງທ່ານ ຖ້າເປັນໄປໄດ້ພະຍາຍາມໃຫ້ລິ້ງໂປຣໂຫມດງານມີເກີນກວ່າ 3 ລິ້ງຕໍ່ອາທິດ ເພາະນັ້ນຈະ ເປັນການຢັດຢຽດ ແລະເຮັດໃຫ້ຄົນທີ່ຕິດຕາມ ເບິ່ງທ່ານຮູ້ສຶກບໍ່ດີ ຫລື ຫນັກໄປກວ່ານັ້ນເຂົາກໍ່ອາດບໍ່ສົນໃຈທີ່ຈະຕິດຕາມທ່ານອີກ.

ບໍ່ຂາດການຕິດຕໍ່ກັບຫມູ່ເພື່ອນ:

ນອກຈາກການຕິດຕາມເບິ່ງເລື່ອງລາຍການໃຊ້ຊີວິດປະຈຳວັນຂອງຄົນແປກຫນ້າ ເພື່ອຄວາມບັນເທີງແລ້ວ ທວິດເຕີຍັງເປັນ ຊ່ອງທາງທີ່ເຮົາມັກໃຊ້ ເພື່ອບໍ່ໃຫ້ຂາດການຕິດຕໍ່ຈາກຫມູ່ເພື່ອນພຽງແຕ່ຂຽນຂໍ້ຄວາມບອກເລື່ອງຕ່າງໆແບບສັ້ນໆໃນແຕ່ລະວັນ ຫມູ່ເພື່ອນເຫລົ່ານັ້ນກໍ່ຈະຮູ້ຄວາມເປັນໄປຂອງທ່ານວ່າກຳລັງທຸກຍາກ ຫລື ມີຄວາມສຸກພຽງໃດໃນທາງກົງກັນຂ້າມທ່ານກໍ່ສາມາດຮູ້ໄດ້ວ່າມີຫມູ່ເພື່ອນຄົນໃດເຈັບເປັນເອັນອຸ່ນຢູ່ຫລືບໍ່ ຫລື ຜູ້ໃດກຳລັງຢູ່ໃນອາລົມໂສກເສົ້າ ແລະ ຕ້ອງການກຳລັງໃຈຕ້ອງການໃຫ້ທ່ານໄປຫານີ້ຍັງບໍ່ນັບ ລວມເຖິງການໃຊ້ຊວນກັນໄປກິນເຂົ້າ ຫລື ຊວຍກັນເຮັດກິດຈະກຳອື່ນໆ.

ພົບປະໂອ້ລົມກັບຄົນທີ່ມີຊື່ສຽງ:

ຢຸດເຊີຊື່ດັງຂອງທວິດເຕີທີ່ມີຄນຕິດຕາມເບິ່ງເປັນຈຳນວນຫລາຍບາງຄົນອາດບໍ່ສົນໃຈຂໍ້ຄວາມທີ່ທ່ານສົ່ງໄປເຖິງ ແຕ່ບໍ່ແມ່ນກັບ ເບຣນທ໌ ສປິນເນີ (ດາລາຈາກສະຕາເທຣັກ) ເຊິ່ງຂ້ອນຂ້າງເປັນມິດກັບຜູ້ອື່ນໆເຊັ່ນດຽວກັນກັບດາລາຕະຫລົກສະຕີເຟນຟຣາຍ ຫລື ຖ້າທ່ານມີບຸກຄົນໃນດວງໃດລອງຄົ້ນຫາທວິດເຕີຂອງເຂົາເຫລົ່ານັ້ນ ແລ້ວຕິດຕາມເບິ່ງວ່າພວກເຂົາໃຊ້ຊີວິດແນວໃດຈິ່ງປະສົບຄວາມສຳເລັດ

http://www.ecom.org.la/teen/khao/11/1504

Ymail ແລະ Rocketmail ບໍລິການໃຫມ່ ຈາກ Yahoo Mail

2009-02-28T10:56:00.000+07:00

yahoo ແມ່ນຜູ້ບໍລິການອີເມລແບບບໍ່ເສຍຄ່າ ລາຍໃຫຍ່ຂອງໂລກ. Yahoo Mail ມີຜູ້ໃຊ້ 264 ລ້ານຄົນ Hotmail ມີ 262 ລ້ານ ແລະ Gmail ມີ 102 ລ້ານຄົນ, ສະຖິຕິ ເດືອນເມສາ ປີກາຍ.

Free Webmail ຂອງ Yahoo ຂະຫຍາຍຕົວປີລະປະມານ 7% ມີຜູ້ໃຊ້ Yahoo Mail ໄປແລ້ວ 260 ລ້ານຄົນ ພາໃຫ້ການລົງທະບຽນໃຫມ່ ມີບັນຫາການເລືອກຊື່ ເພາະຊື່ທີ່ທ່ານຕ້ອງການ ອາດມີຄົນອື່ນເອົາໄປກ່ອນແລ້ວ ສິ່ງທີ່ເຮັດໄດ້ກໍ່ແມ່ນ ຕໍ່ເຕີມຕົວເລກໂຕຫນັງສື ໃຫ້ຊື່ອີເມລ ຍາວອອກ ແລະ ັນ້ມັນກໍ່ເຮັດໃຫ້ຈື່ຍາກ ອີກນຳ

ິ້yahoo ຫາທາງອອກດ້ວຍການ ປ່ຽນຕົວລົງທ້າຍຂອງອີເມລ ແທນທີ່ຈະໃຊ້ @yahoo.com ໂດຍທຳການເປີດໂຕ Ymail ແລະ Rocketmail ອອກມາ ໃນກາງປີ 2008. ເມື່ອເປີດໂຕຕົວລົງທ້າຍໃຫມ່ ຄົນໃຊ້ຍັງບໍ່ທັນຫລາຍ ທ່ານກໍ່ສາມາດເລືອກຊື່ອີເມລ ທີ່ທ່ານຕ້ອງການໄດ້ງ່າຍຂຶ້ນ
ທັງ Ymail ແລະ Rocketmail ຈະມີບໍລິການທຸກໆຢ່າງ ຄືກັນກັບ Yahoo Mail ເຊັ່ນ ໃຊ້ພື່້ນທີ່ບໍ່ຈຳກັດ ສາມາດໃຊ້ Yahoo Messenger ແລະ Windows Live Messenger ພ້ອມທັງ spam filter ແລະ virus checker

ຖ້າຢາກໄດ້ Email Address ທີ່ຖືກໃຈ ທ່ານກໍ່ສາມາດສະຫມັກ ໄດ້ທີ່ Website ຂອງ Yahoo ໄດ້.

ໃຊ້ hi5 ຢູ່ບໍ? ຂ້ຽວ save ຂໍ້ມູນໄວ້ເດີ້

2009-02-15T09:03:00.001+07:00

ທາງການໄທ ສັ່ງໃຫ້ບລັອກ hi5.com

Hi5.com ກໍເປັນເວັບສັງຄົມອອນໄລນ໌ ຫລືວ່າ Social Network ອີກເວັບຫນຶ່ງທີ່ມີຄົນໃຫ້ຄວາມສົນໃຈຫລິ້ນກັນຫລາຍພໍສົມຄວນ ໂດຍອາດຈະເວົ້າໄດ້ວ່າ ໄວລຸ້ນ ຫລືວ່າ ຄົນໄວເຮັດວຽກ ທີ່ຢູ່ທົ່ວໂລກກໍອາດຈະມີ hi5 profile ເປັນຂອງໂຕເອງແລ້ວກໍວ່າໄດ້ ຫລືບາງຄົນກໍອາດຈະຫາກໍຮູ້ຈັກ ແລະ ຫນຶ່ງໃນນັ້ນຂ້າພະເຈົ້າກໍມີເຊັ່ນກັນ ແລະ ມາຮອດປະຈຸບັນນີ້ໄດ້ມີຂ່າວອອກມາວ່າທາງການໄທ ຫລື ກະຊວງວັດທະນະທຳຂອງໄທນັ້ນ ໄດ້ສັ່ງໃຫ້ບລັອກເວັບ Hi5 ໄວ້ ເພື່ອກັນບໍ່ໃຫ້ຄົນເຂົ້າມາຫລິ້ນໄດ້ ເຊິ່ງຂ່າວນີ້ອາດຈະກະທົບເຖິງຫນຸ່ມໆສາວໆ ນັກທ່ອງ Hi5 ທີ່ຢູ່ທາງປະເທດລາວເຮົາ ເຊິ່ງຜົນກະທົບນັ້ນກໍຄື ຄົນໃນບ້ານເຮົາກໍອາດຈະເຂົ້າໄປຫລິ້ນໃນ Hi5 ບໍ່ໄດ້ເຊັ່ນກັນ ເພາະວ່າ ISP ບ້ານເຮົານັ້ນໄດ້ໃຊ້ Gateway ດຽວກັບຂອງໄທ ໂດຍສາເຫດຂອງການບລັອກໃນຄັ້ງນີ້ ທາງກະຊວງວັດທະນະທຳຂອງໄທ(ໂດຍຜ່ານກຸ່ມ "ເຝົ້າລະວັງທາງວັດທະນະທຳ")ໄດ້ອອກມາກ່າວວ່າ ເວັບ hi5 ເປັນສູນລວມຂອງພາບອານາຈານ ເຊິ່ງບັນດາໄວລຸ້ນໄທໂດຍສະເພາະແມ່ນ ຜູ້ຍິງກຳລັງນິຍົມຖ່າຍຮູບລໍ້ແຫລມທີ່ນຸ່ງຫນ້ອຍຫົ່ມຫນ້ອຍລົງໃນໂປຣໄຟລ໌ຂອງໂຕເອງ ເພື່ອເປັນຊ່ອງທາງໃນການຂາຍ ແລະ ຕິດຕໍ່ບໍລິການທາງເພດ ແລະ ນອກຈາກເລື້ອງນີ້ແລ້ວ ທາງກຸ່ມຂອງພວກເຂົາເຈົ້າ ກໍໄດ້ສະເຫນີອີກວ່າ hi5 ຕອນນີ້ໄດ້ມີພາບທີ່ບໍ່ເໜາະສົມທີ່ມີເນື້ອຫາກ່ຽວກັບການເສບກັນຊາອອກມາກັນຢ່າງແຜ່ຫລາຍ ເຊິ່ງເລື້ອງນີ້ແມ່ນໄດ້ຜ່ານການຢືນຢັນແລ້ວວ່າເປັນເລື້ອງຈິງ ແລະ ກະຊວງວັດທະນະທຳຂອງໄທກໍກຳລັງກຽມຂໍ້ມູນສະເຫນີໃຫ້ກະຊວງໄອຊີທີຂອງໄທໃຫ້ສັ່ງປິດ

ຂໍ້ມູນຈາກ: blognone ແລະ Mthai

______________________

ຂຽນໂດຍ birdflu2007.exe

http://www.laozaa.com/viewthread.php?tid=6775

ຍັງໃຊ້ internet explorer ຢູ່ອີກຫວາ

2008-12-31T09:56:00.002+07:00

ຕາມການສັງເກດຂອງຂ້າພະເຈົ້າ ເຫັນວ່າ ຫລາຍຄົນຍັງໃຊ້ internet explorer ເປັນສ່ວນໃຫຍ່ ໃນການເປັີດເວັບໄຊຕ່າງໆ ໂດຍສະເພາະ internet explorer 6 ເຫັນຫລາຍກວ່າຫມູ່, ຕໍ່ມາກໍ່ແມ່ນ internet explorer 7

internet explorer 6 ແມ່ນມາກັບ windows XP ແລະ ຖ້າທ່ານໃ ຊ້ windows ປອມ ທ່ານກໍ່ບໍ່ສາມາດ update browser ຂອງທ່ານ ເ ປັນ internet explorer 7 ຜ່ານ windows update

ຍັງມີ browser ອື່ນໆ ອີກຫລາຍໂຕ ທີ່ໄດ້ຮັບຄວາມນິຍົມຫລາຍກວ່າ internet explorer ການສຳຫລວດນຳກັນ ວ່າຊຸມຊົນພັນລາວ ມັກໃຊ້ຕົວໃດຫລາຍທີ່ສຸດ

ກົດເບິ່ງທີ່ http://punlao.com/pnomsin/polls/451/

ຈາກຜົນການສຳຫລວດ ເຫັນວ່າ Mozilla Firefox ໄດ້ຮັບຄວາມນິຍົມສູງສຸດ ໃນບັນດານັກທ່ອງເວັບ ຍ້ອນວ່າ ເປີດເວັບໄດ້ໄວກວ່າ ແລະ ຂໍ້ດີອີກຫລາຍໆ ຢ່າງ

ທ່ານເດ ຍັງໃຊ້ internet explorer ຢູ່ຫວາ? ຢາກລອງອັນໃຫມ່ບໍ່
ນີ້ແມ່ນລາຍຊື່ web browser ທີ່ມີໃຫ້ດາວໂຫລດໄດ້ໂດຍບໍ່ເສຍຄ່າ

Windows Live Messenger Essential Beta

2008-12-17T13:34:00.002+07:00

Sure, you use Messenger to send instant messages, but did you know you can play games and exchange pictures too? You can even send IMs to your friends’ phones.*

ສອງສາມມື້ກ່ອນຂ້ານ້ອຍໄດ້ລອງໂຫລດເອົາWindows Live Messenger ໂຕໃໝ່ມາໃຊ້ຊຶ່ງເພິ່ນເອີ້ນວ່າ Essential Beta ທີ່ຈະນໍາເອົາອອກມາໃຫ້ຄົນທົ່ວໄປໃຊ້ໃນກາງປີ2009. Messenger ໂຕໃໝ່ນີ້ມີໂສມໜ້າໃໝ່ທີສົດໃສແລະງາມກ່ວາໂຕເກົ່າ, ມີອຸບປະກອນໃໝ່ໃຫ້ຫລິ້ນຫລາຍແນວ, ປອດໄພແລະຕໍ່ເຂົ້າໄວກ່ວາເກົ່າ. ພິເສດແມ່ນທ່ານສາມາດເລືອກເອົາລຸ້ນທີ່ເປັນພາສາຕ່າງໆທີ່ທ່ານໃຊ້ໄດ້ຄ່ອງແຄ້ວເຊັ່ນພາສາໄທ ວຽດນາມແລະພາສາອື່ນໆອີກຫລາຍພາສາ.Messenger Bata 2009 ນີ້ແມ່່ນເອົາເຂົ້າໄດ້ກັບWindows XP sp2 32bit(ແຕ່ໃຊ້windows live movie makerບໍ່ໄດ້) ຫລືກັບWindows Vista(32ຫລື64bit). Processor ຕ້ອງມີຄວາມໄວ 1GHz ຂຶ້ນໄປ(ສໍາລັບວິດຊະຕາ), 800MHz(ສໍາລັບແອັກຊະພີ). ຕ້ອງມີ RAM ຢ່າງນ້ອຍ 128M ແຕ່ຈະໃຫ້ຄັກແທ້ຕ້ອງແມ່ນ 512
download.live.com/messenger

ຂຽນ : ທ້າວສີຊົມເຊີຍ

ຈາກ : ບ້ານດອນ໓໕

ເມື່ອວັນທີ່ : 15/12/08 12:39 PM

ທີ່ມາ : http://www.bailane.com/Forum/ViewWebBoard.aspx?sid=101&tid=437

ບາງສະຖິຕິຜູ້ໃຊ້ອິນເຕີເນັດ ໃນຂົງເຂດອາຊີ-ປາຊິຟິກ

2008-11-28T21:30:00.000+07:00

ປະເທດມາເລເຊຍ, ນິວຊີແລນ, ຍີ່ປຸ່ນ, ເກົາຫລີໃຕ້ ແລະ ສິງກະໂປ ແມ່ນປະເທດ ທີ່ເຊື່ອມຕໍ່ອິນເຕີເນັັດຫລາຍທີ່ສຸດ ໃນຂົງເຂດອາຊີ ປາຊີຟິກ, ມາຮອດປີ 2007 ຈຳນວນປະຊາກອນ ທີ່ເຂົ້າເຖິງອິນເຕີເນັດ ມີເຖິງ 55 ຫາ 80 %

ກົງກັນຂ້າມ, 5 ປະເທດທີ່ເຊື່ອມຕໍ່ອິນເຕີເນັດຫນ້ອຍທີ່ສຸດ ໄດ້ແກ່ ມຽນມາ, ຕີມໍ ເລສເຕ, ຕັດຊິກກິສະຖານ,ບັງກະລາເດດ ແລະ ກຳປູເຈຍ, ມີປະຊາກອນທີ່ໃຊ້ອິນເຕີເນັດ ບໍ່ເຖິງ 1% ໃນຂະນະທີ່ ຈຳນວນສະເລ່ຍໃນຂົງເຂດ ແມ່ນ 20%

ຂໍ້ມູນໄດ້ມາຈາກ Bernama ຜ່ານ http://enews.mcot.net/view.php?id=7329
ຮູບມາຈາກ www.neowave.com

ຫມາຍເຫດ: ບໍ່ຮູ້ວ່າ ປະເທດລາວ ມີສະຖິຕິ ການໃຊ້ອິນເຕີເນັດ ຈັກ%ຂອງຈຳນວນປະຊາກອນລາວ

ໂອບາມາ ໄດ້ໄຊຊະນະ ຍ້ອນອິນເຕີເນັດຫລືບໍ່

2008-11-11T11:27:00.005+07:00

ເມື່ອວັນທີ 4 ພະຈິກ ທີ່ຜ່ານ ທ່ານ ບາລັກ ໂອບາມາ ຊະນະການເລືອກຕັ້ງ ຢ່າງຖະຫລົ່ມທະລາຍ, ສາຍເຫດແມ່ນມາຈາກ ເພິ່ນໄດ້ໄປປະກົດຕົວທາງອິນເຕີເນັດ (Online Presence)ເລື້ອຍກວ່າຄູ່ແຂ່ງຂອງເພິ່ນ ຄື ຈອນ ແມກແຄນ ຕັ້ງຫລາຍທົບ

ຕົວຢ່າງ:
ໂອບາມາ ມີເວັບໄຊສ່ວນຕົວ ທີ່ທາງ Google ເກັບຂໍ້ມູນໄວ້ແລ້ວ ກວ່າ 1 ລ້ານຫນ້າ ສ່ວນ ແມກແຄນ ມີພຽງແຕ່ 30,700 ຫນ້າ ໄລ່ເປັນເປີເຊັນແລ້ວ ໂອບາມາຫລາຍກວ່າ 5,828%

ໂອບາມາມີຮູບຖ່າຍ ຢູ່ທີ່ Google Image ໃຫ້ຄົນເຫັນ 24 ລ້ານຮູບ ແມກແຄນມີພຽງແຕ່ 8.6 ລ້ານຮູບ ໂອບາມາຫລາຍກວ່າ ປະມານ 181%

ໂອບາມາມີ Twitter Followers ຫລືມີຄົນຖ້າຕິດຕາມຂ່າວຈາກ Twitter ຫລາຍກວ່າແມກແຄນ 2,254% (115,623 ຕໍ່ 4,911)

ໂອບາມາ Update ຂໍ້ຄວາມໃນน Twitter ຫລາຍກວ່າແມກແຄນ 948%

ໂອບາມາມີເພື່ອນ MySpace ປະມານ 844,781 ແລ້ວ ຂະນະທີ່ແມກແຄນ ມີເພຶ່ອນພຽງ 219,643 ຄົນເທົ່ານັ້ນ

ນອກຈາກນີ້ແລ້ວ Social Media ທັງຫລາຍເຊັ່ນ FaceBook, Flickr, YouTube ໂອບາມາກໍ່ຈະເຫນືອກວ່າຫລາຍທົບ
Pete Quily
http://clicks.aweber.com/y/ct/?l=NFGHl&m=1eHzhVbxMFiJ4L&b=N9wavy8ajJaE_ki9I1WOog

ເອົາມາຈາກອີເມລຂອງ ຕຣາວຸດ

ໃຊ້ອິນເຕີເນັດປະຈຳ ຖືເປັນການຝຶກສະຫມອງ

2008-11-04T16:14:00.002+07:00

ການທີ່ເຮົາຄົ້ນຫາຂໍ້ມູນໃນອິນເຕີເນັດເປັນປະຈຳ ຈະເຮັດໃຫ້ສະຫລາດ ເພາະວ່າສະຫມອງໄດ້ຮັບການຝຶກຝົນ ໂດຍສະເພາະແມ່ນຄົນໄວກາງຄົນ ແລະ ຜູ້ສູງອາຍຸ

ອີງຕາມຂໍ້ມູນ ໃນເວັບໄຊ http://news.yahoo.com/s/livescience/20081014/sc_livescience/internetsearchingmayboostbrain

ຢູ່ສະຫະລັດ ເພິ່ນໄດ້ມີການນຳເລື້ອງນີ້ ໄປສຶກສາ ແລະ ພົບວ່າ ການຄົ້ນຫາຂໍ້ມູນໃນອິນເຕີເນັດ ເຮັດໃຫ້ເລືອດເຂົ້າໄປຫມູນວຽນໃນສະຫມອງ ບໍລິເວນທີ່ຄວບຄຸມດ້ານ ພາສາ ການອ່ານ ການເບິ່ງ ແລະ ຄວາມຈື່ຈຳ, ນັບເປັນການຝຶກສະຫມອງ ທີ່ໃຊ້ໄດ້ຜົນດີ ບໍ່ຕ່າງຫຍັງກັບການຫລິ້ນຫມາກດາມ ຫລື ເກມທີ່ໃຊ້ສະຫມອງອື່ນໆ

"A simple, everyday task like searching the Web appears to enhance brain circuitry in older adults, demonstrating that our brains are sensitive and can continue to learn as we grow older,"

MSN Groups ຈະຍຸບ ໄປເຂົ້າກັບ multiply.com

2008-10-26T09:26:00.003+07:00

Mailing Groups ເປັນອີກບໍລິການຫນຶ່ງ ທີ່ທາງຜູ້ບໍລິການ email ມີໃຫ້ຜູ້ໃຊ້. ມັນເປັນບໍລິການ ທີ່ໃຫ້ຜູ້ໃຊ້ອີເມລ ສາມາດລວມກຸ່ມກັນ ແລະ ແລກປ່ຽນ ຂໍ້ມູນກັນຕາມແຕ່ລະກຸ່ມ ເຊິ່ງອາດຈະມີກຸ່ມ ຫາເງິນ ກຸ່ມນັກສຶກສາ ກຸ່ມອື່ນໆ
ຂ້າພະເຈົ້າ ເຂົ້າກຸ່ມ mahasan 2004 ເປັນກຸ່ມຂອງຜູ້ໃຊ້ hotmail ອີກກຸ່ມຫນຶ່ງ ຫລືເອີ້ນວ່າ MSN Groups
ມື້ນີ້ໄດ້ຮັບຂ່າວວ່າ MSN Groups ເພິ່ນຈະປິດການບໍລິການໃນວັນທີ 21/2/2009 ແລະ ຈະໄປລວມຕົວກັບ multiply.com ເຊິ່ງກໍ່ມີຄົນລາວຫລາຍຄົນ ເປັນສະມາຊິກຢູ່ໃນນັ້ນ ເພາະວ່າ multiply.com ເປັນເວັບສຳລັບຫາເພື່ອນທາງອິນເຕີເນັດ ແບບດຽວກັບ hi5.com, punlao.com...
Dear MSN Groups Customer,

As a valued MSN Groups or MSN Communities Web Folders customer, we want to notify you that the MSN Groups service will close on February 21, 2009 and you will have the opportunity to move your group to our new partner service, Multiply. We understand the importance of keeping your group together, so we partnered with Multiply to create a migration process that moves your group to their service to preserve your online community and its history. Read on to find out about how to kick off the automatic migration of your group to Multiply.

ຍິນດີ ກັບການກັບມາຂອງ ເວັບບອດຊື່ດັງ

2008-10-11T09:59:00.003+07:00

ເວັບບອດມະຫາສານ ເຊິ່ງປິດຕົວໄປຊົ່ວຄາວ ກໍ່ໄດ້ກັບມາໃຫມ່ແລ້ວ ພ້ອມກັບລະບົບເວັບບອດໃຫມ່ ທີ່ງ່າຍຕໍການໃຊ້ງານ, ເພື່ອນໆທີ່ເປັນສະມາຊິກ ເວັບບອດຂອງດໍກຣຸບ ຂອງລາວຊ້າ ຫລື ຊຸມຊົນຄົນໃນວົງການໄຟຟ້າ ກໍ່ຈະບໍ່ມີບັນຫາໃນການໃຊ້ງານເລີຍ ເພາະໃຊ້ລະບົບທີ່ ເພື່ອນໆ ຄຸ້ນເຄີຍດີຢູ່ແລ້ວ ເພາະໃຊ້ຊອບແວໂຕດຽວກັນນັ້ນເອງ

ດັ່ງນັ້ນ ຖ້າເພື່ອນໆ ໄປລອງໃຊ້ເບິ່ງ ຈະຮູ້ໄດ້ເລີຍວ່າ ມັນໃຊ້ງ່າຍ ແຕ່ຕ້ອງສະຫມັກສະມາຊິກເສຍກ່ອນ ເພາະເພິ່ນບໍ່ໄດ້ອະນຸຍາດໃຫ້ ຂາສັນຈອນ ມີສິດໂພສ

ໄປລອງເວັບບອດໃຫມ່ຂອງເພິ່ນທີ່ http://mahasan.com/forum/index.php ຂ້າພະເຈົ້າກໍ່ໄປສະຫມັກ, ສ້າງ profile ສຳເລັດ ແລະ ໄປໂພສມາແລ້ວ

ສຳລັບອີກເວັບບອດຫນຶ່ງ ທີ່ມີຄົນນິຍົມຫລາຍ ກໍ່ຄື inlao.net ນັ້ນເອງ ທີ່ເພິ່ນກໍ່ປິດເພື່ອປັບປຸງມາໄດ້ຫລາຍເດືອນແລ້ວ. ຫລ້າສຸດ ທາງເວັບມາສເຕີ ກໍ່ອອກມາປະກາດວ່າ ເວບໄຊທ໌ ອີນລາວ ຈະເປີດໃຊ້ເປັນປົກກະຕິ ພາຍໃນວັນທີ່ 15 ຕຸລານີ້

ມືຖືລາວທຸກລະບົບ ຈະສາມາດເຊື່ອມຕໍ່ກັບອິນເຕີເນັດ

2008-09-29T12:04:00.004+07:00

ເຂົາໂທມາຖາມ ກ່ຽວກັບຜົນເຕະບານ

ອັນນີ້ກະບໍ່ໄດ້ສົ່ງເສີມ ການພະນັນບານດອກເດີ້, ເຂົາໂທມາຖາມ ວ່າຢູ່ເຮືອນບໍ່ ເຂົ້າອິນເຕີເນັດແດ່ດຸ ຢາກຮູ້ຜົນເຕະບານ. ເວລານັ້ນ ຂ້່າພະເຈົ້າ ພວມໃຊ້ເວລາກັບຄອບຄົວ ຢູ່ສວນປະຕູໄຊ. ເພິ່ນຍັງບອກຕື່ມວ່າ ປານໃດສິເມືອ ຢາກຮູ້ຜົນໄວໆ. ຂ້າພະເຈົ້າ ບອກວ່າ ບໍ່ຈຳເປັນເມືອຮອດເຮືອນດອກ ຈະກວດກາໃຫ້ ເບິ່ງຈາກມືຖືນີ້ລະ, ມີຖືໂທລະຄົມລາວ etl wap, live score. ເພິ່ນກໍ່ຂອບໃຈ ສະຫລຸບວ່າ ທິມຂອງເພິ່ນ ປະລາໄຊ ບໍ່ດັ່ງນັ້ນ ຂ້າພະເຈົ້າ ຄົງຈະໄດ້ທວງຄ່າບໍລິການ 555

ໃນເມື່ອກ່ອນ ມີແຕ່ສັນຍານມືຖື ຂອງ etl ທີ່ໃຫ້ບໍລິການ GPRS ທີ່ສາມາດເຊື່ອມຕໍ່ກັບອິນເຕີເນັດ, ດຽວນີ້ ກໍ່ມີຂອງ tigo ແລະ ໃນໄວໆນີ້ ລາວໂທລະຄົມ ກໍ່ກຳລັງຈະໃຫ້ບໍລິການ ການເຊື່ອມຕໍ່ອິນເຕີເນັດ ຜ່ານລະບົບ 3G

ສະແດງວ່າ ໃນອະນາຄົດອັນໃກ້ນີ້ ມືຖືລາວທຸກລະບົບ ກໍ່ຈະສາມາດເຊື່ອມຕໍ່ກັບອິນເຕີເນັດ

ຄົ້ນຫາ ພາບເຫດການປະຫວັດສາດ ທີ່ແຕ່ລະທ່ານຖ່າຍໄວ້

2008-09-01T13:50:00.003+07:00

ໄລຍະຫລັງໆ ນີ້ ກໍ່ມີຫລາຍເຫດການທີ່ສຳຄັນເກີດຂຶ້ນ ເປັນຕົ້ນແມ່ນ ຈີນເປີດກິລາໂອລິມປິກ ແລະ ຊາວນະຄອນຫລວງວຽງຈັນ ຕະລຸມບອນຕ້ານນ້ຳຖ້ວມ. ເຫດການທີ່ວ່າ ນັບເປັນເຫດການປະຫວັດສາດ ທີ່ນັກຖ່າຍພາບ ຫລາຍຄົນ ໄດ້ບັນທຶກພາບໄວ້ ແລະ ກໍ່ໄດ້ upload ໄວ້ທີ່ internet.

ຂ້າພະເຈົ້າ ກໍ່ມັກ search ຫາພາບທີ່ເປັນປະຫວັດສາດ ນີ້ມາເບິ່ງ ຫລື ເກັບມາປະກອບຂ່າວ ໂດຍໃຊ້ image search ຂອງ google.
ແຕ່ວ່າຫນ້າເສຍດາຍ ທີ່ບໍ່ຄ່ອຍໄດ້ພາບ ໂດຍສະເພາະ ແມ່ນ ພາບນ້ຳຖ້ວມນະຄອນວຽງຈັນ ແລະ ປະຊາຊົນຊາວວຽງຈັນ ສູ້ກັບນ້ຳຂອງແນວໃດ.

ແຕ່ ເນື່ອງຈາກວ່າ ຂ້າພະເຈົ້າ ກໍ່ໃຊ້ ບໍລິການຂອງ flickr ເປັນເວັບສຳລັບ ໃຫ້ນັກຖ່າຍພາບສະຫມັກຫລິ້ນ upload ຮູບຂອງຕົນໄວ້ອວດເພື່ອນໆ ເຊິ່ງເປັນຂອງ yahoo, ຂ້າພະເຈົ້າ ກໍ່ເລີຍ upload ຮູບໄປໄວ້ຫັ້ນ ແລະ ກໍ່ໂຊກດີ ທີ່ຂ້າພະເຈົ້າ ໄດ້ໄປພົບກັບຮູບພາບປະຫວັດສາດ ທີ່ມີຊາວນະຄອນຫລວງວຽງຈັນ ຕະລຸມບອນຕ້ານນ້ຳຖ້ວມ ຢູ່ຫັ້ນ ຈຳນວນຫລວງຫລາຍ ນັບທັງ ພາບທີ່ນັກຖ່າຍພາບ ໄດ້ຖ່າຍຮູບພິທີເປີດປິດ ກິລາໂອລິມປິກ ທີ່ປະເທດຈີນ ກໍ່ມີຫລາຍເຊັ່ນກັນ

ພາບພະນັກງານກຕຟ ຕະລຸມບອນຕ້ານນ້ຳຖ້ວມ , ພາບພິທີເປີດກິລາໂອລິມປິກ

ພາບນ້ຳຖ້ວມວຽງຈັນ

ໃຊ້ອິນເຕີເນັດ ຊ່ວຍເລືອກຊື້ສິນຄ້າ

2008-08-01T08:25:00.004+07:00

ສະບາຍດີ ທຸກທ່ານ ທີ່ຕິດຕາມບົດຂຽນຂອງຂ້າພະເຈົ້າ. ຮູ້ສຶກວ່າຕອນນີ້ ໄດ້ຂຽນບົດຄວາມລົງເດືອນລະເທື່ອ ເທົ່ານັ້ນ. ມື້ນີ້ ຈະຂຽນເລົ່າປະສົບການຂອງຕົວເອງ ໃນການເລືອກຊື້ໂທລະສັບມືຖື ແລະ ໂນດບຸກ ໂດຍອາໄສຂໍ້ມູນຈາກອິນເຕີເນັດ

ຕາມທຳມະດາແລ້ວ ເວລາຈະເລືອກຊື້ໂທລະສັບ ຂ້າພະເຈົ້າຈະໄປພົບຄົນທີ່ເຂົາຫາກໍ່ຊື້ ໃຫ້ເຂົາເລົ່າໃຫ້ຟັງ ວ່າລຸ້ນໃດເປັນແນວໃດ ລາຄາໃດ, ຈາກນັ້ນ ກໍ່ເລາະໄປແຕ່ລະຮ້ານ ວ່າຮ້ານໃດມີລຸ້ນໃດຂາຍ ລາຄາໃດ...

ສິ່ງທີ່ວ່າມາຂ້າງເທິງນັ້ນ ສາມາດ ເຮັດໄດ້ໃນອິນເຕີເນັດ ຖ້າເປັນຢູ່ຕ່າງປະເທດມັນສາມາດບອກໄດ້ວ່າແຕ່ລະລູ້ນມີຂາຍຢູ່ຮ້ານໃດ ລາຄາຕ່າງກັນຫລາຍປານໃດ...

ສົມມຸດຂ້າພະເຈົ້າ ຢາກໄດ້ ມືຖື ຍີ່ຫໍ້ Nokia ຂ້າພະເຈົ້າ ກໍ່ເຂົ້າໄປເວັບຂອງເຂົາ. ຈາກນັ້ນ ກໍ່ສຳຫລວດເບິ່ງວ່າມີລຸ້ນໃດແດ່, ມີຄຸນສົມບັດແນວໃດ, ເລື້ອງຄຸນສົມບັດນີ້ ໃນເວັບໄຊຜູ້ຜະລິດ ຈະຂຽນລະອຽດກວ່າ ໃນເວັບໄຊຜູ້ຈຳຫນ່າຍ

ທ່ານ ສາມາດເລືອກແຕ່ລະລຸ້ນມາປຽບທຽບກັນ ເຊິ່ງທາງເວັບຈະມີຊອບແວຊ່ວຍ ເຮົາພຽງ click ໃສ່ລຸ້ນທີ່ເຮົາສົນໃຈ ຈັກ 2-3 ລຸ້ນ ແລ້ວກໍ່ກົດປຸ່ມ compare ມັນຈະເອົາຄຸນສົມບັດຂອງແຕ່ລະລຸ້ນ ພ້ອມທັງລາຄາ ມາທຽບກັນໃຫ້ເຫັນ ເພື່ອໃຫ້ທ່ານສາມາດຕັດສີນໃຈໄດ້ງ່າຍ

ເມື່ອທ່ານເລືອກໄດ້ແລ້ວ ແຕ່ຍັງບໍ່ຮູ້ວ່າໃຊ້ໄປແລ້ວມັນຈະເປັນແນວໃດ ທ່ານສາມາດສອບຖາມຜູ້ທີ່ເຄີຍໃຊ້ລຸ້ນນີ້ ດ້ວຍການອ່ານ review ຂອງສິນຄ້າທີ່ທ່ານສົນໃຈ ໄດ້ທັນທີ ເພາະ review ຈະຂຽນໂດຍຜູ້ມີປະສົບການໃນການນຳໃຊ້ມາແລ້ວ ຫລືທ່ານຈະຂຽນຂໍຄວາມເຫັນລົງໃນເວັບບອດ ກໍ່ເປັນເລື້ອງທີ່ສາມາດເຮັດໄດ້

ຕາມຄວາມເຫັນຂອງຂ້າພະເຈົ້າ ແລ້ວ ອິນເຕີເນັດຈະ ຊ່ວຍປະຢັດເວລາ ໄດ້ຫລາຍ ຖ້າທຽບໃສ່ວິທີເດີມໆ ເຊັ່ນ ທ່ຽວໄປພົບຜູ້ທີ່ເຄີຍໃຊ້, ເລາະໄປຖາມຮ້ານຕ່າງໆ ເພື່ອຮູ້ລາຄາກາງ ລາຄາຕໍ່ລອງ ການຮັບປະກັນ ແລະ ອື່ນໆ

ວິທີການທີ່ຂ້າພະເຈົ້າສະເຫນີໄປນັ້ນ ທ່ານສາມາດໃຊ້ໄດ້ກັບສິນຄ້າອື່ນໆອີກ ບໍ່ວ່າຈະເປັນ ສິນຄ້າໄອທີ ກ້ອງຖ່າຍຮູບ ອາໄຫລ່ລົດ ແລະ ອື່ນໆ

ເມື່ອໃຊ້ບໍລິການຮ້ານເນັດ ຕ້ອງ log out ທຸກຄັ້ງ

2008-07-07T11:18:00.005+07:00

ເຄີຍໄປໄປຮ່ວມສຳມະນາໃນງານວັນເກີດລາວຊ້າຄົບຮອບ1ປີ. ໄດ້ມີການນຳສະເຫນີຫົວຂໍ້ຕ່າງໆໃນງານ, ໃນນັ້ນ ມີຄົນລາວຜູ້ຫນຶ່ງທີ່ຊະນະການເຈາະລະບົບ ທີ່ປະເທດໄທ ກໍ່ໄດ້ມາສາທິດວິທີການປ້ອງກັນຕົວເອງຈາກການhack.
ເພິ່ນໃຫ້ຂໍ້ມູນວ່າ ເມື່ອກ່ອນ hacker ມັກຈະໂຈມຕີບໍລິສັດໃຫຍ່ໆ, ດຽວນີ້ເຂົາຫັນມາ hack user ກັນແລ້ວ.

ການ hack user ແມ່ນການໃຊ້ລະຫັດຂອງເຮົາໄປໂພສ. ມັນເຮັດໄດ້ງ່າຍກວ່າ ການເຈາະລະບົບຂອງບໍລິສັດໃຫຍ່ໆ ເມື່ອເຂົາໄດ້ username and password ຂອງເຮົາແລ້ວ, ເຂົາສາມາດໃຊ້ຊື່ເຮົາໄປໂພສໄດ້ ເຮັດທຸກຢ່າງທີ່ເຮົາເຮັດໄດ້, ແລະ ທີ່ສຳຄັນເພິ່ນເຕືອນວ່າ click ດຽວອາດເຮັດໃຫ້ເຮົາເຂົ້າຄຸກໄດ້.

ດັ່ງນັ້ນ, ເຮົາຄວນລະວັງໃນການ login logout ໃນເວລາ ເຂົ້າໄປໃຊ້ບໍລິການໃນຮ້ານອິນເຕີເນັດ, ໂດຍສະເພາະ ອີເມລ ເພາະເຂົາສາມາດຮູ້ຊື່ຂອງເພື່ອນໆເຮົາທັງຫມົດ, ແລ້ວອາດຈະຂຽນໄປຂໍຢືມເງິນ ແລະ ໃຫ້ສົ່ງເງິນໄປໃຫ້ ເພື່ອນຂອງທ່ານອາດຫລົງເຊື່ອ ແລະ ເສຍເງິນໃຫ້ກັບພວກນີ້.

ທີ່ເລົ່າມານັ້ນ ແມ່ນທິດສະດີ, ສ່ວນຕົວຈິງ ທີ່ເຄີຍໄດ້ປະສົບມາແມ່ນ ເຫັນເວັບ hi5 ຂອງເພື່ອນຍິງຄົນຫນຶ່ງ ມີວີດີໂອຂອງພວກເກ ຜູ້ຊາຍກຳລັງກອດຈູບກັນຢ່າງມີຄວາມສຸກ. ຖາມລາວວ່າເອົາໃສ່ເຮັດຫຍັງ ເຈົ້າຂອງເພິ່ນບໍ່ຮູ້ເລື້ອງ. ອີກຕົວຢ່າງຫນຶ່ງ ຢູ່ໃນເວັບ multiply.com ເຈົ້າຂອງກໍ່ເປັນຜູ້ຍິງ ປະກົດມີວິດິໂອ ລາມົກ. ຕ້ອງໄດ້ຂ້ຽວລຶບອອກເປັນການດ່ວນ.

ບໍ່ຈື່ຊື່ເວັບໄຊ ຈະເຮັດແນວໃດ?

2008-06-21T17:59:00.001+07:00

ຫລາຍຄັ້ງ ພວກເຮົາຢາກຈະເອົາເວັບໄຊໃດຫນຶ່ງໃຫ້ຫມູ່ໄດ້ເບິ່ງ ແຕ່ບໍ່ອາດຈື່ຊື່ເວັບໄຊໄດ້. ເປັນຕົ້ນແມ່ນເວັບໄຊຂອງພະນົມສິນ (ຕົວຢ່າງ). ຫລາຍຄັ້ງທີ່ເພື່ອນໆ ໂທມາຖາມຊື່ເວັບໄຊພະນົມສິນ, ອັນນີ້ກໍ່ເຕັມໃຈຕອບໃຫ້ຢູ່ແລ້ວ www.pnomsin.com. ແຕ່ສົມມຸດໄປລືມຊື່ເວັບໄຊ ທີ່ທ່ານບໍ່ຮູ້ຈະໂທໄປຖາມນຳໃຜເດ ທ່ານຈະເຮັດແນວໃດ?

ຖ້າລືມຊື່ເວັບໄຊຂອງພະນົມສິນ ທ່ານສາມາດໂທຖາມໄດ້
ຖ້າທ່ານບໍ່ມີເບີໂທຂອງພະນົມສິນ ທ່ານກໍ່ໂທຖາມເພື່ອນ ເຊັ່ນ ເວັບໄຊພະນົມສິນ ສະກົດແນວໃດ ຫລື ຮູ້ເບີໂທພະນົມສິນບໍ່ ຈະໂທໄປຖາມຊື່ເວັບໄຊ
ຖ້າເພື່ອນຂອງທ່ານບໍ່ມີໃຜຕອບໄດ້ ບໍ່ຮູ້ຊື່ເວັບໄຊ ແລະ ບໍ່ຮູ້ເບີໂທ ອັນນີ້ບໍ່ມີບັນຫາເດີ້ ຢ່າຟ້າວສິ້ນຫວັງ ຫລືຢ່າຢຸດຄວາມພະຍາຍາມ

ໃຫ້ທ່ານ ພິມຊື່ຂອງ ພະນົມສິນລົງໄປ ໃນຊ່ອງຄົ້ນຫາ ແລ້ວກົດ enter
ເພື່ອນຂອງຂ້າພະເຈົ້າ ໃຊ້ວິທີນີ້ມາຕະຫລອດ ແຕ່ໄລຍະຫລັງໆ ໂທມາຈົ່ມ
ເພິ່ນວ່າແຕ່ກ່ອນງ່າຍຫລາຍ ພິມຊື່ເຂົ້າໄປແລ້ວກົດ enter ກໍ່ພົບໂລດ
ດຽວນີ້ ພໍສັ່ງຄົ້ນຫາ ພະນົມສິນ ມັນລະອອກມາບັກຫລາຍໆເວັບ ແນວວ່າມີເວັບໄຊຢູ່ຫລາຍບ່ອນ
ແຕ່ກໍ່ຄົງບໍ່ເປັນບັນຫາ search ເອົາຄືເກົ່າຫັ້ນ ດີແລ້ວ.
ທ່ານເຂົ້າເວັບໄຊຂອງພະນົມສິນ ອັນໃດກໍ່ໄດ້ ມັນຈະມີລິ້ງມາຫາກັນ

ສະຫລຸບ ຖ້າທ່ານບໍ່ຈື່ຊື່ເວັບໄຊ ຫລືຈື່ບໍ່ຫມົດ ກໍ່ໃຫ້ໃຊ້ວິທີ search ເອົາ. ທ່ານ ອາດຈະຄົ້ນຫາ ຕາມຊື່ຜູ້ຂຽນ, ຕາມເນື້ອເລື້ອງ, ຕາມປະເພດ (ຂ່າວ, ຮູບພາບ..) ແລະ ບາງຄຳໃນຊື່ເວັບໄຊນັ້ນ
ລອງເບິ່ງເດີ້

ໃຊ້ອິນເຕີເນັດ check spelling

2008-05-21T16:31:00.003+07:00

ມື້ນີ້ ມີຄົນໂທຫາແຕ່ເຊົ້າ ຖາມເລື້ອງການ ສະກົດຄຳພາສາອັງກິດ.
ຜູ້ກ່ຽວຕ້ອງການບໍລິຈາກເງິນໃຫ້ກັບຜູ້ປະສົບໄພ ຈາກພາຍຸຢູ່ປະເທດທີ່ມຽນມ້າ.
ບັນຫາ ຂອງຜູ້ກ່ຽວແມ່ນ ການຂຽນຂໍ້ຄວາມພາສາອັງກິດ ໃສ່ຊອງເງິນ.
ເພິ່ນຢາກຂຽນວ່າ ບໍລິຈາກໃຫ້ກັບຜູ້ປະສົບໄພຈາກພາຍຸໄຊໂຄລນ ນາກິສ ທີ່ມຽນມ້າ

ຂ້າພະເຈົ້າ ໄດ້ບອກໄປທາງໂທລະສັບ ວ່າມີໂຕຫຍັງແດ່ ເພາະຄຳທີ່ເພິ່ນບໍ່ຮູ້ ມີຫລາຍຄຳ
ແລະ ເພິ່ນໃຊ້ dictionary ຊ່ວຍບໍ່ໄດ້ ເຊັ່ນຄຳວ່າ ນາກິສ (ຊື່ພາຍຸ), ໄຊໂຄລນ (ຊະນິດຂອງພາຍຸ) ແມ້ແຕ່ ມຽນມ້າ ມັນຂຽນແບບໃດ

ເພື່ອຄວາມແຈບໃຈ ເພິ່ນຂຽນແລ້ວ ເອົາມາໃຫ້ອ່ານອີກ ຊ່ວຍກວດໃຫ້ເພິ່ນແດ່
ໂອຍ ຂຽນຜິດເກືອບຫມົດ

ແຕ່ຂ້າພະເຈົ້າ ເຄີຍເຫັນ ໂຄສະນາ ການບໍລິຈາກ ໃນເວັບຂອງຕົວເອງ ເລີຍບອກໃຫ້ໄປກວດເບິ່ງ
ແຕ່ບໍ່ເຫັນ ມັນໄປໂຄສະນາໃຫ້ບໍລິຈາກຢູ່ຈີນແລ້ວ (ads by google ມັນບໍ່ຄົງທີ່ ມັນປ່ຽນໄປເລື້ອຍໆ)

ບໍ່ເຫັນກໍ່ບໍ່ເປັນຫຍັງ search ເອົາໃນອິນເຕີເນັດ. ຂ້າພະເຈົ້າ ພິມຄຳວ່າ Myanmar victim ລົງໄປ. ຜົນທີ່ໄດ້ ແມ່ນ ທຸກຄຳສັບທີ່ກ່ຽວຂ້ອງກັບ Myanmar ແມ່ນອອກມາຫມົດ ດັ່ງນັ້ນ, ຈຶ່ງໄດ້ເຫັນວ່າເຂົາຂຽນຄຳພາສາອັງກິດກັນແນວໃດ

ນາກິສ (ຊື່ພາຍຸ), ພາສາອັງກິດ ເຂົາຂຽນ Nargis
ໄຊໂຄລນ (ຊະນິດຂອງພາຍຸ) ເຂົາຂຽນ Cyclone
ມຽນມ້າ ເຂົາຂຽນ Myanmar (ຕ້ອງມີຕົວ r ລົງທ້າຍ)

ສະຫລຸບວ່າ: ການໃຊ້ dictionary ກວດການສະກົດ ຕ້ອງກວດໄປເທື່ອລະສັບ ແຕ່ການໃຊ້ອິນເຕີເນັດຊອກ ມັນຈະເຫັນຫມົດທຸກຄຳສັບກ່ຽວຂ້ອງ

ເວັບ social network ຍອດນິຍົມ ຂອງໂລກ

2008-05-13T15:29:00.005+07:00

ດັ່ງທີ່ໄດ້ຂຽນກ່ຽວກັບ ເວັບທີ່ໃຫ້ບໍລິການແບບ social network ໄປແລ້ວ ໃນບົດກ່ອນ
ມື້ນີ້ຂໍສືບຕໍ່ຂຽນ ເລື້ອງນີ້ອີກ ໂດຍຈະນຳເອົາ ເວັບປະເພດນີ້ ທີ່ຄົນໃນໂລກນິຍົມໃຊ້ບໍລິການ ຫລາຍກ່ອນຫມູ່ ມານຳສະເຫນີ ນັ້ນກໍ່ຄື:

1. MySpace.com
2. FaceBook.com
3. Orkut.com
4. Hi5.com
5. Vkontakte.ru
6. Friendster.com
7. SkyRock.com
8. PerfSpot.com
9. Bebo.com
10. Studivz.net

ແຕ່ລະປະເທດກໍ່ມັກບໍ່ຄືກັນ ຄົນລາວ ມັກພົບເຫັນຢູ່ hi5 ຫລາຍທີ່ສຸດ. ສ່ວນ ເວັບຂອງລາວເຮົາເອງ ຄື punlao.com ກໍ່ມີຄົນລາວຫລາຍເປັນອັນດັບ1 ພຸ້ນລະ ຮອງລົງມາຈຶ່ງແມ່ນຄົນໄທ ແລະ ຄົນອື່ນໆ.
ດັ່ງນັ້ນ, ໃຜທີ່ຕ້ອງການມີຫມູ່ອອນລາຍ ທີ່ເປັນຄົນລາວ ກໍ່ຄົງຕ້ອງແນະນຳໃຫ້ໄປທີ່ punlao.com ເດີ້ ເພື່ອນໆ (ເປັນຫຸ້ນສ່ວນກັບເຈົ້າຂອງເວັບເພິ່ນ ຈຶ່ງຊ່ວຍເພິ່ນໂຄສະນາ ແຮະແຮະ)

ຂຽນຈາກໄອເດຍໃນເວັບ keng.com

ອິນເຕີເນັດ ຊ່ວຍແຈ້ງເຕືອນ ວັນເກີດຂອງເພື່ອນ

2008-05-08T13:41:00.003+07:00

ມື້ນີ້ ໄດ້ໂທໄປອວຍພອນວັນເກີດຫມູ່ຜູ້ຫນຶ່ງຢູ່ແຂວງບໍ່ແກ້ວ. ເພິ່ນກໍ່ງົງ ວ່າຮູ້ໄດ້ແນວໃດ ວ່າເປັນວັນເກີດ. ເລື້ອງມັນມີຢູ່ວ່າ ເພິ່ນໄດ້ໄປສະຫມັກເປັນສະມາຊິກ ໃນເວັບໄຊຫນຶ່ງ ທີ່ໃຫ້ບໍລິການ ແບບ social network. ໃນເວລາສະຫມັກ ມັນຈະໃຫ້ກອກລາຍລະອຽດ ເຊັ່ນ ຊື່, ທີ່ຢູ່, ອີເມລ,.. ນັບທັງວັນເດືອນປີເກີດ.

ເມື່ອສະຫມັກແລ້ວ ເຮົາກໍ່ສາມາດ ສ້າງຫນ້າເວັບສ່ວນຕົວຂອງເຮົາເອງຂຶ້ນມາ ເຊັ່ນ : ອັບໂຫລດຮູບຖ່າຍ ຂຽນກ່ຽວກັບຕົວເອງ ບໍ່ວ່າຈະເປັນນິໄສໃຈຄໍ ເພງທີ່ມັກ ອາຫານທີ່ມັກ ຕ້ອງການຮູ້ຈັກກັບຄົນແບບໃດ ...

ຫລັງຈາກສ້າງຫນ້າເວັບສ່ວນຕົວ ຄົບຖ້ວນແລ້ວ ກໍ່ປະກາດໃຫ້ເພືອນໆຮັບຮູ້ ແລ້ວເພື່ອນໆ ຈະໄດ້ເຂົ້າໄປອ່ານ ໄປຂຽນຄຳຄິດເຫັນ ຫລືຂໍເປັນເພື່ອນນຳກັນ...ແລ້ວເວັບໄຊຈະບັນທຶກ ລາຍຊື່ຜູ້ທີ່ເປັນຫມູ່ໄວ້ໃຫ້

ຖ້າໄດ້ໃຫ້ວັນເດືອນປີເກີດ ໄປແລ້ວ ເມື່ອຮອດມື້ຮອດວັນ ມັນກໍ່ຈະສົ່ງອີເມລມາ ແຈ້ງເຕືອນຫມູ່ເພື່ອນໃຫ້ຮູ້ ວ່າໃກ້ຈະຮອດວັນເກີດແລ້ວ ກຽມສົ່ງຄຳອວຍພອນໄດ້. ທ່ານສາມາດ ອວຍພອນລົງໃນເວັບຂອງລາວເອງ ຫລື ກໍລະນີຂອງຂ້າພະເຈົ້າ ແມ່ນໂທເອົາ ເພາະຮູ້ວ່າ ລາວຄົງບໍ່ມີເວລາເຂົ້າໄປເວັບ

ເວັ້າເລື້ອງເວັບສ່ວນຕົວ ຂ້າພະເຈົ້າເຄີຍແນະນຳ ເວັບພັນລາວ punlao.com ເພາະເປັນຂອງຄົນລາວ ສຳລັບຄົນລາວ
forum.pnomsin.com/index.php?topic=968.0

ໃຊ້ google ຊ່ວຍແກ້ບັນຫາ ສັບເຕັກນິກ

2008-04-24T11:20:00.005+07:00

ມື້ນີ້ ມີພະນັກງານຄົນຫນຶ່ງມາຖາມຄຳສັບພາສາອັງກິດ. ເພິ່ນຖາມກ່ຽວກັບຊື່ອຸປະກອນໄຟຟ້າ ໃນນີ້ເພິ່ນຖາມວ່າ ຄຳວ່າ guy grip ຫມາຍເຖິງອຸປະກອນຕົວໃດ ເພາະເອກະສານສັນຍາ ລະບຸວ່າຕ້ອງເປັນອຸປະກອນຕົວນັ້ນ ຖ້າບໍ່ຮູ້ຈັກອາດຈະຊື້ຜິດ. ທຳອິດຂ້າພະເຈົ້າກໍ່ໃຊ້ dictionnary ແປສັບດັ່ງກ່າວອອກມາ. ເນື່ອງຈາກເປັນສັບເຕັກນິກ ຈຶ່ງເຮັດໃຫ້ dictionary ທຳມະດາ ແປບໍ່ກົງກັບເປົ້າຫມາຍ.

ຂ້າພະເຈົ້າເລີຍ ເປີດເວັບໄຊ ຍອດນິຍົມ www.google.com ອອກມາ ແລ້ວພິມຄຳວ່າ guy grip ເຂົ້າໄປ ກົດ enter. ມັນກໍ່ໂຊລາຍຊື່ເວັບ ທີ່ມີຄຳນີ້ອອກມາ. ເພື່ອໃຫ້ເຫັນແຈ້ງວ່າ ຫນ້າຕາອຸປະກອນນັ້ນເປັນແບບໃດ ກໍ່ກົດໃສ່ image ແລ້ວ ກໍ່ໄດ້ຫນ້າຕາຂອງອຸປະກອນນັ້ນ ອອກມາ ພາໃຫ້ພະນັກງານຄົນນັ້ນຫມົດຄຳຖາມ ແລະ ໄດ້ຄຳຕອບທີ່ພໍໃຈ.

ສະຫລຸບວ່າ ຖ້າເຮົາຮູ້ຊື່ອຸປະກອນໃດຫນຶ່ງ ແມ່ນສາມາດ ຄົ້ນຫາ ຮູບອຸປະກອນນັ້ນໄດ້ ດ້ວຍ internet search. ແຕ່ຖ້າຮູ້ຈັກແຕ່ຫນ້າ ບໍ່ຮູ້ຊື່ມັນເລີຍ ອັນນີ້ກໍ່ຍາກແດ່.

ການຄົ້ນຫາຮູບໃນອິນເຕີເນັດ ໄດ້ເຄີຍຂຽນໄວ້ແລ້ວ ໃນເດືອນ 5 ປີ 2007
http://laobeginner.blogspot.com/2007/05/blog-post.html

Moziila ສົ່ງ firefox 3.0 beta 4ໃຫ້ທົດລອງໃຊ້ແລ້ວ

2008-04-02T16:56:00.003+07:00

Moziila ສົ່ງ firefox 3.0 beta 4ໃຫ້ທົດລອງໃຊ້ແລ້ວ ຫລັງຈາກທີ່ປ່ອຍໃຫ້ Microsoft ປ່ອຍ IE 8 beta 1 ອອກມາໄດ້ປະມານອາທິດປາຍ Moziila ກໍ່ປ່ອຍ Firefox 3.0 beta 4 ອອກມາແລ້ວຄືກັນ

ທ່ານສາມາດດາວໂຫລດມາລອງໃຊ້ໄດ້ຈາກລິ້ງນີ້ http://www.mozilla.com/en-US/firefox/all-beta.html

ໄມໂຄຣຊອຟທ໌ເຜີຍໂສມ Internet Explorer 8.0 ເວີລ໌ຊັນທົດລອງ

2008-03-11T13:51:00.004+07:00

Written by birdflu2007.exe

ເມື່ອວັນພຸດທີ່ຜ່ານມາໃນງານ Mix Conference ໄມໂຄຣຊອຟທ໌ໄດ້ທຳການແນະນຳເວັບບລາວນ໌ເຊີລ໌ເວີລ໌ຊັນຫລ້າສຸດ Internet Explorer 8.0 ພ້ອມກັບທຳການສົ່ງລຸ້ນທົດລອງເວີລ໌ຊັນທຳອິດອອກມາໃຫ້ໄດ້ທົດລອງໃຊ້ກັນ ໂດຍເວັບບລາວນ໌ເຊີລ໌ Internet Explorer 8.0 ນີ້ ໄດ້ຖືກພັດທະນາມາຈາກເວີລ໌ຊັນກ່ອນໜ້າ ເຊິ່ງໄດ້ເພີ່ມການສະໜັບສະໜູນການເຮັດວຽກຕ່າງໆເຂົ້າມາ ເຊັ່ນ ສະໜັບສະໜູນ CCS 2.1 ແລະ HTML 5 ໂດຍສຳລັບການສະໜັບສະໜູນ HTML 5 ນັ້ນ ຈະອະນຸຍາດໃຫ້ຜູ້ພັດທະນາສາມາດສ້າງເວັບໄຊຕ໌ທີ່ຮູ້ວ່າຜູ້ໃຊ້ທຳການເຊື່ອມຕໍ່ອິນເຕີລ໌ເນັດຢູ່ຫລືບໍ່ໄດ້ ແລະສາມາດບັນທຶກ content ຕ່າງ ໆໄດ້ຈົນກະທັ້ງຜູ້ໃຊ້ອອກຈາກອິນເຕີລ໌ເນັດ ນອກຈາກນີ້ ຍັງຊ່ວຍໃຫ້ຜູ້ພັດທະນາສາມາດສ້າງ Ajax application ໂດຍສະແດງປຸ່ມ back ແທນການກັບໄປຍັງຫນ້າທີ່ແລ້ວ ເຊິ່ງໃນ IE8 ນີ້ ໄດ້ເພີ່ມຟັງຊັ້ນການເຮັດວຽກພິເສດຕ່າງ ໆທີ່ບໍ່ມີໃນ IE7 ຫລືເວີລ໌ຊັນກ່ອນໜ້າເຂົ້າມາ ເຊິ່ງລວມເຖິງ Activities, WebSlices ແລະ automatic crash recovery ໂດຍ Activities ຈະຊ່ວຍໃຫ້ຜູ້ໃຊ້ສາມາດຕິດຕໍ່ກັບ Web services ອື່ນ ໆພາຍໃນໜ້າເວັບນັ້ນ ໆໄດ້ ເຊິ່ງຜູ້ໃຊ້ສາມາດ copy ແລະ paste ຂໍ້ມູນຕ່າງ ໆຈາກໜ້າເວັບໜຶ່ງໄປຍັງອີກໜ້າໜຶ່ງໄດ້ ສ່ວນ WebSlices ຈະຊ່ວຍໃຫ້ຜູ້ໃຊ້ແລະຜູ້ພັດທະນາສາມາດສ້າງ custom content ຈາກ dynamic content ເທິງເວັບໄຊຕ໌ໄດ້ ຍົກຕົວຢ່າງເຊັ່ນ ເວັບຂອງກົມອຸຕຸນິຍົມວິທະຍາ ພາຍໃນໜ້າເວບນັ້ນກໍຈະປະກອບໄປດ້ວຍຂໍ້ມູນສະພາບດິນຟ້າອາກາດ ລວມເຖິງຂໍ້ມູນອື່ນ ໆດ້ວຍ ເຊິ່ງ WebSlices ກໍຈະຊ່ວຍຄັດເລືອກສະເພາະຂໍ້ມູນສະພາບດິນຟ້າອາກາດມາໃຫ້ກັບຜູ້ໃຊ້ທີ່ຕ້ອງການໄດ້ຮັບສະເພາະຂໍ້ມູນສະພາບດິນຟ້າອາກາດເທົ່ານັ້ນ ເຊິ່ງຈະຄ້າຍ ໆກັບ RSS feed ແລະ automatic crash recovery ເຊິ່ງເປັນຟັງຊັ້ນທີ່ພົບໃນ Firefox ແຕ່ໄດ້ຂະຫຍາຍຄວາມສາມາດໃນການເຮັດວຽກອອກໄປ ເຊິ່ງຈະຊ່ວຍກູ້ບລາວນ໌ເຊີລ໌ທີ່ມີບັນຫາໃຫ້ກັບມາໃຊ້ງານໄດ້ ເປັນຕົ້ນ

Source :TechWeb, http://www.laozaa.com/web/content/view/80/5/

ຕິດຕາມສະພາບອາກາດດ້ວຍ Yahoo! Messenger 8

2008-02-28T13:06:00.000+07:00

Yahoo! Messenger ມີບໍລິການລາຍງານສະພາບອາກາດໃນທົ່ວໂລກ, ເພື່ອເປີດໃຊ້ບໍລິການດັ່ງກ່າວແມ່ນ

ໃຫ້ເຮົາຄິກທີ່ Add Plug-ins ແລະເລືອກ tab Featured Plug-ins ດັ່ງນີ້:

ຈາກນັ້ນໃຫ້ເລືອກ Yahoo!Weather ແລ້ວເລືອກ Try it now

ປິດຫ້ອງດັ່ງກ່າວ ແລ້ວເຮົາຈະເຫັນວ່າທີ່ໜ້າຕ່າງ Yahoo! Messenger 8 ໄດ້ມີຫ້ອງໜື່ງຕື່ມຂື້ນອີກ

ທ່ານຈະເຫັນວ່າມັນສະແດງສະພາບອາກາດຂອງ Hong Kong ເຊີ່ງເຮົາສາມາດປ່ຽນເປັນ Laos ໄດ້ດັ່ງນີ້

ໃຫ້ເລືອກທີ່ Options

ຂໍໃຫ້ໂຊກດີ
ຂຽນໂດຍ: duong

ວິທີການຕັ້ງ font ໃຫ້ສາມາດອ່ານພາສາໄທ ໃນ firefox

2008-02-18T16:20:00.005+07:00

ໄປທີ່ tools > options
ຈາກນັ້ນ ເຮັດຕາມຮູບ

skype

2008-02-18T02:07:00.002+07:00

skype ເປັນໂປແກມຄ້າຍກັບ messenger ທົ່ວໄປ
ໃຊ້ໄດ້ກັບອີເມລທຸກແບບ
ສາມາດໂທຫາກັນ ລະຫວ່າງ ຄອມພິວເຕີ ຫາ ຄອມພິວເຕີ ຟຣີ ສຽງຊັດເຈນດີ
ສາມາດໂທ ຈາກ ຄອມພິວເຕີ ຫາ ໂທລະສັບ ບ້ານ ຫລື ມືຖື ແຕ່ຕ້ອງເສຍເງິນ
ສາມາດແຊັດກັນໄດ້ທົ່ວໂລກ
ແຕ່ພາສາລາວ ຍັງມີບັນຫາຢູ່

ແຕ່ບ່ອນທີ່ພິເສດກ່ອນໝູ່ຄືເຮົາສາມາດຮັບເງິນ-ສົ່ງເງິນ, ສັ່ງຊື້ເຄື່ອງສິນຄ້າທາງອິນເນີເນັດໄດ້ ໂດຍຜ່ານລະບົບການເງິນ ຂອງPaypal ຊຶ່ງແມ່ນລະບົບສັ່ງຈ່າຍທີ່ປອດໄພທີ່ສຸດ ເພາະທາງປາຍທາງບໍ່ສາມາດຮູ້ເບີບັນຊີທະນາຄານຂອງເຮົາໄດ້. ຖ້າຢາກອ່ານພາສາລາວ ກໍ່ຕ້ອງປ່ຽນໂຕໜັງສືລາວມາເປັນຄອບຄົວຂອງ2000 ເຊັ່ນSaysettha2000, Xiengthong2000 ແລະຖ້າຢາກຂຽນພາສາລາວກໍ່ຕ້ອງປ່ຽນFont codesມາເປັນLao2000

image038 0r image038.zip is virus

2008-02-13T17:29:00.005+07:00

image038 0r image038.zip is virus
ມັນລະບາດ ທາງ windows Live messenger
ມັນຈະສົ່ງຂໍ້ຄວາມພາສາອັງກິດ ມາກ່ອນ
ເຊັ່ນ ຂ້ອຍມັກຮູບເຈົ້າ, ຂໍຮູບໄປລົງສະເປສໄດ້ບໍ່...
ແລ້ວກໍ່ສົ່ງ folder ຮູບ ທີ່ມີຊື່ image038.zip ມາໃຫ້
ເມື່ອທ່ານພົບວ່າໃຜສົ່ງຫຍັງມາໃຫ້ກໍ່ຕາມ ໃຫ້ຖາມຄືນເສຍກ່ອນ
ຖ້າເພື່ອນທ່ານບອກວ່າບໍ່ໄດ້ສົ່ງຫຍັງມາໃຫ້
ກໍ່ເຕືອນເພື່ອນທ່ານໄດ້ເລີຍວ່າ ລາວຕິດໄວຣັສແລ້ວ
ຫ້າມກົດ accept ຖ້າບໍ່ແມ່ນສິ່ງທີ່ເພື່ອນທ່ານສົ່ງມາ ໃຫ້ກົດ decline

ຖ້າທ່ານບັງເອີນໄປກົດຮັບເອົາແລ້ວ. ວິທີແກ້ ເບິ່ງຈາກເວັບນີ້
http://www.e4share.com/clean-virus-msn-send-photos-zip-auto/

http://nhatquanglan.xlphp.net/ is virus (ໄວຣັສພາສາວຽດພາກ2)

2008-02-04T11:58:00.000+07:00

ມັນມາອີກແລ້ວ ມາກັບ yahoo messenger
ມັນສົ່ງມາຈາກຄົນທີ່ທ່ານຮູ້ຈັກ ຂຽນເປັນພາສາວຽດນາມ ແລະ ມີ link ໄປຍັງເວັບໄຊອັນຫນຶ່ງ
ຢ່າກົດອ່ານເປັນເດັດຂາດ ບໍ່ດັ່ງນັ້ນ ທ່ານຈະກາຍເປັນຜູ້ແພ່ເຊື້ອ

http://www.pnomsin.com/?p=114

Yahoo Massanger 9.0 ທັງ chat ທັງຟັງເພງພີ່ນ້ອງ

2008-01-30T18:07:00.000+07:00

ยาฮูเอาใจนักแชตด้วยการเพิ่มความสามารถในการเล่นไฟล์มัลติมีเดียให้กับ โปรแกรมสนทนาเวอร์ชันล่าสุด Yahoo Messenger 9.0 นอกจากนี้ยังปรับปรุงให้นักแชตสามารถส่งไฟล์ขนาดใหญ่ แถมพัฒนาให้โปรแกรมสามารถรองรับภาษาอื่นๆได้มากขึ้นเพื่อบุกตลาดเอเชียอีก 6 ประเทศ โดยไทยเป็นหนึ่งในหกประเทศนั้นด้วย
การเปิดตัวยาฮูแมสเสนเจอร์ 9.0 นั้นชนกับข่าวส่วนแบ่งตลาดบริการโปรแกรมสนทนาหรือ instant messaging ของเอโอแอล (AOL) ที่เพิ่มขึ้น ถือเป็นสัญญาณอันตรายที่ชี้ว่าเอโอแอลซึ่งเป็นเว็บไซต์สังคมออนไลน์เช่น เดียวกับมายสเปซ (MySpace) คือคู่แข่งรายใหม่เพิ่มขึ้นอีกหนึ่งรายของยาฮู
Yahoo Messenger 9.0 เปิดให้สาธารณชนทดลองใช้งานแล้วในขณะนี้ จุดเด่นคือการเพิ่มคุณสมบัติการแชร์ไฟล์ซึ่งมีในเว็บไซต์สังคมออนไลน์ส่วน ใหญ่มี รวมถึงห้องสำหรับโพสต์ภาพและวีดีโอเพื่อให้คู่สนทนารายอื่นสามารถชมวิดีโอ หรือภาพพร้อมข้อความประกอบได้
บริการนี้ยาฮูประกาศเพิ่มภาษาอีก 6 ภาษาเพื่อบุกตลาดแถบเอเชียให้มากขึ้น เช่นประเทศฟิลิปปินส์ อินโดนีเซีย มาเลเซีย อินเดีย เวียดนาม และประเทศไทย
นอกจากนี้ ผู้ใช้ยาฮูแมสเสนเจอร์ 9.0 สามารถส่งข้อความจากคอมพิวเตอร์เข้าสู่โทรศัพท์มือถือได้ จุดนี้รองประธานยาฮูแมสเสนเจอร์ ซาบรินา อิลลิส ให้ความเห็นว่าความสามารถนี้ช่วยให้ผู้คนติดต่อสื่อสารกันได้ง่ายดายกว่า เดิม
"เราเพิ่มคุณสมบัติส่วนตัวอื่นๆอีกมากมายใน ยาฮูแมสเสนเจอร์ 9.0 เชื่อว่าคุณสมบัติการแชร์ไฟล์จะโดนใจผู้ใช้ส่วนใหญ่"
ยาฮูนั้นเป็นหนึ่งในผู้ให้บริการโปรแกรมสนทนารายใหญ่ของโลก สถิติผู้ใช้บริการในเดือนกันยายนคือ 27.7 ล้านคน เพิ่มขึ้น 19 เปอร์เซ็นต์เมื่อเทียบกับปีที่แล้ว โดย AOL มีสถิติผู้ใช้ทั้งสิ้น 30.2 ล้านคน
http://202.62.111.155/index.php?topic=416

Google translate ແປພາສາຫຍັງໄດ້ແດ່

2008-01-19T16:00:00.000+07:00

ດັ່ງທີ່ໄດ້ຂຽນໄວ້ໃນບົດກ່ອນ ວ່າ Google translate ສາມາດແປສັບ ແປປະໂຫຍກ ແລະ ແມ້ແຕ່ແປຫມົດຫນ້າເວັບໄຊ
ແນ່ນອນມັນບໍ່ມີພາສາລາວ ຫລື ພາສາໄທ ດອກ, ມີແຕ່ພາສາລະດັບໂລກ ດັ່ງລາຍລະອຽດ ລຸ່ມນີ້:

ແປສັບ ແປປະໂຫຍກ ແປເວັບ ດ້ວຍ Google translate

2008-01-18T17:35:00.001+07:00

ໄດ້ໄປຫ້ອງການຂອງຜູ້ຫລັກຜູ້ໃຫຍ່ທ່ານຫນຶ່ງ. ຢູ່ຂ້າງ notebook ຂອງເພິ່ນ ມີປຶ້ມແປສັບ ອັງກິດ-ລັດເຊຍ ຫົວຫນຶ່ງ, ເປັນປຶ້ມນ້ອຍ ແລະ ບາງ ບໍ່ຫນ້າຈະມີຄຳສັບຫລາຍພໍປານໃດ. ຂ້າພະເຈົ້າຂໍອະນຸຍາດແນະນຳເວັບໄຊ ທີ່ສາມາດແປພາສາອັງກິດເປັນລັດເຊຍໃຫ້ເພິ່ນ ແລະ ເພິ່ນກໍ່ຕົກລົງ.

ເລີ້ມຕົ້ນພິມຄຳວ່າ translate ເຂົ້າໄປໃນ search engine ກົດ enter. ເລືອກ ຄຳວ່າ google translate ຫລື ເວັບນີ້ http://www.google.com/translate_t

ຈາກນັ້ນ ພິມສັບພາສາອັງກິດ ຫລື ແມ້ກະທັ້ງ ປະໂຫຍກ ພາສາອັງກິດ ລົງໄປ ແລ້ວ ມັນກໍ່ຈະແປໃຫ້ທັງປະໂຫຍກເລີຍ

ຂັ້ນຕອນມີດັ່ງນີ້:
1 ຂຽນສັບຫລືປະໂຫຍກພາສາອັງກິດ
2 ເລືອກແປເປັນພາສາໃດ ໃນນີ້ມີ ຈີນ, ລັດເຊຍ, ຝຣັ່ງ, ເຍຍລະມັນ, ... ໃນ 13 ພາສາ
3 ກົດ translate
4 ປະໂຫຍກໃນພາສາທີ່ທ່ານຕ້ອງການ

ເຮົາສາມາດ ໃຊ້ເວັບນີ້ ແປພາສາອື່ນກັບມາເປັນພາສາອັງກິດໄດ້
ແລະ ມັນສາມາດແປໄດ້ ຫມົດທັງເວັບ

ຕອນນີ້ຂ້າພະເຈົ້າ ບໍ່ຢ້ານເວັບພາສາຈີນອີກແລ້ວ

ລອງແປຄຳວ່າ I love you ເປັນພາສາຕ່າງໆ ເບິ່ງແລ້ວ ກໍ່ເຫັນວ່າ ມັນກໍ່ບໍ່ທັນສົມບູນປານໃດ ສຳລັບບາງພາສາ
(ທ່ານຜູ້ນັ້ນເພິ່ນກໍ່ດີໃຈທີ່ໄດ້ຂອງຫລິ້ນໃຫມ່)

I can't read Lao websites. There are only squares

2008-01-07T16:30:00.000+07:00

If you use internet explorer 6 or lower then you need saysettha OT. click here to download. read here for installation guide.

If you use internet explorer 7 then you already have it installed. No need to download. But you need to do some small steps to make your browser to be able to read Lao website. Click here to read about setting Lao language font.

ເປີດ internet explorer 7 ຂຶ້ນມາ ແລ້ວໃຫ້ມັນໂຊຫລາຍກວ່າ 1ເວັບ.

2007-12-07T12:48:00.000+07:00

ໃນບົດກ່ອນໆ ເຮົາເຄີຍເວົ້າເຖິງວິທີການທີ່ເຮັດໃຫ້ ເວລາເປີດ internet explorer ຂຶ້ນມາ ແລ້ວໃຫ້ມັນໂຊຫລາຍກວ່າ 1ເວັບ.
ໃນນັ້ນ ເຮົາໄດ້ບອກວ່າ internet explorer ບໍ່ສາມາດເຮັດໄດ້ ແລະ ໄດ້ແນະນຳໃຫ້ ໃຊ້ Opera ຫລື Firefox ແທນ.

ຕໍ່ມາ ໄດ້ມີ internet explorer 7 ອອກມາ ແລະ ມັນກໍ່ສາມາດເຮັດໄດ້
ໄປທີ່ tool > internet option ໃສ່ຊື່ເວັບເຂົ້າໄປຕາມຕ້ອງການ ຂັ້ນດ້ວຍ Enter

Yahoo messenger 9 now can read Saysettha OT

2007-11-22T16:35:00.000+07:00

ການໃຊ້ພາສາລາວໃນ yahoo messenger ໂດຍໃຊ້ lao unicode font ດຽວນີ້ສາມາດເຮັດໄດ້ແລ້ວ. ກ່ອນຫນ້ານີ້ ມີພຽງແຕ່ MSN messenger ເທົ່ານັ້ນ ທີ່ສາມາດໃຫ້ທ່ານ chat ກັບຫມູ່ເພື່ອນເປັນພາສາລາວ ດ້ວຍ font saysettha OT.

ຕອນນີ້yahoo ອອກ yahoo messenger version 9 beta(ຍັງຢູ່ໃນຂັ້ນທົດລອງ) ອອກມາແລ້ວ ແລະ ທ່ານສາມາດ ດາວໂຫລດມາລອງໃຊ້ ຈາກເວັບນີ້ :http://messenger.yahoo.com/webmessengerpromo.php

ໄດ້ລອງ chat ກັບເພື່ອນໆແລ້ວ ສາມາດຂຽນແລະອ່ານພາສາລາວ ໄດ້

ບໍລິການເສີມບາງຢ່າງ ສຳລັບຜູ້ໃຊ້ Gmail

2007-11-11T18:40:00.001+07:00

Gmail ແມ່ນການບໍລິການ free email ຂອງ www.google.com
ຜູ້ທີ່ຕ້ອງການ ມີອີເມລຟຣີ ເພື່ອໃຊ້ອັບແລະສົ່ງ ຈົດຫມາຍທາງອິນເຕີເນັດ
ນອກຈາກນັ້ນ ຍັງສາມາດນຳໃຊ້ ໃນການສະຫມັກເປັນສະມາຊິກຕາມເວັບຕ່າງໆ ເຊັ່ນ ເວັບບອດ ຕ້ອງໄດ້ຂໍຈາກເພື່ອນ ເພາະບໍ່ສາມາດສະຫມັກລົງທະບຽນໄດ້ ຄືກັບເມລອື່ນໆ. ຖ້າທ່ານໃດຕ້ອງການໃຊ້ gmail ທ່ານສາມາດຂໍຈາກຂ້າພະເຈົ້າໄດ້.

ສາມາດໃຊ້ໃນການ chat ໄດ້ ໂດຍ sign in ໃນຫນ້າເວັບນີ້ mail.google.com ໂດຍບໍ່ຕ້ອງຕິດຕັ້ງ ໂປແກມ messenger ແລະ ຍັງສາມາດລັອກອິນ ໄດ້ທຸກບ່ອນ

google ມີບໍລິການ photo ທີ່ອະນຸຍາດໃຫ້ເຮົາ ອັບໂຫລດຮູບຖ່າຍ ຂອງເຮົາໄປອວດເພື່ອນໆ ທາງອິນເຕີເນັດ ທີ່ picasaweb.google.com

ຜູ້ໃຊ້ Gmail ຍັງສາມາດ ມີເວັບບລັອກຂອງຕົວເອງໄດ້ ເຊັ່ນກັນ ໂດຍ ສະຫມັກທີ່ www.blogger.com ເບິ່ງເວັບບລັອກນີ້ເປັນຕົວຢ່າງ laobeginner.blogspot.com ຂອງເຮົານີ້ເອງ ຮວມທັງ laotraveller.blogspot.com
ແລະນີ້ ເປັນ web album ຂອງຂ້າພະເຈົ້າ ທີ່ໃຊ້ບໍລິການຂອງ picasa

ບໍລິການເສີມບາງຢ່າງ ສຳລັບຜູ້ໃຊ້ Yahoo Mail

2007-10-31T20:39:00.001+07:00

Yahoo Mail ແມ່ນການບໍລິການ free email ຂອງ www.yahoo.com
ຜູ້ທີ່ຕ້ອງການ ມີອີເມລຟຣີ ສາມາດສະຫມັກຂໍໃຊ້ໄດ້ ຈາກເວັບຂ້າງເທິງ ເພື່ອໃຊ້ອັບແລະສົ່ງ ຈົດຫມາຍທາງອິນເຕີເນັດ
ນອກຈາກນັ້ນ ຍັງສາມາດນຳໃຊ້ ໃນການສະຫມັກເປັນສະມາຊິກຕາມເວັບຕ່າງໆ ເຊັ່ນ ເວັບບອດ
ສາມາດໃຊ້ໃນການ chat ໂດຍດາວໂຫລດໂປແກມ yahoo messenger ຈາກເວັບຂ້າງເທິງ ມາຕິດຕັ້ງລົງໃສ່ຄອມພິວເຕີຂອງທ່ານ ຫລື ທ່ານສາມາດອອນລາຍໃນເວັບໄຊຂອງ yahoo ໄດ້ ໂດຍ sign in ໃນຫນ້າເວັບນີ້ webmessenger.yahoo.com ໂດຍບໍ່ຕ້ອງຕິດຕັ້ງ yahoo messenger ແລະ ຍັງສາມາດລັອກອິນ ໄດ້ທຸກບ່ອນ ຈາກຄອມພິວເຕີທີ່ບໍ່ມີໂປແກມ yahoo messenger ກໍ່ໄດ້

ເມື່ອກ່ອນ Yahoo ມີບໍລິການ yahoo photo ທີ່ອະນຸຍາດໃຫ້ເຮົາ ອັບໂຫລດຮູບຖ່າຍ ຂອງເຮົາໄປອວດເພື່ອນໆ ທາງອິນເຕີເນັດ, ຕອນນີ້ເພິ່ນຢຸດການບໍລິການແລ້ວ ແຕ່ທ່ານສາມາດ ໂອນຮູບຈາກ Yahoo photo ໄປໄວ້ທີ່ www.flickr.com ເຊິ່ງ Yahoo ໄດ້ເປັນເຈົ້າຂອງແລ້ວ

ຜູ້ໃຊ້ Yahoo Mail ຍັງສາມາດ ມີເວັບໄຊເປັນຂອງຕົວເອງໄດ້ ໂດຍທີ່ທາງ yahoo ຈະສະຫນອງ ພື້ນທີ່ໃນເຊີບເວີໃຫ້ ສອນການສ້າງ webpage ແນະນຳວິທີ upload ຫນ້າເວັບ ສົນໃຈອ່ານລາຍລະອຽດທີ່ geocities.yahoo.com
ນອກຈາກນັ້ນ ຜູ້ໃຊ້ Yahoo Mail ຍັງສາມາດ ມີເວັບບລັອກຂອງຕົວເອງໄດ້ ເຊັ່ນກັນ ໂດຍ ສະຫມັກທີ່ Yahoo! 360° ເບິ່ງເວັບບລັອກນີ້ເປັນຕົວຢ່າງ 360.yahoo.com/pnomsin_eci

ຕິດຕາມອ່ານບໍລິການໃຫມ່ຈາກ yahoo ໄດ້ທີ່ http://blog.messenger.yahoo.com/

ບໍລິການເສີມບາງຢ່າງ ສຳລັບຜູ້ໃຊ້ hotmail

2007-10-25T15:55:00.002+07:00

hotmail ແມ່ນການບໍລິການ free email ຂອງ www.msn.com
ຜູ້ທີ່ຕ້ອງການ ມີອີເມລຟຣີ ສາມາດສະຫມັກຂໍໃຊ້ໄດ້ ຈາກເວັບຂ້າງເທິງ ເພື່ອໃຊ້ອັບແລະສົ່ງ ຈົດຫມາຍທາງອິນເຕີເນັດ
ນອກຈາກນັ້ນ ຍັງສາມາດນຳໃຊ້ ໃນການສະຫມັກເປັນສະມາຊິກຕາມເວັບຕ່າງໆ ເຊັ່ນ ເວັບບອດ
ສາມາດໃຊ້ໃນການ chat ໂດຍດາວໂຫລດໂປແກມ windows live messenger ຈາກເວັບຂ້າງເທິງ ມາຕິດຕັ້ງລົງໃສ່ຄອມພິວເຕີຂອງທ່ານ
ນອກຈາກນັ້ນ ຜູ້ໃຊ້ hotmail ຍັງສາມາດ ມີເວັບບລັອກຂອງຕົວເອງໄດ້ ເຊັ່ນ http://pnomsin.spaces.live.com
ໃນນັ້ນ ເຮົາສາມາດອັບໂຫລດເອົາອາລະບ້ຳຮູບຖ່າຍ ທີ່ເຮົາໄດ້ໄປທ່ຽວ ມາວາງໂຊໃຫ້ຫມູ່ໄດ້ເບິ່ງ
ຂຽນເລົ່າເລື້ອງລາວ ທີ່ໄດ້ໄປເຫັນມາ ລົງໃສ່ບລັອກ
ສ້າງ guest book ໃຫ້ຜູ້ທີ່ໄດ້ພົບເຫັນ ຂຽນຄຳເຫັນໃສ່ ...

ໂອກາດຫນ້າຈະເອົາ ບໍລິການເສີມບາງຢ່າງ ສຳລັບຜູ້ໃຊ້ yahoo mail ມາໃຫ້ໄດ້ອ່ານນຳກັນ
ເພາະວ່າຜູ້ຂຽນ ໄດ້ໃຊ້ທັງສອງຢ່າງ

ສົ່ງໂຟລເດີຂໍ້ມູນ ໄປທາງອີເມລ

2007-10-20T11:10:00.002+07:00

ໃນການຮັບ-ສົ່ງອີເມລ ເຮົາສາມາດແນບ file ໄປນຳໄດ້ ແຕ່ຕ້ອງແນບໄປເທື່ອລະfile. ແຕ່ຖ້າເຮົາຕ້ອງການສົ່ງໄປທັງ folder ແມ່ນສົ່ງບໍ່ໄດ້, ເຮົາຕ້ອງໃຊ້ໂປແກມ winzip ເຂົ້າຊ່ວຍ.
Winzip ແມ່ນເຮັດຫນ້າທີ່ ຫຍໍ້ຂະຫນາດ file ໃຫ້ນ້ອຍລົງ ແຕ່ເຮົາສາມາດນຳມາຫຍໍ້ folder ໃຫ້ ກາຍເປັນ file ໄດ້ ເຊັ່ນ myfolder.zip
ເມື່ອ folder ໃຫ້ ກາຍເປັນ file ແລ້ວ ເຮົາກໍ່ສາມາດນຳໄປເປັນ attachment ຫລື ແນບກັບອີເມລໄດ້

ເຊື່ອມຕໍ່ internet ໃສ່ computer ຜ່ານມືຖື Nokia ດ້ວຍເຄືອຂ່າຍ etl

2007-08-26T23:20:00.001+07:00

ໃນບົດກ່ອນ ໄດ້ແນະນຳການໃຊ້ມືຖື ອ່ານເວັບໄຊຕ່າງໆ ເຊິ່ງເຮັດໃຫ້ທ່ານ ສາມາດຕິດຕາມຂ່າວ ຕ່າງໆ ໄດ້ຢ່າງວ່ອງໄວ ບໍ່ວ່າຈະເປັນ ຜົນການເຕະບານນັດມື້ຄືນຜ່ານມາ, ຂ່າວສຳຄັນທາງຫນ້າຫນັງສືພິມ, chat, check mails .. ເຊິ່ງທ່ານສາມາດ ເປີດອ່ານໄດ້ໃນທຸກບ່ອນທຸກທີ່ ບໍ່ງໍ້ຄອມພິວເຕີ, ບໍ່ງໍ້ລະບົບຕ່າງໆ ເປັນອິດສະຫລະດີ

ແຕ່ມັນກະຍັງມີຂໍ້ຈຳກັດຫລາຍ ທຽບໃສ່ການໃຊ້ຢູ່ຄອມພິວເຕີ ເປັນຕົ້ນແມ່ນ ການຂຽນຂໍ້ຄວາມ ແມ່ນບໍ່ສະດວກ ເພາະບໍ່ມີແປ້ນພິມ.
ການທີ່ຈະຕໍ່ອິນເຕີເນັດຈາກໂທລະສັບມືຖື ໃສ່ຄອມພິວເຕີ ມັນກະມີຂໍ້ແມ້ຫລາຍຢູ່

ຫນ່ວຍໂທລະສັບ ຕ້ອງສາມາດເປັນ modem ໄດ້, ໃນບັນດາມືຖື ຍີ່ຫໍ້ຕ່າງໆ ນອກຈາກ ຮອງຮັບລະບົບ GPRS ແລ້ວ ຍັງຕ້ອງສາມາດເປັນ modem ເພື່ອເຊື່ອມຕໍ່ກັບ ຄອມພິວເຕີໄດ້, ພວກ imobile ຫມົດສິດ, nokia 3315 ກໍ່ຫົມດສິດ (ບໍ່ມີ GPRS ), ແຕ່ພວກ nokia ທີ່ມີກ້ອງຖ່າຍຮູບ ຫລືລຸ້ນອອກໃຫມ່ ແມ່ນໃຊ້ໄດ້ຫມົດ, ຂອງຮຽນແບບຫນ້າຕາດຽວກັບ nokia ກໍ່ຫມົດສິດ.

ການເຊື່ອມຕໍ່ຕ້ອງເປັນແບບດຽວກັນ ເຊັ່ນ ໂທລະສັບ ໃຊ້ infrared ໃນການເຊື່ອມຕໍ່ computer ກໍ່ຕ້ອງມີບ່ອນ ຮັບສັນຍານ infrared, ພວກ note book ແມ່ນມັກມີ ບ່ອນຮັບສົ່ງ ສັນຍານ blue tooth. ຖ້າບໍ່ມີ ກໍ່ຕ້ອງໃຊ້ສາຍ USB cable ທີ່ມາກັບຫນ່ວຍມືຖື.

modem ກັບ computer ຈະສາມາດເຮັດວຽກນຳກັນໄດ້ ກໍ່ຕ້ອງມີ driver, CD driver + Nokia PC suite ຈະມາກັບຫນ່ວຍໂທລະສັບ ແຕລະລຸ້ນຢູ່ແລ້ວ ແຕ່ກໍ່ເຄີຍພົບ ວ່າມັນໃຊ້ບໍ່ໄດ້

ຖ້າຫາແຜ່ນຊີດີ ບໍ່ເຫັນ ກໍ່ຕ້ອງຫາ download ເອົາຈາກເວັບໄຊ Nokia, Nokia PC suite ທີ່ໄດ້ມາຈາກ internet ແມ່ນດີກວ່າຊີດີ ເພາະ ມັນເປັນໂປແກມຫລ້າສຸດ ແລະ ໃຊ້ໄດ້ກັບ nokia ທຸກລຸ້ນ

ເມື່ອໄດ້ມາແລ້ວ ກໍ່ທຳການຕິດຕັ້ງ ຈົນສາມາດ ໃຊ້ງານໄດ້ : ໂຫລດເພງໄດ້, ໂອນຮູບໄດ້ . ຖ້າທຸກຢ່າງພ້ອມແລ້ວ ກໍ່ລົງມືເຊື່ອມຕໍ່ໂດຍລອງເຂົ້າ internet ໃນມືຖືກ່ອນ ເພື່ອທົດສອບ ສັນຍານມືຖື ຂອງ etl ແລະ ທົດສອບວ່າມືຖືໃຊ້ໄດ້

1) ເປີດ Nokia PC suite ອອກມາ ແລະ clik icon ເຊື່ອມຕໍ່ ອິນເຕີເນັດ (ຕາມຮູບ)

2 ) ຖ້າມັນບອກວ່າ ການເຊື່ອມຕໍ່ຫລົ້ມເຫລວ ກໍ່ບໍ່ຕ້ອງຫ່ວງ ເພາະວ່າເຮົາບໍ່ທັນຕັ້ງຄ່າ, ກົດຕາມຮູບເພື່ອຕັ້ງຄ່າ

3) ມັນຈະໃຫ້ເລືອກ modem ເລືອກຕາມທີ່ໄດ້ຕັ້ງໄວ້ກ່ອນ ໃນຮູບແມ່ນຕັ້ງຕາມການຕໍ່ດ້ວຍສາຍ usb,

4) ເລືອກຜູ້ໃຫ້ບໍລິການ ໃນທີ່ນີ້ ແມ່ນ etl ເຊິ່ງບໍມີໃນລາຍການ ເລີຍຕ້ອງກຳນົດເອງ ຕາມຮູບ

5) ປ້ອນ etlnet ເຂົ້າໄປ

ທຳການເຊື່ອມຕໍ່

ຖ້າເຊື່ອມຕໍ່ສຳເລັດ ຈະເປັນແບບນີ້

ການໃຊ້ internet ໃນມືຖື ດ້ວຍເຄືອຂ່າຍຂອງ ETL

2007-08-21T17:34:00.002+07:00

1./ ມືຖືຈະຕ້ອງສາມາດຮອງຮັບບໍລິການລະບົບ GPRS ບໍ່ຈຳເປັນຕ້ອງແມ່ນ Nokia ກໍ່ໄດ້, imobile, ຫລືຍີ່ຫໍ້ອື່ນກໍ່ໄດ້ ຫລື ຂອງໂຫລໆ (ຂອງຮຽນແບບ) ກໍ່ຍັງສາມາດໃຊ້ໄດ້ ໂດຍເຮົາຕ້ອງສອບຖາມກ່ອນວ່າ ມັນຮອງຮັບ ລະບົບ GPRS ຫລື ເວົ້າງ່າຍກວ່ານັ້ນແມ່ນ ໃຊ້ຫລິ້ນ internet ໄດ້ບໍ່

2./ ເບີໂທ ຫລື ຊິມກາດ ຂອງ ETL ຈະຕ້ອງຂໍເປີດໃຊ້ບໍລິການ GPRS ໂດຍໄປຂໍແຈ້ງຄວາມຕ້ອງການທີ່ສູນບໍລິການຂອງ ETL. ເບີທີ່ຊື້ຈາກຜູ້ຂາຍຍ່ອຍ ກໍ່ຄົງຕ້ອງໄປແຈ້ງຢູ່ສູນ ຄືເກົ່າ. ຫນ້າຈະບໍ່ຕ້ອງເສຍຄ່າເປີດ.

3./ ຕິດຕັ້ງພາສາລາວລົງໃນມືຖື, ຖ້າໄປເປີດບໍລິການ GPRS ທີ່ສູນ ETL ເຂົາເຈົ້າຈະລົງ EZ-Lao ໃຫ້ເລີຍ ແລະ ຕັ້ງ home page ເປັນ wap.etllao.com ໃຫ້ເລີຍ ແປວ່າອ່ານເວັບໄຊ ຂອງ etl ທີ່ເປັນພາສາລາວໄດ້ເລີຍ (ແຕ່ຕ້ອງຖືຫນ່ວຍມືຖືໄປພ້ອມ). EZ-Lao ສາມາດອ່ານເວັບພາສາອັງກິດ, ໄທ ແລະ ລາວ. ຖ້າມີບັນຫາກັບພາສາໄທ ໃຫ້ ລົບລ້າງການຕິດຕັ້ງ Easy thai ອອກກ່ອນ ແລ້ວຈຶ່ງຕິດຕັ້ງ EZ-Lao. ຖ້າຕ້ອງການຕິດຕັ້ງເອງ ກໍ່ໄປ download ມາຕິດຕັ້ງເອງກໍ່ໄດ້ ຈາກເວັບໄຊຂອງ etl.

4./ ຖ້າທຸກຢ່າງກຽມພ້ອມແລ້ວ ກະສາມາດລຸຍເລີຍ, ມືຖືແຕ່ລະຫນ່ວຍຈະບໍ່ຄືກັນ ກົດໄປຫາ www ຫລື wap ຫລື internet.. ຂອງຂ້າພະເຈົ້າແມ່ນເປີດ Opera ກ່ອນ (browser ລຸ້ນ ສຳລັບມືຖື)
ແລ້ວກໍ່ໃສ່ ຊື່ເວັບໄຊຕາມຕ້ອງການ ເຊັ່ນ www.yahoo.com ຫລື www.pnomsin.com

ຄ່າບໍລິການ ແມ່ນ 1kb / 1 kip ຂຶ້ນຕາມຂະຫນາດຂອງເວັບ ແລະ ຈຳນວນຮູບໃນເວັບ
ຖ້າເຮົາເລືອກ ທີ່ຈະບໍ່ໂຊຮູບຈາກເວັບໄຊ ແຮ່ງປະຢັດເງິນ
ຖ້າເຂົ້າອິນເຕີເນັດໃນມືຖື ແມ່ນຖືກຫລາຍ ຫລິ້ນຕັ້ງຫລາຍຊົ່ວໂມງ ເສຍຄ່າບໍລິການບໍ່ຮອດ 2000 ກີບ
ສະດວກຫລາຍ ເພາະສາມາດເຊື່ອມຕໍ່ອິນເຕີເນັດໄດ້ ຈາກໃສກໍ່ໄດ້ ທີ່ມີສັນຍານ

ເຕືອນຜູ້ໃຊ້ messenger

2007-08-16T17:20:00.000+07:00

ເນື່ອງຈາກຕອນນີ້ ມີການແຜ່ລະບາດ ຂອງໄວຣັສ ມີຊື່ເອີ້ນວ່າແນວໃດກະບໍ່ຮູ້
ພຽງແຕ່ເຮົາຢ່າຮັບ zip file ທີ່ຫມູ່ເຮົາເອງ ສົ່ງມາໃຫ້
ຖ້າບໍ່ແນ່ໃຈໃຫ້ຖາມກັນຄືນ ວ່າສົ່ງຫຍັງມາ
ຖ້າເຂົາສົ່ງມາແທ້ ຈຶ່ງຮັບ

ອ່ານລາຍລະອຽດ>>>

ຢາກຂຽນພາສາລາວໃນເວັບບອດ 2

2007-08-12T10:40:00.000+07:00

ເລື້ອງນີ້ຖາມກັນເຂົ້າມາຢ່າງຕໍ່ເນື່ອງໃນເວັບບອດມະຫາສານ
ເຮົາຈຶ່ງເອົາເລື້ອງນີ້ກັບມາຂຽນອີກຮອບຫນຶ່ງ

1.) font
ໃນການຂຽນພາສາລາວລົງໃນອິນເຕີເນັດ ເພິ່ນບໍ່ໃຊ້ saysettha Lao, ແຕ່ໃຊ້ lao unicode font ແທນ
ມີຫລາຍfont ແຕ່ ຂ້າພະເຈົ້າເອງນິຍົມໃຊ້ saysettha OT

2.) Lao script for windows version 6 ຂຶ້ນໄປ
ຖ້າວ່າໃຜໄດ້ຕິດຕັ້ງ Lao script for windows version 6 ຂຶ້ນໄປ ແມ່ນສາມາດໃຊ້ຂຽນພາສາລາວດ້ວຍ lao unicode font, ແຕ່ຕ້ອງປ່ຽນ font code ໄປທີ່ unicode, ວິທີປ່ຽນ ແມ່ນຄິກຂວາໃສ່ ຕົວ ”ລ” ຈະມີເມນູອອກມາ
ເລືອກ font codes>unicode
double click ໃສ່ຕົວ ”ລ” ເພື່ອປ່ຽນພາສາ ຕົວ ”ລ” ຈະຮຸ່ງຂຶ້ນ ສັງເກດ ຖ້າວ່າຕົວ ”ລ” ເປັນສີແດງ ແມ່ນຖືວ່າຖືກຕ້ອງແລ້ວ (ຖ້າໃຊ້ font code=Lswin ຕົວ ”ລ” ຈະເປັນສີດຳ)

3.) Lao script for windows version 5 ລົງມາ
ອັນນີ້ແມ່ນໃຊ້ຂຽນພາສາລາວດ້ວຍ lao unicode font ບໍ່ໄດ້ ຫມາຍຄວາມວ່າ ຂຽນຂໍ້ຄວາມພາສາລາວລົງອິນເຕີເນັດບໍ່ໄດ້

4.) ຢາກໄດ້ Lao script for windows version 6 ຂຶ້ນໄປ
ໃຫ້ remove Lao script for windows ອອກຈາກຄອມພິວເຕີ ແລະ ໄປ download Lao script for windows ອັນໃຫມ່ ທີ່ http://www.laoscript.net/downloads/ ແລະ ນຳມາຕິດຕັ້ງ
ຖ້າໃນເວລາຕິດຕັ້ງ ມີການຖາມຫາລະຫັດ ກໍ່ໃຫ້ຕອບ trial ໄປກ່ອນ ເຊິ່ງທາງເລືອກນີ້ ເຮັດໃຫ້ເຮົາສາມາດລອງໃຊ້ຟຣີ ໄດ້ ສາມສິບວັນ ຄົບກຳນົດແລ້ວ function ຕ່າງໆ ຈະໃຊ້ບໍ່ໄດ້
ແຕ່ຈະຍັງສາມາດ ຂຽນພາສາລາວດ້ວຍ lao unicode font ໄປໄດ້ອີກ
(ຂ້າພະເຈົ້າ ກໍ່ຍັງໃຊ້ຢູ່ ຫລັງຈາກກາຍສາມສິບວັນ ແລ້ວ)
ແຕ່ຖ້າທ່ານຕົກລົງຊື້ ທ່ານຈະໄດ້ລະຫັດມາ ແລະໃຊ້ໄປຕະຫລອດ (ຍັງບໍ່ທັນລອງ)
http://www.laoscript.net/purchase.php

5.) Add ພາສາລາວ ເຂົ້າໃນ language bar ດ້ວຍ Lao unicode keyboard 2005
ຖ້າທ່ານບໍ່ຕ້ອງການປ່ຽນ Lao script for windows, ກໍ່ຍັງມີທາງເລືອກ ອີກທາງຫນຶ່ງ
ເຊິ່ງທາງນີ້ ແມ່ນຕັດຄວາມກັງວົນ ກ່ຽວກັບການຫມົດອາຍຸຂອງໂປແກມໄປໄດ້ເລີຍ (ມັນບໍ່ຫມົດອາຍຸ)
ນັ້ນ ກໍ່ຄືການ download Lao unicode keyboard 2005 ມາຕິດຕັ້ງໃສ່ໃນ language bar
ດາວໂຫລດໄດ້ທີ່ http://www.laohub.com/static_html/lang/keyboard/lao_key.exe
ວີທີການຕິດຕັ້ງ ທ່ານ sian ໄດ້ອະທິບາຍ ໄວ້ໃນເວັບບອດພະນົມສິນ
http://forum.pnomsin.com/index.php?topic=279.0

6.) ຖ້າວ່າທ່ານບໍ່ໄດ້ໃຊ້ ຄອມພິວເຕີຂອງຕົວເອງ ຫລື ທ່ານບໍ່ມີສິດຕິດຕັ້ງໂປແກມລົງໃນຄອມພິວເຕີ
ແຕ່ຕ້ອງການຂຽນພາສາລາວລົງໃນອິນເຕີເນັດ ເພື່ອ search ຫລື ຖາມບັນຫາໃນເວັບບອດອື່ນໆ
(ສຳລັບ inlao.net ແມ່ນເພິ່ນມີຕົວຊ່ວຍໃຫ້)
ລອງໃຊ້ ອັນນີ້ http://pnomsin.hollosite.com/ITBlog.htm

Read Lao websites using Opera 9.21

2007-08-03T13:19:00.002+07:00

if Lao texts appear as small squares, do the following

1) tool. 2) preference.

3) advanced. 4) international.

5) choose Lao. 6) select the correct font, the Lao characters should appear instead of squares

Chat in Lao language using Yahoo messenger

2007-07-24T17:11:00.000+07:00

ເລື້ອງນີ້ ກໍ່ມີຖາມເຂົ້າມາເລື້ອຍໆ ທັງທີ່ມີຄຳຕອບໃນ ເວັບບອດ ຢູ່ແລ້ວ
ບໍ່ເປັນຫຍັງ ຖາມມາ ກໍ່ຕ້ອງຕອບ

ຖາມ: ເປັນຫຍັງ chat ດ້ວຍ lao unicode font ໃນ Yahoo messenger ແລ້ວ, ຕົວຫນັງສືກາຍເປັນຫມາຍຖາມ?
ຕອບ: lao unicode font ໃຊ້ບໍ່ໄດ້ ກໍ່ບໍ່ຕ້ອງໃຊ້, ຫລາຍຄົນໃຊ້ພາສາອັງກິດແທ້, ພາສາອັງກິດ karaoke ຫລື ພິມພາສາລາວ ດ້ວຍຫນັງສືໄທ ໄປເລີຍ

ຖາມ: ເປັນຫຍັງເວລາ ໃຊ້ saysetha lao ບໍ່ເຫັນຕົວ ”ນ” ແບບນີ້ ເຮັດໃຫ້ອ່ານຍາກ ຫລື ຄວາມຫມາຍປ່ຽນໄປເລີຍ
ຕອບ: lao font ໃນຕະກູນ saysettha lao ແລະ alice x lao ເວລາໃຊ້ ໃນ Yahoo messenger ມັກຈະບໍ່ມີຕົວ ”ນ” ອີຫລີ

ຖາມ: ເຫັນມີບາງຄົນ chat ມາ ມີຕົວ ”ນ” ຖາມວ່າເພິ່ນໃຊ້ font ໃດ?
ຕອບ: ເຮົາສາມາດໃຊ້ font ໃນຕະກູນ alice_x ທີ່ ບໍ່ມີຄຳວ່າ lao ຕໍ່ທ້າຍ ຫລື ໃນຕະກູນ hongkad ກໍ່ສາມາດຂຽນພາສາລາວໄດ້ຄົບຖ້ວນ, ແຕ່ມີຈຸດອ່ອນ ໃນການຂຽນຕົວຫນັງສື ສາກົນປົນໄປນຳ ແລະ ຜູ້ທີ່ເຮົາລົມນຳ ບໍ່ມັກມີ font ພວກນີ້

ຖາມ: ມີ font ໃດ ທີ່ສາມາດຂຽນຕົວ ”ນ” ແລະ ສາມາດຂຽນຕົວຫນັງສືສາກົນ ປົນໄປນຳໄດ້
ຕອບ: lao font ໃນຕະກູນ saysettha 2000 ແລະ alice x 2000 ສາມາດເຮັດໄດ້ດີທີ່ສຸດ, ມີຕົວ”ນ” ແລະຕົວຫນັງສືສາກົນໄປນຳ

ຖາມ: lao font ໃນຕະກູນ saysettha 2000 ແລະ alice x 2000 ເອົາມາແຕ່ໃສ
ຕອບ: ປົກກະຕິມີຢູ່ແລ້ວ ໃນຄອມພິວເຕີ ມັນມັກມາກັບ lao script software

ວິທີໃຊ້ lao font ໃນຕະກູນ saysettha 2000 ແລະ alice x 2000 ແມ່ນ ໃຫ້ right click ໃສ່ ບ່ອນປ່ຽນຫນັງສືລາວ ກັບຫນັງສືສາກົນ ແລ້ວ ເລືອກເອົາ font codes ແລະປ່ຽນໄປເປັນ lao 2000

ສົມທຽບການໃຊ້ messenger ກັບການໃຊ້ໂທລະສັບ

2007-07-20T23:29:00.001+07:00

ຄວາມເດີມຈາກຕອນທີ່ແລ້ວ
ທ່ານ ຫົວຫນ້າ ຜູ້ທີ່ໄດ້ຮັບຄວາມສະດວກ ຈາກການໃຊ້ງານ messenger ໄດ້ປະສານງານໄປຍັງແຂວງຕ່າງໆ ທີ່ຍັງບໍ່ທັນໄດ້ໃຊ້ messenger ເພື່ອແນະນຳໃຫ້ໃຫ້ໃຊ້ ເພື່ອການພົວພັນເປັນໄປໃນລະບົບດຽວກັນ
ເມື່ອຫົວຫນ້າອີກຜູ້ຫນຶ່ງຮູ້ ເພິ່ນກໍ່ໃຫ້ຄຳເຫັນວ່າ ເພິ່ນກໍ່ເຄີຍໃຊ້ ແຕ່ລຳຄານ ເວລາຄີຕົວຫນັງສືເຂົ້າໄປ ມັນບໍ່ທັນໃຈຄືກັບການໃຊ້ໂທລະສັບ

ເພື່ອເປັນການສົມທຽບ ລອງພິຈາລະນານຳກັນ
ການໃຊ້ໂທລະສັບຕິດຕໍ່ແມ່ນ ສາມາດຕິດຕໍ່ກັນໄດ້ດີ ແລະ ໄດ້ຄຳຕອບທັນໃຈ
ແຕ່ການໃຊ້ໂທລະສັບ ຫ້ອງການ ກໍ່ບໍ່ສະດວກປານໃດ ໃນຈຳນວນໂທລະສັບຫ້ອງການ ມີບາງຫນ່ວຍເທົ່ານັ້ນ ທີ່ໂທອອກນອກຫ້ອງການໄດ້ ສ່ວນຫລາຍ ກໍ່ແມ່ນຫົວຫນ້າເປັນຜູ້ນຳໃຊ້
ມີຫລາຍຄັ້ງ ທີ່ພະນັກງານໄດ້ໃຊ້ໂທລະສັບສ່ວນຕົວ ໂທພົວພັນວຽກງານ ເຊິ່ງກໍ່ບໍ່ໄດ້ຄ່າທົດແທນຄືນດອກ,
ມີບາງທ່ານທີ່ພໍມີຕຳແຫນ່ງອ່າວສູງ ອາດໄດ້ຮັບການອຸດຫນູນ ເປັນເງິນຄ່າໂທລະສັບມືຖື ຈຳນວນ 100,000 ກີບ ກໍ່ເປັນການດີ ແຕ່ມັນບໍ່ພໍດອກ
ແລ້ວ messenger ເດ?
ແມ່ນແລ້ວ ມັນກໍ່ຕ້ອງເປີດອອນລາຍໃສ່ກັນ ຈຶ່ງພົວພັນກັນໄດ້ດີ ຍາມຫມູ່ບໍ່ເປີດອອນລາຍ ກໍ່ບໍ່ສາມາດ ສົ່ງ file ໄດ້, ແຕ່ຝາກຂໍ້ຄວາມໄດ້ ຄືກັບໂທລະສັບມືຖື
ມັນບໍ່ສາມາດຖືຕິດຕົວໄປໃສມາໃສໄດ້ຄືກັບໂທລະສັບກໍ່ຈິງ ແຕ່ມືຖືຍຸກໃຫມ່ ແມ່ນສາມາດໃຊ້ງານອິນເຕີເນັດໃນມືຖືໄດ້ ອອນລາຍກັນໄດ້ດ້ວຍມືຖື (ມືຖືມັກຈະແມ່ນພະນັກງານຊື້ມາໃຊ້ເອງ-ຈ່າຍເອງ)
ແຕ່ວ່າ ຄ່າບໍລິການອິນເຕີເນັດຂອງຫ້ອງການແມ່ນຈ່າຍເປັນລາຍເດືອນ ບາງບ່ອນກໍ່ຈ່າຍເປັນປີ. ໃຊ້ຫລືບໍ່ໃຊ້ ກໍ່ຕ້ອງຈ່າຍ.
ເມື່ອເປັນແນວນັ້ນ ກໍ່ຕ້ອງໃຊ້ ໃຫ້ສົມເງິນທີ່ຈ່າຍ.
messenger ສາມາດໃຊ້ເປັນໂທລະສັບໄດ້.
ສາມາດໂທຫາຄອມພິວເຕີປາຍທາງໄດ້ທົວໂລກ ໂດຍບໍ່ເສຍເງິນ (ແບບນີ້ ພະນັກງານຄົງຈະມັກ)
ຍັງສາມາດໂທເຂົ້າໂທລະສັບຕັ້ງໂຕະ ແລະ ໂທລະສັບມືຖື ໄດ້ອີກ ແຕ່ຕ້ອງມີການຈ່າຍເງິນ
ສິ່ງທີ່ຕ້ອງການ ແມ່ນອຸປະກອນເສີມບາງຢ່າງ ເຊັ່ນ microphone ເຊິ່ງອາດຈະຕ້ອງຊື້ມາສຽບເຂົ້າ. ແຕ່ໃນໂນດບຸກ ແມ່ນເພິ່ນອາດຈະໃສ່ມາໃຫ້ແລ້ວ ແຖມຍັງມີ webcam ອີກ, ເຊິ່ງເຮັດໃຫ້ເຫັນຫນ້າກັນເວລາລົມກັນ.
microphone ອາດຈະບໍ່ຄ່ອຍເຫັນວາງຂາຍ, ແຕ່ສາມາດຊື້ ຫູຟັງທີ່ມີ microphone ຕິດມານຳ ກໍ່ໄດ້. ເວລາລົມກັນຈຶ່ງບໍ່ມີສຽງລົມກວນ.

ທ່ານສາມາດປະຊຸມທາງໄກກັບຄົນຈາກທຸກແຂວງ ຜ່ານ messenger ແລະ ສາມາດສົ່ງ file ໃຫ້ກັນແລະກັນ ບໍ່ຕ່າງຫຍັງ ກັບນັ່ງປະຊຸມບ່ອນດຽວກັນ
ທັງເປັນການປະຢັດເງິນ ຄ່າເດີນທາງ ຄ່າພັກເຊົາ ແລະ ອື່ນໆ
ເພື່ອນຂອງຂ້າພະເຈົ້າຢູ່ຕ່າງແຂວງໄດ້ບອກວ່າ ໄດ້ໃຊ້ messemger ແລ້ວສະດວກຫລາຍ
ເມື່ອກ່ອນ ຖ້າຈະໂອນ file ໃຫ້ກັນແມ່ນຕ້ອງ save ໃສ່ USB ໄປສຽບແລ້ວກໍ່ຕິດໄວຣັສ ກັບມາ. ດຽວນີ້ສົ່ງໃຫ້ທາງ messenger ທັງງ່າຍ ແລະ ປອດເຊື້ອ.
ທ່ານເດ ມີຄວາມເຫັນແນວໃດ

ຢາກໃຫ້ເປີດຂຶ້ນມາແລ້ວ ມັນໂຊຫລາຍກວ່າຫນຶ່ງເວັບ ໄດ້ບໍ່?

2007-07-13T09:31:00.001+07:00

ມີເພື່ອນຮ່ວມງານຜູ້ຫນຶ່ງ ເພິ່ນຫອບໂນດບຸກມາຫາ ເພື່ອໃຫ້ຕັ້ງຄ່າບາງຢ່າງສຳລັບ internet.
ເພິ່ນຕ້ອງການໃຫ້ ເປີດເວັບແລ້ວ ໃຫ້ເຫັນເວັບ ເພິ່ນຕ້ອງການ
ໂດຍສະເພາະ ເພິ່ນຢາກໄດ້ Phanomsinh's space (http://pnomsin.spaces.live.com),
ເພິ່ນໃຫ້ເຫດຜົນວ່າ ມັນມີຂ່າວຈາກຫລາຍແຫລ່ງ ລວມຢູ່ໃນເວັບດຽວ,
ບໍ່ຈຳເປັນຕ້ອງເປີດຫລາຍເວັບ ເພື່ອອ່ານຂ່າວ.
ເຊິ່ງ ເລື້ອງນີ້ ພວກເຮົາໄດ້ຮູ້ ວິທີການຕັ້ງເວັບໃດຫນຶ່ງເປັນຫນ້າທຳອິດ ໃນບົດກ່ອນແລ້ວ.
ຫລັງຈາກຕັ້ງໃຫ້ລາວແລ້ວໆລາວຖາມຕື່ມອີກວ່າ ເວລາເປີດຂຶ້ນມາ ມັນໂຊແຕ່ເວັບດຽວຫວາ?
ຢາກໃຫ້ເປີດຂຶ້ນມາແລ້ວມັນໂຊຫລາຍກວ່າຫນຶ່ງເວັບ ໄດ້ບໍ່?

ຖ້າເຮົາໃຊ້ internet explorer, ເຖິງວ່າ version 7 ມັນຈະສະຫນັບສະຫນູນ multitab
ຄືໃນ windows ດຽວເປີດໄດ້ຫລາຍເວັບໄຊ ຢູ່ຄົນລະ tab
ແຕ່ວ່າ ເວລາເປີດຂຶ້ນທຳອິດ ກໍ່ເປີດ ອອກມາແຕ່ເວັບດຽວ  ລອງແລ້ວ

ແຕ່ວ່າໃນ opera ຫລື mozilla firefox ແມ່ນສາມາດເປີດ ອອກມາແລ້ວ ເຫັນຫລາຍເວັບ,
ເວັບທີ່ເຮົາເປີດປະໄວ້ ຕັ້ງແຕ່ເຂົ້າມາເທື່ອກ່ອນນັ້ນເອງ

(mozilla firefox ສາມາດ download ໄດ້ free)

ໃນ firefox ໃຫ້ຕັ້ງແບບນີ້:
1.  ໄປທີ່ tool > option
2. main
3. ເລືອກ ຕາມຮູບ

I have saysetha OT installed but still can't read Lao

2007-07-06T13:43:00.000+07:00

I have saysetha OT installed but still can't read Lao

tool
internet option
font
Lao
saysettha OT

the word ”ລາວ” should appear

ສູນກາງກັບທ້ອງຖິ່ນ ປະສານງານກັນດີຂຶ້ນ ດ້ວຍ messenger

2007-07-05T15:57:00.000+07:00

ມື້ກ່ອນ ໄດ້ມີໂທລະສັບມາຈາກຕ່າງແຂວງ ບອກວ່າຊ່ວຍໄປຕັ້ງລະບົບ messenger ໃຫ້ຫົວຫນ້າ ທ່ານຫນຶ່ງແດ່ ແລະ ແນະນຳໃຫ້ເພິ່ນອອນລາຍພ້ອມ (ຫົວຫນ້ານັ້ນ ຢູ່ວຽງຈັນ ແລະ ຢູ່ຫ້ອງການດຽວກັບຂ້າພະເຈົ້າ)
ຂ້າພະເຈົ້າຖາມຫາກົກປາຍສາຍເຫດ ໄດ້ໃຈຄວາມວ່າ:
ທ່ານ ຫົວຫນ້າ ໄດ້ສົ່ງ fax ຈຳນວນ 7 ໃບ ເຊິ່ງເປັນ ຕົວຢ່າງບົດຄິດໄລ່ ສ້າງດ້ວຍ excel ທີ່ມີສູດການຄິດໄລ່ ແລະ ຕົວເລກເຕັມໄປຫມົດ ແລະ ໃຫ້ພະນັກງານຢູ່ຕ່າງແຂວງ ດັດແປງແລະແກ້ໄຂຕົວເລກໃຫ້ຖືກກັບຂໍ້ມູນ ຂອງແຂວງຕົນ ສຳເລັດແລ້ວ ໃຫ້ສົ່ງກັບມາວຽງຈັນ
ທາງຕ່າງແຂວງຂັດຂ້ອງວ່າ ເປັນຫຍັງ ບໍ່ສົ່ງເປັນ file ມາເລີຍຈະໄດ້ບໍ່ເສຍເວລາໃນການຕີພິມຄືນໃຫມ່ ແລະ ໄດ້ສູດຄິດໄລ່ພ້ອມເລີຍ ໃນ file, ທາງຕ່າງແຂວງກໍ່ຈະໄດ້ key ຕົວເລກເຂົ້າ ແລະ ສູດຄິດໄລ່ ກໍ່ທຳຫນ້າທີ່ສັງລວມໃຫ້ເລີຍ
ຖ້າສົ່ງມາເປັນ file ຈະໄດ້ທັງການປະຢັດເວລາ ແລະ ຄວາມຖືກຕ້ອງ ພ້ອມທັງມີຄວາມເອກະພາບກັນທຸກແຂວງ ຈະໄດ້ຟອມຫນ້າຕາດຽວກັນ
ຕ່າງແຂວງຮຽກຮ້ອງ ໃຫ້ມີການສົ່ງ file ມາທາງ e-mail ຫລື ທາງ messenger ເພາະວ່າ ແຕ່ລະສາຂາແຂວງໄດ້ຕິດຕັ້ງ internet ກັນຫມົດແລ້ວ ໃຊ້ກັນເປັນຫມົດແລ້ວ online ຕະຫລອດ, ຍັງແຕ່ທາງສູນກາງ ທີ່ມີinternet ແຕ່ບໍ່ໃຊ້ ຈຶ່ງຮຽກຮ້ອງ ໃຫ້ທ່ານຫົວຫນ້າ ສະຫມັກຂໍທີ່ຢູ່ e-mail ແລະ ຮຽນຮູ້ການນຳໃຊ້ e-mail ພ້ອມທັງລະບົບ messenger ນຳ ເພື່ອງ່າຍແກ່ການຕິດຕໍ່ພົວພັນ ທາງ internet.
ຕອນນັ້ນ ທ່ານຫົວຫນ້ານັ້ນ ຍັງບໍ່ກ້າໃຊ້ ເພາະຢ້ານ virus ມາກໍ່ກວນລະບົບ ດຽວນີ້ ເພິ່ນກໍ່ໃຊ້ e-mail ແລະ messenger ແລກປ່ຽນຂໍ້ມູນ ລະຫວ່າງ ແຂວງຕ່າງໆໄດ້ແລ້ວ ແລະ ລາວກຳລັງມ່ວນຊື່ນກັບການຄົ້ນພົບວິທີການໃຫມ່ ໃນການສື່ສານ ແລະປະສານງານລະຫວ່າງສູນກາງກັບທ້ອງຖິ່ນ.

ວິທີການອ່ານອີເມລທີ່ສົ່ງມາເປັນພາສາຖົ່ວງອກ

2007-07-01T16:08:00.000+07:00

ອັນນີ້ ແມ່ນ ເພິ່ນສົ່ງມາເປັນພາສາລາວ ດ້ວຍຕົວຫນັງສື lao Unicode font.
ການສົ່ງມາເປັນພາສາລາວ ບາງເທື່ອກໍ່ອ່ານອອກ ແລະ ບາງເທື່ອກໍ່ເປັນຖົ່ວງອກ ແບບທີ່ເຫັນນີ້ .
ແຕ່ເຊື່ອບໍ່ ຂ້າພະເຈົ້າ ອ່ານມັນໄດ້ ແລະ
ກຳລັງຈະແນະນຳໃຫ້ພວກເຮົາ ທຸກຄົນ ກ່ຽວກັບ ວິິທີການ ອ່ານ e-mail ທີ່ຂຽນເປັນຖົ່ວງອກແບບນີ້ ,
ວິທີມັນກໍ່ງ່າຍ ພຽງແຕ່ເຮົາກົດປຸ່ມ reply, ຫມາກຖົ່ວງອກ ທັງຫລາຍ ກໍ່ກາຍເປັນພາສາລາວ
ດັ່ງທີ່ເຫັນ ຄືລຸ່ມນີ້

ກໍ່ມີເທົ່ານີ້ ຫລະ ກົດປຸ່ມ reply ກໍ່ພໍ

Your Yahoo mail account is no longer active

2007-06-28T17:45:00.001+07:00

ເພື່ອນຂອງຂ້າພະເຈົ້າຄົນຫນຶ່ງ ຖາມຂ້າພະເຈົ້າວ່າ ເປັນຫຍັງຫນ້າ yahoo mail ຂອງລາວຄືວ່າ ປ່ຽນໄປ ນອກຈາກນັ້ນ ລາວຍັງບໍ່ສາມາດ ເປີດອ່ານ e-mail ເກົ່າໄດ້ອີກ
ຂ້າພະເຈ້າໃຫ້ ລາວເຮັດໃຫ້ເບິ່ງ ໂດຍເປີດເວັບຂອງ yahoo ໃຫ້ ແລ້ວໃຫ້ລາວປ້ອນ ທີ່ຢູ່ ແລະ ລະຫັດຜ່ານ ຂອງລາວເຂົ້າໄປ
ປະກົດວ່າ ຫນ້າເວັບທີ່ເປີດອອກມາ ຫນ້າຕາບໍ່ເປັນທີ່ຄຸ້ນເຄີຍເລີຍ ດັ່ງທີ່ເຫັນໃນຮູບນັ້ນແຫລະ

ຂ້າພະເຈົ້າບອກລາວວ່າ ມັນຖືກລະງັບການໃຊ້, ລາວຍອມຮັບວ່າ ບໍ່ໄດ້ yahoo ນຳໃຊ້ມັນມາດົນແລ້ວ ແລະ ຫັນໄປໃຊ້ hotmail
ໄລຍະຫລັງຢາກກັບມາໃຊ້ຄືນ ເລີຍລອງເປີດເຂົ້າໄປ ຈຶ່ງພົບຫນ້າຕາແບບນີ້

Yahoo ຈະລະງັບການນຳໃຊ້ ຖ້າເຮົາບໍ່ໃຊ້ມັນ ເປັນເວລາ 4 ເດືອນຂຶ້ນໄປ ຫລື ຕາມການສະເຫນີ ຂອງເຮົາເອງ
ຫມາຍຄວາມວ່າ ຈົດຫມາຍທຸກສະບັບໃນນັ້ນ ຈະຖືກລຶບຫມົດ ໂດຍບໍ່ສາມາດກູ້ຄືນໄດ້
ໃຜກໍ່ຕາມທີ່ສົ່ງຈົດຫມາຍເຂົ້າມາ ຈະຖືກຕີກັບ ແຕ່ເຮົາຍັງສາມາດນຳໃຊ້ e-mail ນີ້ ໃນການລົງທະບຽນຕ່າງໆໄດ້

ແລ້ວຈະເຮັດຈັ່ງໃດ ?
ມັນມີປຸ່ມອັນຫນຶ່ງ ຢູ່ທາງລຸ່ມ ຂຽນວ່າ Reactivate Yahoo! mail ໃຫ້ກົດປຸ່ມນັ້ນ
ແລ້ວເຮົາຈະສິດນຳໃຊ້ມັນກັບຄືນ ແຕ່ຂໍ້ມູນໃນນັ້ນ ຈະບໍ່ໄດ້ຄືນ

ເລຶ້ອງນີ້ເຄີຍເກີດກັບຫມູ່ຂ້າພະເຈົ້າ ທີ່ໃຊ້ hotmail , ລາວໄປເຮັດວຽກຕ່າງແຂວງ 3 ເດືອນ ກັບມາ ກໍ່ພົບຄຳເຕືອນລັກສະນະນີ້
ອັນນີ້ຂໍໃຫ້ເປັນອຸທາຫອນ ສຳລັບຜູ້ເກັບຂໍ້ມູນ ໄວ້ໃນ ຈົດຫມາຍ ແລ້ວ ບໍ່ເປີດໃຊ້ງານມັນ ເປັນເວລາຫລາຍເດືອນ ຈົດຫມາຍເຫລົ່ານັ້ນ ຈະຫາຍໄປ ໂດຍບໍ່ກັບ

ອ່ານເວັບໄທ ອອກເປັນຖົ່ວງອກ

2007-06-22T22:39:00.001+07:00

ບາງຄັ້ງເວລາເຮົົາເປີຫນ້າເວັບໄຊໄທ ຈະເຫັນເປັນ ຕົວຫນັງສື ທີ່ອ່ານບໍ່ອອກ (ເຮົາມັກໃຊ້ຄຳວ່າຕົວຫນັງສືຖົ່ວງອກ)
ບາງຄັ້ງກໍ່ພົບໃນເວລາເປີດອ່ານ e-mail ທີ່ສົ່ງມາຈາກຄົນໄທ

ຖ້າພົບແບບນິ້ ລອງແກ້ໄຂແບບນີ້

ຖ້າໃຊ້ internet explorer: view > encoding > thai (windows)

ຖ້າໃຊ້ mozilla firefox : view > character encoding > thai (tis-620)

Training in Thakhek and Bolikhamxai

2007-06-17T00:29:00.001+07:00

ໄລຍະສອງສາມມື້ມານີ້ ໄດ້ມີໂອກາດ ໄປທ່າແຂກກັບປາກຊັນ
ແລະ ກໍ່ໄດ້ຍາດໂອກາດ ຊ່ວຍແນະນຳການໃຊ້ internet ໃຫ້ກັບພະນັກງານ ລັດວິສາຫະກິດກໍ່ສ້າງ-ຕິດຕັ້ງໄຟຟ້າ (ເອີ້ນສັ້ນວ່າ ກຕຟ ທີ່ຂ້າພະເຈົ້າສັງກັດ) ພ້ອມທັງ ລັດວິສາຫະກິດໄຟຟ້າລາວ( ເອີ້ນສັ້ນວ່າ ຟຟລ ເຊິ່ງເທື່ອນີ້ບໍ່ແມ່ນ ສະມາຊິກ ແຕ່ແມ່ນຮອງຫົວຫນ້າສາຂາຄຳມ່ວນ ທີ່ລຶ້ງເຄີຍກັນ )

ສິ່ງທີ່ ນຳໄປສະເຫນີ ແມ່ນ

ການສະຫມັກຂໍທີ່ຢູ່ e-mail ເຊິ່ງພະນັກງານ ໃນ ບໍລິສັດຂອງຂ້າພະເຈົ້າ ແມ່ນນິຍົມໃຊ້ບໍລິການຂອງ Yahoo ຫລາຍກວ່າ.
ແນະນຳທີ່ຢູ່ e-mail ທີ່ຈຳເປັນຕ້ອງຮູ້ຈັກ
ການຕິດຕັ້ງ yahoo messenger
ແນະນຳການນຳໃຊ້ ໃນການ ສົ່ງ instance message
ການໂທຫາກັນ ລະຫວ່າງcomputer ກັບ computer ໃຫ້ໄດ້ຍິນສຽງກັນ ແລະ ກັນ
ການ chat ຫມູ່ ຫລື ການປະຊຸມ ທາງໄກໂດຍໃຊ້ yahoo messenger

ເວລາມັນມີຫນ້ອຍ ແຕ່ກໍ່ໄດ້ຮັບຜົນຫລາຍ ເພາະເຖິງວ່າ ບໍ່ໄດ້ແນະນຳທັງຫມົດ
ແຕ່ຢ່າງນ້ອຍກໍ່ໄດ້ແນະນຳໃຫ້ຮູ້ຈັກກັບ Laobeginner
ເຊິ່ງມີຄຳຕອບໃນສິ່ງທີ່ເພິ່ນສົນໃຈ ໃນ ການໃຊ້ internet ເກືອບທັງຫມົດ
ເຂົາເຈົ້າດີໃຈທີ່ ໄດ້ມີຜູ້ມາແນະນຳໃຫ້ຮູ້ຈັກ ກັບຄວາມຮູ້ພື້ນຖານ
ແລະ ຈະສືບຕໍ່ສຶກສາດ້ວຍຕົວເອງ ຈາກ Laobeginner

ຫົວຫນ້າຈຳເປັນຕ້ອງຮູ້ຈັກໃຊ້ INTERNET ຫລືບໍ່

2007-06-12T11:21:00.000+07:00

ໃນບົດກ່ອນໄດ້ໄປເວົ້າຍ້ອງຫົວຫນ້າຂອງຂ້າພະເຈົ້າ ທຳໃຫ້ຫລາຍຄົນນ້ອຍໃຈ ທີ່ຫົວຫນ້າຕົວເອງ ບໍ່ເປັນແບບນັ້ນ, ຂ້າພະເຈົ້າບໍ່ໄດ້ເຈດຕະນາ ພາດພິງ ຫລື ເວົ້າໃສ່ ຫົວຫນ້າຂອງຜູ້ໃດ,
ພຽງແຕ່ກ່າວວ່າຕົວເອງໄດ້ຄວາມຮູ້ຈາກໃຜ

ແລ້ວ ຈຳເປັນບໍ່ທີ່ຜູ້ເປັນຫົວຫນ້າ ຕ້ອງຮູ້ການນຳໃຊ້ internet ? ຕໍ່ຄຳຖາມນີ້ ຂໍຕອບວ່າ ພວກເຮົາທຸກຄົນ ບໍ່ວ່າຫົວຫນ້າ ຫລື ລູກນ້ອງ ບໍ່ວ່າພໍ່ແມ່ ຫລື ລູກ, ບໍ່ວ່ານັກສຶກສາ ຫລື ຄູອາຈານ, ບໍ່ວ່າຕຳຫລວດ ຫລື ໂຈນ (ອີຫລີ ເບິ່ງໃນຮູບເງົາຕ່າງປະເທດເດີ້ ) ແລະ ອື່ນໆ ສະຫລຸບ ວ່າທຸກຄົນ ຈະຫນີການໃຊ້ internet ບໍ່ໄດ້, ບໍ່ຊ້າກໍ່ໄວ, ກໍ່ຈະໄດ້ໃຊ້

ແຕ່ຖ້າໃຜ ຫາກ ບໍ່ມີຜູ້ແນະນຳ ການນຳໃຊ້ ຫລື ມີບັນຫາອື່ນໆ ໃນການໃຊ້ internet ຢ່າລືມນຶກເຖິງ laobeginner.blogspot.com
ຍິນດີຕ້ອນຮັບສະເຫມີ

ແຕ່ວ່າຂໍອະນຸຍາດ ນຳຫົວຫນ້າຜູ້ອື່ນໆ ອີກເທື່ອຫນຶ່ງ ເພື່ອກ່າວເຖິງຫົວຫນ້າ ຕົວເອງອີກ, ພວກເພິ່ນ ໃຊ້ internet ກັນເປັນ (ແຕ່ບໍ່ທຸກຄົນ) ສ່ວນໃຫຍ່ແມ່ນໃຊ້ ຮັບ-ສົ່ງ e-mail.

ເປັນຫຍັງຕ້ອງມີ internet ໃນຫ້ອງການ

2007-06-08T22:28:00.001+07:00

ປະຈຸບັນ ລາຄາ ຄ່າບໍລິການ internet ຍັງແພງຫລາຍ
ເອົາເຂົ້າມາເພື່ອຫຍັງ ເອົາເຂົ້າມາແລ້ວ ຈະມີປະໂຫຍດຫຍັງພໍພິລຶກ
ເອົາເຂົ້າມາແລ້ວ ພາກັນໃຊ້ໄປໃນທາງ ບໍ່ປະໂຫຍດ ເສຍເງິນເສຍເວລາເຮັດວຽກ

ຄຳເວົ້າຂ້າງເທິງ ມີຄວາມຈິງສ່ຳໃດ?

ແມ່ນແລ້ວຄ່າບໍລິການ internet ຍັງແພງຫລາຍ ທຽບໃສ່ປະເທດອື່ນ ຄວາມໄວກໍ່ຍັງບໍ່ສູງ, ກ່ອນທີ່ຫ້ອງການຂ້າພະເຈົ້າຈະເອົາ internet ເຂົ້າມາໃຊ້, ທາງຜູ້ຮັບຜິດຊອບບອກວ່າ : ມັນຈະຊ່ວຍໃຫ້ບໍລິສັດປະຢັດ ຄ່າຊື້ຫນັງສືພິມ ເພາະ ເຮົາສາມາດ ອ່ານຫນັງສື ພິມລາວໄດ້ເກືອບທຸກສະບັບ ນອກນັ້ນ ກໍ່ຍັງມີຫນັງສືພິມ ວາລະສານ ບົດຄວາມຈາກຕ່າງປະເທດອີກ ຢ່າງຫລວງຫລາຍ. ຍັງສາມາດເປີດຫູເປີດຕາ ໃຫ້ພະນັກງານ ໄດ້ໄປເຫັນສິ່ງຕ່າງໆ ໃນໂລກ ໂດຍບໍ່ຕ້ອງ ເສຍເງິນເດີນທາງໄປຕ່າງປະເທດ...
ມັນສາມາດ ໃຊ້ຮັບສົ່ງ ຂໍ້ມູນ ຜ່ານທາງ e-mail ເຊິ່ງສາມາດ ໃຊ້ແທນການສົ່ງທາງ fax ເພາະຄຸນະພາບດີກວ່າ ອ່ານງ່າຍ ສົ່ງເອກະສານ 100 ຫນ້າ ບາດດຽວ, ສາມາດໃຊ້ເປັນ catalogue ເພື່ອເລືອກຊື້ສິນຄ້າ ກວດເຊັກລາຄາ ຕິດຕໍ່ລູກຄ້າ ແລະ ອີກຫລວງຫລາຍ ທີ່ສຳຄັນ ມັນສາມາດ update antivirus software ເຊິ່ງເປັນການປົກປ້ອງຂໍ້ມູນ ຈາກການທຳລາຍຂອງ virus
ການທີ່ບໍ່ຮູ້ປະໂຫຍດຂອງ internet ຫລື ບໍ່ໄດ້ຮັບການແນະນຳຈາກຫົວຫນ້າ ອາດພາໃຫ້ລູກນ້ອງໃຊ້ internet ໄປບໍ່ຖືກທາງ ເຊັ່ນ: ຊອກເຂົ້າເວັບໂປ້, ນັ່ງແຊັດຫມົດມື້ວຽກບໍ່ເຮັດ ແລະ ອື່ນໆ. ທາງຫ້ອງການຂອງຂ້າພະເຈົ້າ, ມີຫົວຫນ້າເປັນຜູ້ແນະນຳ ການໃຊ້ e-mail, ການໃຊ້ internet ເຂົ້າໃນວຽກງານປະຈຳວັນ, ແນະນຳ ເວັບໄຊທີ່ຈຳເປັນ ແລະ ອື່ນໆ, ສຳລັບຂ້າພະເຈົ້າ ແມ່ນເຮັດວຽກດ້ານສຳຫລວດ ເຕັກນິກ ໄດ້ນຳໃຊ້ມັນເຂົ້າໃນວຽກ ການຊອກຫາຂໍ້ມູນເຕັກນິກ ສຳລັບຈັດຫາເຄື່ອງມື, ຫາຂໍ້ມູນດ້ານເຕັກນິກ, download software, ພາບຖ່າຍດາວທຽມ, update program, ອ່ານຂ່າວຈາກພາຍໃນແລະຕ່າງປະເທດ, ຕັ້ງກະທູ້ຖາມບັນຫາ ຫາຄຳຕອບໃຫ້ກັບຫນ້າວຽກປະຈຳວັນ... ທັງຫມົດນີ້ ແມ່ນມີຜູ້ແນະນຳ ກໍ່ຄືທ່ານ ຫົວຫນ້າ ນັ້ນເອງ

ນີ້ກໍ່ເປັນພຽງຄວາມຄິດສ່ວນຕົວ ຖ້າໃຜຕ້ອງການປະກອບຄຳເຫັນກໍ່ສາມາດ ເຮັດໄດ້ ໂດຍ ກົດທີ່ comment ແລ້ວຂຽນຄຳຄິດເຫັນຂອງທ່ານ ລົງໄດ້

internet ມີຄວາມປອດໄພຈາກ virus ສ່ຳໃດ

2007-06-02T20:05:00.001+07:00

ຫລາຍຄົນ ບໍ່ກ້າໃຊ້ internet ດ້ວຍເຫດຜົນວ່າ ຢ້ານຕິດ virus, ບາງຄົນບໍ່ຍອມໃຊ້ລະບົບ LAN
ຫລາຍຄົນທີ່ໃຊ້ອີນເຕີເນັດ ໄດ້ສົ່ງ computer ໄປສ້ອມແປງ ລົງໂປແກມ windows ໃຫມ່
ຄວາມຈິງເປັນແນວໃດ ?

ແມ່ນແລ້ວ ໃນໂລກ internet ມີ virus ໃຫມ່ເກີດຂຶ້ນທຸກມື້
ແມ່ນແລ້ວ ທີ່ virus ຕິດຕໍ່ໄດ້ຜ່ານທາງ internet
ບໍ່ພຽງແຕ່ເທົ່ານັ້ນ ມັນຍັງສາມາດຕິດຕໍ່ໃສ່ໂທລະສັບມືຖື ແລະ ຫນ່ວຍ computer ທີ່ບໍ່ໄດ້ໃຊ້ internet
ເຖິງວ່າທ່ານບໍ່ຍອມໃຊ້ internet ແຕ່ກໍ່ບໍ່ໄດ້ຫມາຍຄວາມວ່າ ຈະລອດພົ້ນຈາກ virus ໄດ້
ເພາະວ່າ ທ່ານເອງ ຫລື ເພື່ອນ ຂອງທ່ານ ອາດນຳເອົາຂໍ້ມູນ ຈາກບ່ອນອື່ນມາ ໃສ່ computer ຂອງທ່ານ ຜ່ານທາງ CD-ROM, USB flash drive, LAN system, bluetooth, infrared...

ແລ້ວເຮົາຈະປ້ອງກັນຕົວເອງ ໄດ້ແນວໃດຈາກ virus?
ແນ່ນອນ ເມື່ອມີພະຍາດ ກໍ່ຕ້ອງມີຢາແກ້ ນັ້ນກໍ່ຄື anti-virus software ເຊິ່ງມີໃຊ້ກັນທົ່ວໄປ ເຊັ່ນ: Norton, McAfee, NOD32, AVG, Karpersky...

anti-virus software ໃດດີກວ່າຫມູ່ ?
ຄຳຕອບກໍ່ຄົງຈະແມ່ນ ດີຄືກັນຫມົດ ແຕ່ວ່າ, ເນື່ອງຈາກ Virus ເກີດຂຶ້ນທຸກມື້ anti-virus software ກໍ່ຕ້ອງນຳໃຫ້ທັນ
ແລະຜູ້ໃຊ້ ກໍ່ຕ້ອງມີ anti-virus software ອັນໃຫມ່ໆ ແລະ ທັນສະພາບຕະຫລອດ ຈຶ່ງຈະປອດໄພ

ແລ້ວຈະເຮັດແນວໃດ?
ຕ້ອງມີການ update ກໍ່ຄືການເຂົ້າໄປຮັບເອົາຂໍ້ມູນຫລ້າສຸດຈາກຜູ້ໃຫ້ບໍລິການ, ຈະເຮັດແນວນັ້ນໄດ້ ກໍ່ຕ້ອງເຊື່ອມຕໍ່ກັບ internet ແລະ ທຳການ update anti-virus software ຂອງເຮົາຈາກ website ທີ່ເພິ່ນເປັນເຈົ້າຂອງ anti-virus software.

ແລ້ວຖ້າເຮົາບໍ່ມີ internet ເດ ຈະ update ແນວໃດ?
ກໍ່ຄົງຕ້ອງຫລີກລ່ຽງການໃຊ້ usb flash drive ຮ່ວມກັບ computer ຫນ່ວຍອື່ນ (ເຊິ່ງເປັນການຍາກ), ໃຫ້ computer ທີ່ມີ internet ທຳການ scan usb flash drive ທີ່ຈະມາສຽບໃສ່ computer ຂອງເຮົາ, ໃຫ້ computer ທີ່ມີ internet ທຳການ scan harddisk ຂອງ computer ຂອງເຮົາ ຢ່າງເປັນປະຈຳ (ຕ້ອງໃຊ້ລະບົບ LAN ຫລື ຖອດ hardisk ໄປ ), ຫລື ເຊື່ອມຕໍ່ internet ເປັນຄັ້ງຄາວ ເພື່ອ ທຳການ update anti-virus software (ຜ່ານໂທລະສັບບ້ານ ຫລື ໂທລະສັບມືຖື).

ສະຫລຸບ:
anti-virus software ຈະທຳການປ້ອງ virus ໄດ້ດີ ກໍ່ຕໍ່ເມື່ອ ທ່ານ update ມັນຢ່າງເປັນປະຈຳ
ການຈະ update anti-virus software ຕ້ອງໃຊ້ internet
computer ທີ່ປອດໄພທີ່ສຸດ ກໍ່ຄື computer ທີ່ເຊື່ອມຕໍ່ກັບ internet.

internet is only for chatting?

2007-05-31T23:12:00.000+07:00

ໄດ້ໂອ້ລົມກັບຫລາຍຄົນ ກ່ຽວກັບອິນເຕີເນັດ ຫລາຍຄົນຍັງບໍ່ຮູ້ວ່າໃຊ້ internet ໄປເຮັດຫຍັງ, ມີຄົນຜູ້ຫນຶ່ງ ບອກວ່າ ຮູ້ຈັກ internet ດີ, ຮູ້ວ່າເຂົາໃຊ້ເຮັດຫຍັງກັນ, ບໍ່ຫຍັງຫລາຍດອກ, ພວກໄວລຸ້ນໃຊ້ໄວ້ແຊັດກັນຫລິ້ນຊື່ໆ
ທ່ານທັງຫລາຍຄົງບໍ່ຄິດແບບນັ້ນຕີ, ແຕ່ວ່າມັນມີປະໂຫຍດຫຍັງແດ່ລະ
ສົມມຸດເຮົາເຂົ້າໄປໃນຮ້ານເນັດເຮົາຈະເຫັນຫຍັງແດ່ :
1 ເຫັນຄົນເຂົ້າໄປອ່ານຂ່າວ (ຂ່າວໃນ internet ສົດກວ່າໃຫມ່ກວ່າໃນຫນັງສືພິມ)
2 ເຫັນຄົນສົ່ງ e-mail ຫາຄົນທີ່ຢູ່ຫ່າງໄກກັນ ວ່ອງໄວທັນໃຈ ສົ່ງປຸບໄດ້ຮັບປັບ
3 ເຫັນຄົນໂທລະສັບຜ່ານທາງ internet ລາຄາຖືກກວ່າໂທດ້ວຍໂທລະສັບ
4 ເຫັນເຂົາຫລຶ້ນເກມອອນລາຍ
5 ເຫັນໄວລຸ້ນແຊັດກັນ
ອີກຕົວຢ່າງຫນຶ່ງທີ່ພົບ ນັ້ນກໍ່ຄືໂຄສະນາ ທາງLaostar channel ທີ່ມີນາງນ້ອຍຄົນຊົນນະບົດແຕ່ສາມາດເຮັດ pizza ໄດ້ ຍ້ອນວ່າຕິດຕັ້ງລະບົບອິນຕີເນັດໄວ້ເຮືອນ ເລີຍເຫັນສູດອາຫານຕ່າງປະເທດໄດ້
ຜູ້ໃຫຍ່ ກໍ່ໃຊ້ຜ່ອນຄາຍຄວາມຕຶງຄຽດ
ນັກທຸລະກິດ ກໍ່ສາມາດໂຄສະນາ ຜ່ານເວັບໄຊ ໂອນເງິນ ຮັບເງິນ
ສາມາດຊື້ຂາຍສິນຄ້າ
ດາວໂຫລດໂປແກມ
ເບິ່ງຫນັງ, ຟັງເພງ, ຫາຄູ່ຫາແຟນ, ..
....ຍັງມີຫລາຍບໍ່ອາດພັນລະນາ
ຊີວິດພວກເຮົາກຳລັງຈະຂາດ internet ບໍ່ໄດ້ ບໍ່ຕ່າງຫຍັງກັບໂທລະສັບມືຖື ທີ່ທຸກຄົນມີໃຊ້
ນັ່ງກິນເບຍຢູ່ຮ້ານ ຍັງເຫັນ www ໃນຜະລິດຕະພັນເບຍລາວ ເລີຍທ່ານ

The new Yahoo! Messenger for the Web

2007-05-25T09:59:00.002+07:00

ເພື່ອນຂອງຂ້າພະເຈົ້າ ທ່ານ ຊະນະພອນ ເພິ່ນເອີ້ນໄປຫາ ຫລັງຈາກເລີກການ ເພື່ອຊ່ວຍກວດກາລະບົບຄອມພິວເຕີຂອງເພິ່ນ ແລະ ຂໍໃຫ້ຕັ້ງ yahoo messenger ໃຫ້ນຳ. ຂ້າພະເຈົ້າບອກເພິ່ນວ່າ ກ່ອນອື່ນໄປທີ່ ເວັບໄຊພະນົມສິນ ຈາກນັ້ນ ໄປທີ່ຫນ້າ ລວມເວັບໄຊ ແນມຫາ ຫມວດ download ແລະ clickໃສ່ yahoo messenger
ຫນ້າເວັບທີ່ເປີດອອກມານັ້ນ http://messenger.yahoo.com/webmessengerpromo.php ຂ້າພະເຈົ້າເອງກໍ່ງົງ ແລະ ຕະລຶງໄປ ເພາະບໍ່ທັນເຄີຍເຫັນ. ໃນນັ້ນຂຽນວ່າ Introducing the new Yahoo! Messenger for the Web, TRY IT NOW Or Download Yahoo! Messenger (8.1)

ຖ້າເຮົາເລືອກ Yahoo! Messenger for the Web ແປວ່າບໍ່ຈຳເປັນຕ້ອງຕິດຕັ້ງໂປແກມລົງຄອມ ແຕ່ກໍ່ສາມາດໃຊ້ໄດ້ຄືກັນ ເຄີຍລອງໃຊ້ເບິ່ງ ແປກໆຢູ່ ບໍ່ທັນລຶ້ງ
ແຕ່ຖ້າຕ້ອງການຄຕິດຕັ້ງໂປແກມລົງທີ່ຄອມ ຕາມທີ່ເຄີຍໃຊ້ມາ ກໍ່ໃຫ້ Download Yahoo! Messenger (8.1)

ວິທີຕັ້ງເວັບໃດຫນຶ່ງ ເປັນຫນ້າທຳອິດຂອງ browser

2007-05-23T15:07:00.001+07:00

ປົກກະຕິທາງ microsoft ຈະຕັ້ງຫນ້າເວັບ www.msn.com ໃຫ້ເປັນຫນ້າທຳອິດ, ທຸກເທື່ອທີ່ເປີດໂປແກມ internet explorer ມັນຈະເປີດຫນ້າເວັບ ທີ່ເປັນ home page ຂຶ້ນມາພ້ອມ. ຫລັງຈາກນັ້ນເຮົາກໍ່ ປ້ອນຊື່ເວັບອື່ນທີ່ຕ້ອງການ ເຂົ້າໄປ ເຊັ່ນເວັບພະນົມສິນ ແບບນີ້ເປັນຕົ້ນ, ເຮັດແບບນີ້ທຸກຄັ້ງ ທີ່ເປີດໂປແກມ ມື້ນີ້ ຂໍສະເຫນີວິທີທີ່ງ່າຍ ກວ່ານັ້ນ ຄືເຮົາເປີດໂປແກມ browser ແລ້ວ ມັນເປີດຫນ້າເວັບທີ່ເຮົາໃຊ້ປະຈຳໃຫ້ເລີຍ ບໍ່ຕ້ອງເສຍເວລາມາຄີຊື່ເວັບເຂົ້າໄປ ເລີ້ມກັນເລີຍ ກ່ອນອື່ນໄປທີ່ເມນູ tool ຈາກນັ້ນໄປທີ່ internet option

ສັງເກດ ດຸມສາມໂຕ ນັ້ນ
current ຖ້າເຮົາກົດ ຈະມີຊື່ເວັບທີ່ພວມເປີດຢູ່ ເຂົ້າໄປຢູ່ໃສ່ປ່ອງ ຫລື ສາມາດໃສ່ ຊື່ເວັບທີ່ຕ້ອງການເຂົ້າໄປ ຕ້ອງມີ http:// ນຳຫນ້າ
default ແມ່ນຕັ້ງມາກັບໂປແກມແລ້ວ
blank ແມ່ນເປີດຫນ້າເປົ່າວ່າງ
ຈາກນັ້ນ ກົດ apply
ລອງຄລິກໃສ່ icon ຮູບເຮືອນ (ບອກມັນກັບບ້ານ) ມັນຈະກັບໄປຫນ້າທີ່ເຮົາຕັ້ງໄວ້ ທັນທີ..

ການນຳໃຊ້ history ເປີດເວັບຄືນ

2007-05-19T18:24:00.001+07:00

ເມື່ອທ່ານເປີດຫນ້າເວັບໃດ ກໍ່ຕາມ ຄອມພິວເຕີຈະທຳການບັນທຶກຊື່ຫນ້າເວັບເອົາໄວ້
ຕົວຢ່າງມື້ນີ້ທ່ານເປີດເວັບໄປ 10 ເວັບ ແຕ່ບໍ່ຈື່ວ່າ ເວັບໃດແດ່ ແຕ່ມີເວັບຫນຶ່ງທີ່ສົນໃຈແລະຢາກຈະກັບໄປຫາມັນອີກ
ສຳລັບຜູ້ໃຊ້ internet explorer 6 ສາມາດເຮັດແບບນີ້ ໄປທີ່ເມນູ view>explorer bar> history ຫລື ກົດໃສ່ icon
ຈະມີວິນໂດວອອກມາ ຊື່ວ່າ history ເຮົາສາມາດໃຊ້ມັນຫລືປິດມັນໄປກໍ່ໄດ້
ຖ້າຈະເບິ່ງວ່າມື້ນີ້ ເປີດຫນ້າເວັບຫຍັງແດ່ ໃຫ້ກົດໃສ່ today ມັນຈະໂຊລາຍຊື່ຫນ້າເວັບທີ່ເຮົາເປີດໃນມື້ນີ້ອອກມາ
ແລະ ເຮົາສາມາດກົດໃສ່ລາຍຊື່ໃດຫນຶ່ງໃນນັ້ນ ຫນ້າເວັບກໍ່ຈະເປີດອອກມາ
ບໍ່ພຽງແຕ່ສາມາດຄົ້ນຫາຂໍ້ມູນຂອງມື້ນີ້ ເຮົາສາມາດຄົ້ນຄືນຫລັງໄດ້ຫລາຍເດືອນອີກດ້ວຍ

Using WinPhone as a modem for internet connection

2007-05-15T17:18:00.001+07:00

ການຕິດຕັ້ງ internet ຜ່ານ winphone

ກະກຽມ

ທ່ານຕ້ອງມີ ຫນ່ວຍໂທລະສັບຕັ້ງໂຕະແບບບໍ່ມີສາຍ "winphone" ຂອງບໍລິສັດລາວໂທລະຄົມ ແບບໃດກໍ່ໄດ້ ໃນສີ່ແບບ ພ້ອມເບີ
ຕ້ອງມີສາຍເຂື່ອມຕໍ່ກັບຄອມພິວເຕີ້ ຕ້ອງຊື້ຕ່າງຫາກ ໃນລາຄາ 17 ໂດລາ ຈະໄດ້ແຜ່ນຊີດີ ສຳລັບຕິດຕັ້ງ wireless modem ມາພ້ອມ

ຕິດຕັ້ງ
ໃສ່ແຜ່ນຊີດີ ແລະ ເລືອກຄຳສັ່ງ setup
ຈະຖາມຫາສາຍສຽບ (ຖ້າຍັງບໍ່ຕໍ່ເຂົ້າ ໂປແກມຈະບໍ່ແລ່ນໄປຕໍ່) ໃຫ້ສຽບສາຍໃສ່ໂທລະສັບແລ້ວຕໍ່ເຂົ້າຄອມພິວເຕີ້ ຈາກນັ້ນກົດໄປຕໍ່
ເມື່ອຕິດຕັ້ງ modem ສຳເລັດແລ້ວ ໃຫ້ຕັ້ງ new connection. start>setting>Network connection>create new connection
ເມື່ອມີ ບອັກອອກມາ ກົດnext , ເລືອກ connect to internet, next, setup my connection manually, next, connect using dailup modem, next
ເລືອກ modem ໃນທີ່ນີ້ເລືອກ huawei
isp name : ໃສ່ຕາມສະບາຍ ຫລື internet via winphone
phone number (dial) : #777
user name: win@ltc.com
password: win
ຕື່ມເງິນ ແລ້ວ ທຳການເຊື່ອມຕໍ່ດັ່ງນີ້:
ໄປທີ network connection ເລືອກຊື່ທີ່ຕັ້ງໄວ້ ເຊັ່ນ internet via winphone
ລໍຖ້າ ການກວດສອບ ເມື່ອກວດບໍ່ຜ່ານກໍ່ເຂົ້າບໍ່ໄດ້ ໃຫ້ລອງອີກຫລາຍໆເທື່ອ
ເມື່ອເຂົ້າໄປໄດ້ແລ້ວ ຈະມີການແຈ້ງບອກ ມີຮູບໄອຄອນຂຶ້ນທີ່ task bar ໂຊເປັນຄອໃພິວເຕີຊ້ອນກັນ
ເມື່ອຕ້ອງການເຊົາໃຊ້ right click ທີ່ໄອຄອນ ເລືອກ disconnect
ເພື່ອບໍ່ຢາກເປືອງເງິນ ໃຫ້ save webpage ໄວ້ເພື່ອພິມອອກ ຫລືໄວ້ອ່ານພາຍຫລັງ
ລອງເບິ່ງ ຖ້າບໍ່ໄດ້ຜົນ ໂທ 101
ອ່ານຕໍ່

ຕາມການໄດ້ລອງໃຊ້ ເຫັນວ່າ :
1 ຄວາມໄວສູງ ໄດ້ໃຈ
2 ຄ່າບໍລິການ 1 ນາທີ ປະມານ 240 ກີບ
3 ໃຊ້ບັດ M phone ຕື່ມເງິນກໍ່ໄດ້
4 ມັນອາດໃຊ້ບໍ່ໄດ້ກັບຄອມພິວເຕີບາງລຸ້ນ ໂດຍສະເພາະຄອມລຸ້ນໃຫມ່

Internet Training in Bokeo

2007-05-12T20:54:00.001+07:00

ຂ້າພະເຈົ້າໄດ້ໄປເຮັດວຽກກັບລັດວິສາຫະກິດໄຟຟ້າລາວ ສາຂາແຂວງບໍ່ແກ້ວ, ຫົວຫນ້າສາຂາໄດ້ຂໍໃຫ້ຈັດຝຶກອົບຮົມການນຳໃຊ້ internet ໃຫ້ກັບພະນັກງານຂອງເພິ່ນ. ຂ້າພະເຈົ້າຍາດເອົາເວລາເລີກວຽກງານໃນວັນເສົາ ເວລາ 12 ໂມງທ່ຽງເພື່ອແນະນຳການນຳໃຊ້ internet ໃນນັັ້ນ ໄດ້ອະທິບາຍຕາມແຕ່ລະລາຍການຄື:

ການປະກອບສ້າງຂອງເວັບໄຊພະນົມສິນ,
ການນຳໃຊ້ webboard,
ການພິມພາສາລາວໃນ webboard,
ການ search website, search images,
ການສະຫມັກທີ່ຢູ່ e-mail, ການສົ່ງແລະຮັບe-mail,
ການ download ແລະ ຕິດຕັ້ງ messenger, ການສົ່ງ file ຜ່ານ messenger..

ທັງຫມົດ ໃຊ້ເວລາແນະນຳໄປ 1 ຊົ່ວໂມງເທົ່ານັ້ນ
ເບິ່ງສີຫນ້າພວກເຂົາແມ ພວກເຂົາຕື່ນເຕັ້ນກັບຄວາມຮູ້ໃຫມ່ ແລະ ກະຕືລືລົ້ນທີ່ຈະລອງນຳໃຊ້
ຫລັງຈາກການສຳມະນາ ພວກເຂົາໄປກິນເຂົ້າ ແລະ ຟ້າວກັບມາລອງໃຊ້ ໃນມື້ນັ້ນເລີຍ
ວັນເສົາແທ້ໆ ບໍ່ຍອມພັກ

messenger ແມ່ນຫຍັງ

2007-05-09T18:24:00.000+07:00

ທ່ານຄົງໄດ້ຮູ້ຈັກກັບchat ໄປແລ້ວໃນບົດກ່ອນຫນ້ານີ້ ເມື່ອຂ້າພະເຈົ້າເຂົ້າໄປໃນ chat room ຂອງ ກະໄດ້ເພື່ອນຈາກນັ້ນຫລາຍຄົນຢູ່ ນັບທັງos555 ທີ່ຊ່ວຍຂ້າພະເຈົ້າສ້າງເວັບໄຊ, ແຕ່ບາງຄັ້ງ ຂ້າພະເຈົ້າບໍ່ຄ່ອຍຮູ້ສຶກດີປານໃດ ເພາະວ່າມີຫລາຍຄົນໃນຫ້ອງ ບໍ່ຮູ້ວ່າໃຜລົມກັບໃຜ ເປັນອຶກກະທຶກຢູ່ ບໍ່ຮູ້ຈະລົມໃຜ ແລະ ຄືວ່າບໍ່ມີໃຜຢາກລົມກັບເຮົາ
ຂ້າພະເຈົ້າມັກລົມກັນແບບສອງຕໍ່ສອງໃນຫ້ອງສະເພາະທີ່ບໍ່ມີໃຜລົບກວນ. ແລະ messenger ກໍ່ສາມາດຕອບສະຫນອງທາງແກ້ບັນຫາໃຫ້ຂ້າພະເຈົ້າໄດ້. ແລ້ວ messenger ມັນແມ່ນຫຍັງ. ມັນກໍ່ຄືກັນກັບຫ້ອງ chat room ເຮົາສາມາດ IM (instant message) ຫາຜູ້ທີ່ຕ້ອງການ ລົມນຳ ແລະ ຖ້າເຂົາຢາກລົມເຮົາ ເຂົາກໍ່ຕອບມາ. ແຕ່ມັນມີຂໍ້ສະດວກຫລາຍຢ່າງ ເຊັ່ນ: ເຮົາສາມາດເຮັດວຽກໄປນຳ chat ໄປນຳ ເມື່ອມີໃຜສົ່ງ IM ມາ ກໍ່ຈະມີສຽງເຕືອນ ແລະ ມີການກະພິບໃນຫນ້າຈໍ ເຊິ່ງເຮົາສາມາດເລືອກວ່າຈະຕອບຫລືບໍ່ຕອບກະໄດ້. ສາມາດເລືອກໃຫ້ຕົວເອງ online ຫລື offline ກໍ່ໄດ້(ໂດຍສະເພາະເວລາບໍ່ຕ້ອງການໃຫ້ໃຜລົບກວນ ຕອນກຳລັງຫຍຸ້ງວຽກ) ຫລືໃຫ້ຕົວເອງ online ແຕ່ບໍ່ໃຫ້ໃຜເຫັນວ່າເຮົາ online ຢູ່ ກໍ່ໄດ້. ເຮົາສາມາດເລືອກວ່າ ຈະໃຫ້ໃຜເຂົ້າມາຢູ່ໃນລາຍຊື່ການສົນທະນາ ເພື່ອໃຫ້ເຂົາເຫັນເຮົາ ເວລາເຮົາ online ຫລື ລຶບຊື່ຜູ້ທີ່ເຮົາບໍ່ຕ້ອງການລົມນຳອີກ ອອກຈາກລາຍຊື່.

ນອກຈາກສົ່ງ IM ຫາກັນແລ້ວ messenger ຍັງສາມາດໃຫ້ຄູ່ສົນທະນາແລກປ່ຽນ file ພາບຖ່າຍ, ສຽງ, ວີດີໂອ ແລະ ເອກະສານ ສົ່ງໃຫ້ກັນໄດ້ທັນທີ ອັນນີ້ກໍ່ສະດວກ ສະດວກກວ່າສົ່ງທາງ e-mail ເພາະເຮົາຮູ້ໄດ້ທັນທີວ່າຜູ້ທີ່ເຮົາສົ່ງໃຫ້ ໄດ້ຮັບສິ່ງທີ່ເຮົາສົ່ງໃຫ້ແລ້ວ ບໍ່ຕ້ອງລຸ້ນວ່າຜູ້ກ່ຽວອ່ານ e-mail ຫລືຍັງບໍ່ທັນອ່ານ

ຍັງສາມາດໂທຫາກັນຜ່ານຫນ່ວຍຄອມພິວເຕີ ໄດ້ຍິນສຽງກັນ ແລະ ເຫັນຫນ້າກັນກໍ່ຍັງໄດ້ ເຖິງວ່າຈະຢູ່ກັນຄົນລະຟາກຟ້າ ກໍ່ຕາມ. ແຕ່ວ່າຕ້ອງໄດ້ຕິດຕັ້ງອຸປະກອນເສີມເຂົ້າໄປ ໄດ້ແກ່ microphone, ear phone or speaker and webcam. webcam ຄືກ້ອງໂທລະທັດ ສຳລັບຕິດຕັ້ງກັບຄອມພິວເຕີ ເພື່ອຖ່າຍພາບເຮົາສົ່ງໄປໃຫ້ຜູ້ທີ່ເຮົາລົມນຳໄດ້ເຫັນ.

ສາມາດລົມກັນໄດ້ຫລາຍກວ່າສອງຄົນ ໂດຍເຊື້ອເຊີນຜູ້ທີ3 ເຊິ່ງກໍ່ຕ້ອງ online ຢູ່ເຊັ່ນກັນ ມາຮ່ວມປະຊຸມປຶກສາຫາລືນຳກັນໄດ້ ແບບທີ່ເອີ້ນວ່າປະຊຸມກັນທາງໄກ ເພາະແຕ່ລະຄົນອາດຈະຢູ່ກັນຄົນລະບ່ອນ

ໃນຮ້ານອິນເນັດທົ່ວໄປມັກຈະມີໂປແກມພວກນີ້ໄວ້ໃຫ້ແລ້ວ ໄດ້ແກ່ໂປແກມ yahoo messenger ສຳລັບຜູ້ໃຊ້ yahoo mail, MSN ຫລື windows (live) messenger ສຳລັບຜູ້ໃຊ້ hotmail. ເມື່ອກ່ອນຜູ້ໃຊ້ yahoo mail ຕ້ອງໃຊ້ໂປແກມຂອງ yahoo messenger ເທົ່ານັ້ນ, ແຕ່ດຽວນີ້ບໍ່ຈຳກັດແລ້ວ ໃຊ້ນຳກັນໄດ້
ຖ້າຄອມພິວເຕີທີ່ທ່ານໃຊ້ຢູ່ ບໍ່ມີໂປແກມພວກນີ້ ທ່ານກໍ່ສາມາດ download ໄດ້ຈາກ website ທີ່ກ່ຽວຂ້ອງ ຫລືໄປ download ທີ່ເວັບໄຊພະນົມສິນ ກໍ່ໄດ້

ການ chat: ວິທີລົມບ່າວລົມສາວ ຍຸກໄຮເທັກ

2007-05-06T16:14:00.001+07:00

ເຄີຍໄດ້ຍິນເພງຮັກສາວອອນລາຍກັນບໍ່ ເນື້ອໃນຂອງເພງເພິ່ນພັນລະນາເຖິງຄວາມງາມຂອງສາວອອນລາຍ ຫລື online ແລະ ເມື່ອໄດ້ລົມກັນທາງ computer ຜ່ານ internet ຈົນວ່າລືມຮອດກິນເຂົ້າແລງ ແລະ ແຕ່ລະມື້ຜູ້ບ່າວຈະຄອຍຖ້າໃຫ້ຜູ້ສາວ ທຳການ online ເພຶ່ອທີ່ຈະໄດ້ລົມກັນອີກ
ມາຮູ້ຈັກຄຳວ່າ online ກັນກ່ອນ
online ອາດຈະແປວ່າກຳລັງຢູ່ໃນສາຍ ຖ້າກົງກັນຂ້າມກັບ online ຈະເອີ້ນວ່າ offline. ເມື່ອເຮົາກຳລັງ online ຢູ່ເຮົາສາມາດໂຕ້ຕອບກັບຜູ້ທີ່ເຮົາຕ້ອງການລົມນຳ ເຊິ່ງກໍ່ຕ້ອງ online ຄືກັນຈຶ່ງລົມກັນໄດ້ ແບບດຽວກັນກັບການລົມໂທລະສັບ. ການ chat ແມ່ນການຂຽນຂໍ້ຄວາມໂຕ້ຕອບກັນໄປມາລະຫວ່າງຜູ້ສົນທະນາ ໃນຫ້ອງສົນທະນາໃດຫນຶ່ງ, ລອງກຳນົດນາມແຝງໃຫ້ກັບຕົວເອງ ແລ້ວ log in ຫລື sign inເຂົ້າສູ່ເວັບໄຊທີ່ໃຫ້ການບໍລິການດ້ານການ chat ເຊັ່ນ www.inlao.net ຫລື www.mahasan.com. ແລ້ວກໍ່ຈະເຂົ້າໃຈເອງ.
ຢ່າເຜີ chat ຈົນລືມກິນລືມນອນເດີ້ ໃຫ້ຫ້ອງ chat ມີຄົນຕະຫລອດຈາກທົ່ວທຸກມູມໂລກ ເບິ່ງຄືວ່າບໍ່ຮູ້ຫລັບຮູ້ນອນ

search images: ການຊອກຫາຮູບພາບໃນອິນເຕີເນັດ

2007-05-06T16:12:00.000+07:00

ການຊອກຫາພາບຖ່າຍສຳລັບການຂຽນບົດໃດຫນຶ່ງທີ່ທາງອາຈານໃຫ້ວຽກບ້ານມາ ເຊັ່ນຫາ ຮູບຖ່າຍສະຖານທີ່ທ່ອງທ່ຽວ ຂອງແຂວງຂອງຕົນ ຫາຮູບຖ່າຍຂອງຜູ້ນຳ ແລະ ອື່ນໆ
ວິທີການ ກໍ່ເປັນແບບດຽວກັນ ກັບການຊອກຫາເວັບໄຊ ພຽງແຕ່ລະບຸລົງໄປໃນ search engine ວ່າໃຫ້ຊອກຫາ image ດ້ວຍການກົດ ປຸ່ມ image ກ່ອນແລ້ວຈຶ່ງກົດ search
ລອງຫາຮູບຂອງແຂວງຕົນເອງດ້ວຍການພິມຊື່ແຂວງ ແລະ search ຫລື ພິມຊື່ບຸກຄົນທີ່ຕ້ອງການຄົ້ນຫາ ລອງເບິ່ງ
ໃນຕົວຢ່າງນີ້ ຂ້ອຍຄົ້ນຫາຮູບຂອງ David Backham

ການໃຊ້ search engine ຊອກຫາເວັບໄຊ

2007-05-06T15:56:00.001+07:00

ວິທີທີ່ກຳລັງຈະກ່າວເຖິງ ເປັນວິທີທີ່ດີທີ່ສຸດໃນການໃຊ້ອິນເຕີເນັດ ເພື່ອຊອກຫາຂໍ້ມູນ
ມັນສາມາດຊ່ວຍເຮົາຫາເວັບໄຊທີ່ເຮົາຕ້ອງການໄດ້ຢ່າງວ່ອງໄວ ເປີດຫນ້າເວັບໄຊໃຫ້ພ້ອມ ໂດຍທີ່ເຮົາບໍ່ຈຳເປັນຕ້ອງຮູ້ຈັກຊື່ເວັບໄຊ
ພຽງແຕ່ເຮົາພິມຄຳສັບທີ່ເຮົາຄິດວ່າ ເວັບໄຊທີ່ເຮົາກຳລັງຄົ້ນຫາຈະຕ້ອງມີ ເຮົາເອີ້ນຄຳປະເພດນີ້ວ່າ key word ເຊິ່ງເປັນດັ່ງກຸນແຈໄຂໄປສູ່ຫນ້າເວັບໄຊທີ່ເຮົາຕ້ອງການ
ມາເບິ່ງຕົວຢ່າງການຄົ້ນຫາຂໍ້ມູນນຳກັນ
ກ່ອນອື່ນ ທ່ານຕ້ອງເປີດຫນ້າເວັບໄຊທີ່ເຮັດຫນ້າທີ່ຄົ້ນຫາຂໍ້ມູນໃຫ້ເຮົາ ເຮົາເອີ້ນພວກມັນວ່າ search engine ເຊິ່ງມີຫລາຍຕົວ ເປັນຕົ້ນແມ່ນ http://search.msn.com/, http://search.yahoo.com/, http://www.google.la ແລະ ອື່ນໆ
ສັງເກດ ເຮົາຈະເຫັນປ່ອງສຳລັບປ້ອນຄຳສັບເຂົ້າໄປ ຖ້າເຮົາກຳລັງຊອກຫາຂໍ້ມູນກ່ຽວກັບວຽງຈັນ ເຮົາກໍ່ສາມາດ ພິມຄຳວ່າ”ວຽງຈັນ”ເຂົ້າໄປ ແລະ ກົດ search
search engine ຈະເຮັດຫນ້າທີ່ຄົ້ນຫາທຸກເວັບໄຊທີ່ມີຄຳວ່າ ວຽງຈັນ ແລະ ສະແດງລາຍຊື່ເວັບໄຊອອກມາ ໃຫ້ເຮົາເລືອກເອົາ ເວັບໄຊໃດທີ່ມີຂໍ້ມູນທີ່ເຮົາຕ້ອງການ
ຖ້າວ່າຈຳນວນຫນ້າເວັບທີ່ສະແດງອອກມາ ມີຈຳນວນຫລາຍ ເກີນໄປ ກໍ່ໃຫ້ລອງປ່ຽນຄຳສັບໃຫມ່ ທີ່ຈຳກັດສະເພາະຫນ້າເວັບໄຊກວ່າເກົ່າ
ທ່ານສາມາດໃຊ້ຄຳສັບ ເປັນພາສາລາວຫລືພາສາໃດກໍ່ໄດ້
ຕົວຢ່າງ ທ່ານຊອກຫາເວັບໄຊ ທີ່ມີຄຳວ່າ ”ໄຟຟ້າ” ທ່ານຈະພົບວ່າ 500 ກວ່າລາຍການ ເຊິ່ງອາດຫລາຍເກີນໄປ
ຖ້າທ່ານຊອກຄຳວ່າ ”ໄຟຟ້າລາວ” ທ່ານຈະພົບພຽງແຕ່ 60 ກວ່າລາຍການ
້

ການຮັບສົ່ງ e-mail

2007-05-02T13:44:00.000+07:00

ການຮັບສົ່ງ e-mail
ການສົ່ງອີເມລ ແມ່ນເຮັດຕາມຂັ້ນຕອນຄື:
ໄປທີ່ເວັບໄຊ ທີ່ໃຫ້ບໍລິການ ຕົວຢ່າງ ຖ້າທ່ານໃຊ້ yahoo ກໍ່ເປີດໄປເວັບ www.yahoo.com ກົດປຸ່ມ yahoo mail
ໃສ່ທີ່ຢູ່ແລະລະຫັດຜ່ານ ຈາກນັ້ນ ກໍ່ກົດປຸ່ມ sign in ເຂົ້າໄປ
ເມື່ອເຂົ້າໄປແລ້ວເຮົາສາມາດ ອ່ານຈົດຫມາຍທີ່ເຂົາສົ່ງມາໃຫ້ ໃນກ່ອງຮັບ ຫລື inbox ໄຂເຂົ້າໄປເບິ່ງ ຖ້າເຫັນວ່າມີຈົດຫມາຍໃຫມ່ ກໍ່ສາມາດເປີດອ່ານໄດ້ ດ້ວຍການ double click.
ຖ້າຈະສົ່ງຈົດຫມາຍ ກໍ່ສາມາດສ້າງຂໍ້ຄວາມໃຫມ່ ຂຶ້ນມາ new message, ໃສ່ທີ່ຢູ່ເຂົ້າໄປ ໃສ່ຫົວເລື້ອງເຂົ້າໄປ ໃສ່ເນື້ອໃນຈົດຫມາຍ ຄົບແລ້ວກໍ່ກົດສົ່ງ send
ຖ້າຕ້ອງການແນບໄຟລ໌ໄປພ້ອມເຊັ່ນຮູບຖ່າຍ ຫລື ໄຟລ໌ຂໍ້ມູນ ໄປພ້ອມກັບຈົດຫມາຍ ກ່ອນຈະກົດສົ່ງ ໃຫ້ເລືອກ attach ແລະ ເລືອກໄຟລ໌ທີ່ຈະສົ່ງໄປ ທຳການແນບໄຟລ໌ ສຳເລັດແລ້ວ ຈຶ່ງກົດປຸ່ມສົ່ງ

ການສະຫມັກຂໍທີ່ຢູ່ e-mail

2007-05-01T16:55:00.001+07:00

ການສະຫມັກຂໍທີ່ຢູ່ e-mail
ເມື່ອທ່ານຕ້ອງການ ມີທີ່ຢູ່ e-mail ເປັນຂອງຕົວເອງ ຫລື ຂອງສຳນັກງານ ແບບບໍ່ຕ້ອງເສຍເງິນ ກ່ອນອື່ນຕ້ອງເລືອກວ່າ ຈະເອົາບໍລິການຂອງໃຜ.
ທີ່ນິຍົມກັນ ແມ່ນ hotmail, yahoo mail, gmail ຖ້າແມ່ນຂອງລາວກໍ່ແມ່ນ etllao.
hotmail ແລະ yahoo mail ແມ່ນສາມາດສະຫມັກໄດ້ທັນທີ ໂດຍທ່ານຕ້ອງໃສ່ລາຍລະອຽດຂໍ້ມູນສ່ວນຕົວເຂົ້າໄປ, ຕອບຄົບແລ້ວ ກໍ່ສາມາດໃຊ້ໄດ້ເລີຍ.
ສຳລັບ gmail ແມ່ນທ່ານບໍ່ສາມາດສະຫມັກເອງໄດ້ ແຕ່ສາມາດຂໍການເຊື້ອເຊີນຈາກຜູ້ທີ່ໃຊ້ມາກ່ອນ. ຜູ້ທີ່ໃຊ້ gmail ສາມາດສົ່ງການເຊື້ອເຊີນ ໄປໃຫ້ຜູ້ຕ້ອງການໄດ້ຫລາຍຄົນ.
etllao ເມື່ອກ່ອນກໍ່ສາມາດສະຫມັກໄດ້ທັນທີ ດຽວນີ້ ເພິ່ນໃຫ້ສະຫມັກທາງໂທລະສັບ 021260022.

what's e-mail ? ອີແມວແມ່ນຫຍັງ ?

2007-04-28T18:47:00.001+07:00

ອີແມວແມ່ນຫຍັງ
ອີເມລ ຫຍໍ້ມາຈາກ electronic mail ຫລື ຈົດຫມາຍແບບເອເລັກໂຕຣນິກ ຂຽນຫຍໍ້ແມ່ນ e-mail.
ຖ້າເປັນຈົດຫມາຍແບບທຳມະດາ ແມ່ນຕ້ອງຝາກທາງລົດ, ເຮືອ ຫລື ເຮືອບິນ ໃຊ້ເວລາໃນການຂ້າມນ້ຳຂ້າມທະເລ ຈຶ່ງໄປຮອດຈຸດຫມາຍ ແລະ ຍັງສ່ຽງຕໍ່ການເສຍຫາຍ.
ຖ້າຝາກແບບທຳມະດາກໍ່ຕ້ອງເສຍຄ່າສະແຕມ ຖ້າຝາກດ່ວນ ກໍ່ຕ້ອງຈ່າຍເພີ້ມ.
ຖ້າເປັນ ອີເມລ ແມ່ນວ່ອງໄວກວ່າ ຝາກປຸບຮອດປັບ ແບບດຽວກັບ FAX ແຕ່ວ່າ fax ມັກເຮັດໃຫ້ຕົວຫນັງສື ອ່ານຍາກ ແລະ ສະແດງສີໄດ້ບໍ່ງາມ ມີແຕ່ສີຂາວກັບສີດຳ.
ຖ້າຕ້ອງການສົ່ງ ອີເມລ ໃຫ້ໃຜກໍ່ຕາມ ເຮົາຕ້ອງມີທີ່ຢູ່ຂອງທັງຜູ້ສົ່ງ ແລະ ຜູ້ທີ່ຈະຮັບ ທີ່ເອີ້ນກັນວ່າ e-mail address. ເຮົາສາມາດຂໍ e-mail address ຈາກເຂົາ ຫລື ເຂົາມັກຈະມີໄວ້ໃນນາມບັດ ບໍ່ຕ່າງຫຍັງກັບເບີໂທລະສັບ. ຖ້າເຮົາບໍ່ມີ e-mail address ຂອງຕົວເອງ ເຮົາສາມາດສະຫມັກຈາກເວັບຕ່າງໆ ເຊິ່ງໃຫ້ການບໍລິການດ້ານນີ້, ມີທັງແບບຈ່າຍເງິນ ແລະ ແບບບໍ່ເສຍເງິນ.
ຜູ້ໃຫ້ການບໍລິການ e-mail address ແບບບໍ່ຈ່າຍເງິນໃນສປປລາວແມ່ນ www.etllao.com. e-mail address ແບບບໍ່ເສຍຄ່າທີ່ນິຍົມໃຊ້ຫລາຍ ອາດຈະແມ່ນ hotmail ຈາກ www.msn.com, yahoo mail ຈາກ www.yahoo.com, gmail ຂອງ www.google.com
ເພິ່ນໃຊ້ e-mail ເພື່ອຂຽນຈົດຫມາຍ ສົ່ງ file ຮູບພາບ ແລະ file ຂໍ້ມູນ ໃຫ້ກັນ.
ຂ້າພະເຈົ້າໄດ້ລອງໃຊ້ຫລາຍອັນ ແຕ່ມັກກວ່າຫມູ່ແມ່ນ hotmail ມັນສາມາດສົ່ງຂໍ້ຄວາມທາງ e-mail ແລະ chat ໃນ msn messenger ເປັນພາສາລາວ ດ້ວຍ lao unicode font

ຕິດຕັ້ງ lswin603 ແລ້ວ ຍັງຂຽນລາວບໍ່ໄດ້

2007-04-28T01:54:00.000+07:00

ເມື່ອຕິດຕັ້ງແລ້ວ ຈະມີຕົວ “ລ” ຂຶ້ນໃນ taskbar
ເມື່ອໄປຄລິກໃສ່ມັນ ສີມັນຈະເຂັ້ມຂຶ້ນ ແລະ ສາມາດພິມລາວໄດ້
ຖ້າ ຕົວ ”ລ” ເປັນສີດຳ ແມ່ນ font code = LSwin ແບບນີ່ໃຊ້ບໍ່ໄດ້
ໃຫ້ right click ໃສ່ຕົວ ລ
ເລືອກ font codes > ເລືອກ unicode
ເມື່ອໄປຄລິກໃສ່ມັນ ສີມັນຈະເຂັ້ມຂຶ້ນ ຖ້າ ຕົວ ”ລ” ເປັນສີແດງ ແມ່ນ font code = unicode ແບບນີ່ໃຊ້ໄດ້
ສະຫລຸບ: ເມື່ອຕິດຕັ້ງແລ້ວ ໃຫ້ປ່ຽນຄ່າ font code ໃຫ້ເປັນ unicode

ຢາກຂຽນພາສາລາວໃນເວັບບອດ

2007-04-27T02:08:00.000+07:00

webboard ແມ່ນບ່ອນທີ່ມີຜູ້ໃດຜູ້ຫນຶ່ງເຂົ້າມາຕັ້ງກະທູ້ (topic) ຫລື ຕັ້ງຄຳຖາມໃຫ້ຜູ້ອ່ານຜູ້ອື່ນໆ ທີ່ເຂົ້າມາອ່ານ ສາມາດຕອບ ແລະ ປະກອບຄຳເຫັນ ກ່ຽວກັບກະທູ້ທີ່ຕັ້ງຂຶ້ນ.
ເວັບບອດໄດ້ຮັບຄວາມນິຍົມຫລາຍ ເຮັດໃຫ້ຜູ້ຄົນໄດ້ສົນທະນາແລກປ່ຽນຄວາມຄິດນຳກັນຜ່ານອິນເຕີເນັດ ຫລາຍໆເວັບຂອງລາວທີ່ໄດ້ຮັບຄວາມນິຍົມ ລ້ວນແຕ່ຕ້ອງມີເວັບບອດ.
ເວັບໄຊ ພະນົມສິນກໍ່ມີເວັບບອດຄືກັນ ເອົາໄວ້ໃຫ້ຜູ້ທີ່ມີບັນຫາໃນການໃຊ້ຄອມພິວເຕີໃນຊີວິດປະຈຳວັນ ຫລື ບັນຫາກ່ຽວກັບໄຟຟ້າ ສາມາດຕັ້ງຄຳຖາມ ເພື່ອປຶກສາບັນຫາ ລະຫວ່າງສະມາຊິກພາຍໃນເວັບບອດດ້ວຍກັນ. ໃນເວັບບອດພະນົມສິນ ຮອງຮັບຫລາຍພາສາ ທ່ານສາມາດພິມ(key)ຄຳເຫັນຂອງທ່ານ ເປັນພາສາອັງກິດ, ລັດເຊຍ, ໄທ ຫລື ລາວ.
ຄົນລາວກໍ່ຕ້ອງນິຍົມໃຊ້ພາສາລາວ ແຕ່ການຂຽນພາສາລາວລົງເວັບບອດ ຕ້ອງມີຂັ້ນຕອນຂອງມັນ. ຕ້ອງມີຊອບແວ ທີ່ຊ່ວຍທ່ານຂຽນຕົວຫນັງສື lao unicode. ມີທາງເລືອກຢູ່ຄື:
ໃຊ້ laoscript for windows version 6 ຫລືສູງກວ່າ ເຊິ່ງສາມາດຊື້ ແລະ download ຈາກ http://www.laoscript.net/downloads/ . ອ່ານຕໍ່
ໃຊ້ Lao unicode keyboard ເຊິ່ງທ່ານສາມາດ download ໂດຍບໍ່ເສຍຄ່າ ຈາກ http://www.laohub.com/static_html/lang/keyboard/lao_key.exe . ອ່ານຕໍ່
ຖ້າທ່ານຍັງມີອັນໃດສົນໃຈ ທ່ານກໍ່ສາມາດເຂົ້າໄປຕັ້ງກະທູ້ໃນເວັບບອດພະນົມສິນ ໄດ້ຕະຫລອດ

ວິທີຈັດການກັບເວັບໄຊ ທີ່ຕ້ອງການກັບເຂົ້າໄປອ່ານອີກ

2007-04-24T23:49:00.001+07:00

ຖ້າເຮົາຊອກຫາເວັບໄຊທີ່ຕ້ອງການແລ້ວ ແຕ່ບໍ່ມີເວລາອ່ານລະອຽດ ແຕ່ຕ້ອງການອ່ານອີກ ເມື່ອຕອນມີເວລາ. ມີທາງເລືອກຢູ່ຫລາຍທາງ:

ສັ່ງ print ອອກມາເປັນເຈ້ຍ ເພາະສາມາດນຳກັບໄປອ່ານຢູ່ເຮືອນ ຫລື ບ່ອນທີ່ບໍ່ມີຄອມພິວເຕີ ແລະ ອິນເຕີເນັດ.
save ເປັນ file ເມຶອ ເພື່ອສາມາດອ່ານໄດ້ອີກ ຢູ່ຫ້ອງການຫລືຢູ່ບ້ານ ບໍ່ຕ້ອງກັບໄປຮ້ານເນັດອີກ. ໄປທິ່ file > save as ເລືອກ format ໃດກໍ່ໄດ້ (ຖ້າບໍ່ແນ່ໃຈກໍ່ ເລືອກເອົາເທື່ອລະຢ່າງຈົນຫມົດ) ຖ້າຕ້ອງການ save ຫລາຍຫນ້າ ແມ່ນຕ້ອງເປີດຫນ້າໃດ save ຫນ້ານັ້ນ save ເທື່ອດຽວບໍ່ໄດ້ທຸກຫນ້າດອກ
ແຕ່ຖ້າທ່ານໃຊ້ອິນເຕີເນັດຈາກຫນ່ວຍຄອມພິວເຕີທີ່ຢູ່ໃນການຄຸ້ມຄອງຂອງທ່ານເອງ ອັນນີ້ກະງ່າຍແດ່ ເພາະທ່ານສາມາດໃຫ້ ໂປແກມ internet explorer ທີ່ມາກັບ windows ຊ່ວຍເກັບໄວ້ໃຫ້ ໂດຍການເພີ້ມເຂົ້າໃນລາຍຊື່ເວັບໄຊທີ່ຕ້ອງເຂົ້າປະຈຳ ເຮັດໄດ້ໂດຍ ໄປທີ່ favourite > add to favourite. ສາມາດກັບມາອ່ານໄດ້ອີກ ເມື່ອຕ້ອງການ ໂດຍກົດທີ່ favourite ຫລືຕັ້ງໃຫ້ເປັນແບບ available offline ກໍ່ສາມາດເປີດອ່ານໄດ້ໂດຍບໍ່ຕ້ອງເຊື່ອມຕໍ່ອິນເຕີເນັດ

ພິມພາສາລາວລົງໃນເວັບແບບສຸກເສີນ

2007-04-24T15:04:00.001+07:00

ຖ້າໄປຮ້ານອິນເຕີເນັດແລ້ວ ເຂົາບໍ່ຕິດຕັ້ງ Laoscript for windows version 6 ຂຶ້ນໄປ.
ອັນນີ້ກະຍອມ ຢາກຂຽນບລັອກ ກະບໍ່ໄດ້.
ພາສາໃດເພິ່ນກະໃສ່ໄວ້ຫມົດ ມີຮອດພາສາເກົາຫລີ ຍີ່ປຸ່ນ.
ບາດພາສາລາວໂຕເອງພັດບໍ່ມີໃສ່ ໄຄແດ່ແຕ່ຕິດຕັ້ງ saysettha OT ໄວ້, ພໍໄດ້ອ່ານຂ່າວລາວ.
ບາງຮ້ານກະຍັງບໍ່ມີຊ້ຳ ສົງໄສວ່າບໍ່ເຄີຍມີຄົນລາວເຂົ້າຮ້ານເພິ່ນ. ຖ້າເປັນແບບນີ້ ກໍ່ ຈຳເປັນລະ ຄົງຕ້ອງໄປຮ້ານອື່ນ

ແຕ່ຖ້າເພິ່ນຕິດຕັ້ງ saysettha OT ໄວ້ ກໍ່ພໍມີທາງອອກໃຫ້ຕົວເອງຢູ່, ຢູ່ຕ່າງແຂວງ ມັນບໍ່ມີຮ້ານໃຫ້ເລືອກຫລາຍ ຄືຢູ່ວຽງຈັນ
ກະໃຊ້ວິທີນີ້ ໄປທີ່ເວັບພະນົມສິນ ແລະ ກົດທີ່ຫນ້າ ພິມພາສາລາວ, ຂຽນທຸກຢ່າງທີ່ຕ້ອງການລົງຫັ້ນ ແລະ ກໍ່ copy and paste ໃສ່ບ່ອນທີ່ຕ້ອງການ
ຈົບ

ทำไมเว็บลาวตัวหนังสือเป็นสี่เหลี่ยม

2007-04-23T16:50:00.000+07:00

ถ้าหากว่าคุณเห็นสี่เหลี่ยมเต็มไปหมดในหน้าเว็บภาษาลาว ให้ดาวโหลด Lao Unicode font ในที่นี้ขอแนะนำ Saysettha OT จากเว็บไซต์นี้ www.laoscript.net/downloads

ทำการ เซฟ เก็บไว้ในที่ที่เราจะหาเจอง่ายในเครื่องคอมพิวเตอร์ของเรา อาจจะเป็น d:\ ก็ได้

จากนั้นก็ทำการติดตั้ง โดยกดที่ Start>control panel>font

File>install new font

เลือกโฟลเดอร์ที่เราเก็บ Saysettha OT เอาไว้

เลือก select all หรือเลือกชื่อ Saysettha OT กด OK

ก็เป็นอันเรียบร้อย จากนี้ก็กลับไปลองอ่านเว็บลาวกันอีกที ปรกติก็จะใช้ได้ทันที ไม่มีปัญหา

Can not read Lao texts from Lao websites

2007-04-23T16:26:00.000+07:00

If you see Lao texts appear as all small squares. You will need Lao unicode font and I recommend Saysettha OT. Download it from the following website www.laoscript.net/downloads. Save it in easy to find place on your hard drive such as d:\.
Install it from Start>control panel>font
File>install new font
select location where you saved Saysettha OT
Press select all or select the font
Press OK. All done. Try reading Lao texts again. In most cases it works.

ໃຊ້ສາລະບານເວັບໄຊແບບອອນລາຍ ແທນການຊື້ປຶ້ມ

2007-04-21T18:21:00.001+07:00

ທ່ານຮູ້ບໍ່ວ່າ ຕອນທຳອິດທຳອໍ່ ເວັບໄຊພະນົມສິນ ບໍ່ໄດ້ມີຫລາຍຫນ້າຄືດຽວນີ້ ມີພຽງແຕ່ຫນ້າດຽວ ແລະ ໃນຫນ້າດັ່ງກ່າວ ມີ link ໄປຫາເວັບໄຊອື່ນໆທີ່ຈຳເປັນຕ້ອງໃຊ້ປະຈຳ
ເຮັດແນວນັ້ນກໍ່ຍ້ອນວ່າ

ເວັບທີ່ຕ້ອງເຂົ້າປະຈຳມີຈຳນວນຫລາຍ ບໍ່ວ່າສິເປັນ ຫນັງສືພິມ ວິທະຍຸ ໂທລະພາບ ເວັບລາວ ເວັບຕ່າງປະເທດ ຂີ້ຄ້ານຈື່ຊື່ເວັບ ຈຶ່ງເກັບໄປໄວ້ຫນ້ານັ້ນ
ຕາງແບ່ງປັນປະສົບການໃຫ້ຫມູ່ຄູ່ ໃຫ້ໄດ້ເຂົ້າເບິ່ງເວັບທີ່ເຮົາໄດ້ເລືອກໄວ້ແລ້ວ ແລະ ຈັດເປັນຫມວດຫມູ່ໃຫ້ພ້ອມ

ສາລະບານເວັບໄຊທີ່ເກັບໄວ້ຫນ້າເວັບໄຊ ກໍ່ບໍ່ຕ່າງຫຍັງກັບປຶ້ມທີ່ມີວາງຂາຍ ແຕ່ວ່າ ງ່າຍແກ່ການໃຊ້ງານກວ່າປຶ້ມ
ບໍ່ຕ້ອງຖືໄປຖືມາໃຫ້ຫນັກ ບໍ່ຕ້ອງຊຶ້ ແລະ ມີຄວາມຖືກຕ້ອງທັນກັບສະພາບກວ່າປຶ້ມ
ສາລະບານເວັບໄຊ ຫລືລວມເວັບໄຊ ມີຫລາຍຊື່ເອີ້ນ ເປັນຕົ້ນແມ່ນ : website portal, web index, web directories...
ການໃຊ້ງານກໍ່ງ່າຍ ພຽງແຕ່ໄປທີ່ ຫມວດທີ່ຕ້ອງການ ແລະ ກໍ່ຄລິກ ໃສ່ link ທີ່ຕ້ອງການ ແລ້ວຫນ້າເວັບໄຊກໍ່ຈະເປີດອອກມາ
ຕໍ່ໄປນີ້ແມ່ນຫນ້າເວັບໄຊທີ່ເກັບລາຍຊື່ເວັບຕ່າງໄວ້ ເລືອກມາໃຫ້ແລ້ວ ລວມລິ້ງຈາກເວັບພະນົມສິນ

ເປີດເວັບລາວແລ້ວອ່ານບໍ່ອອກ

2007-04-19T16:48:00.001+07:00

ມັນເປັນໄປໄດ້ໃນສອງກໍລະນີ

ຕົວອັກສອນລາວ ອ່ານໄດ້ ແຕ່ວ່າວັນນະຍຸດ ແລະ ສະຫລະ ທີ່ເພິ່ນໃຊ້ມັນບໍ່ຢູ່ຖືກທີ່ຖືກທາງ ຕົວຢ່າງ ຄຳວ່າ ກິນ ຈະເຫັນເປັນ ກ ິ ນ. ມັນມັກເປັນກັບສິ່ງທີ່ເຮົາຂຽນໄວ້ເທິງ ຫລື ໄວ້ລຸ່ມ ພະຍັນຊະນະ. ອັນນີ້ບາງຄົນເອີ້ນວ່າ ພາສາລາວມັນແຕກ
ເຫັນອັກສອນລາວເປັນ ສີ່ລ່ຽມ ໄປຫມົດ ��

ທັງສອງແບບ ເປັນຍ້ອນວ່າ ໃນເຄື່ອງພິວເຕີຂອງທ່ານ ບໍ່ມີ font ທີ່ໃຊ້ກັບພາສາລາວທາງອິນເຕີເນັດ ທີ່ເພິ່ນເອີ້ນວ່າ Lao unicode font
ເວັບໄຊລາວທັງຫລາຍ ອາດໃຊ້ font ຕ່າງກັນ ສຳລັບເວັບໄຊພະນົມສິນ ແລະເວັບອື່ນໆ ສ່ວນຫລາຍແມ່ນໃຊ້ saysettha OT.
saysettha OT ສາມາດເອົາມາຕິດຕັ້ງໄດ້ໂດຍບໍ່ເສຍຄ່າໃຊ້ຈ່າຍ ໂດຍໄປທີ່ເວັບໄຊ www.laoscript.net/downloads/ ແລະ ທຳການ save saysettha OT ລົງເຄື່ອງຄອມພິວເຕີຂອງເຮົາ ເຊັ່ນ ລົງຊ່ອງ D ແລ້ວກໍ່ຕິດຕັ້ງ
ການຕິດຕັ້ງແມ່ນ ໄປທີ່ control panel>font>install new font ໄປຫາບ່ອນທີ່ເຮົາ save font ໄວ້ກ່ອນ, ເລືອກມັນ ແລະ ກໍ່ຕິດຕັ້ງເລີຍ ກໍ່ເປັນອັນວ່າຮຽບຮ້ອຍ
ກວດກາເບິ່ງຫນ້າເວັບ ວ່າອ່ານໄດ້ຫລືຍັງ ປົກກະຕິບໍ່ມີບັນຫາຫຍັງ
ຂະບວນການ save ຂໍ້ມູນຈາກອິນເຕີເນັດລົງເຄື່ອງຄອມພິວເຕີຂອງເຮົາ ເອີ້ນວ່າ download ແລະ ໃນທາງປີ້ນກັບ ເອົາຂໍ້ມູນຈາກຄອມພິວເຕີ ຂຶ້ນສູ່ອິນເຕີເນັດ ເອີ້ນວ່າ upload

ຊື້ປຶ້ມສາລະບານລາຍຊື່ເວັບໄຊດີບໍ່?

2007-04-17T21:22:00.002+07:00

ດຽວນີ້ເພິ່ນມີປຶ້ມສາລະບານເວັບໄຊວາງຂາຍແລ້ວ ເປັນພາສາໄທ ລາຄາຫນ້າຈະບໍ່ເກີນ 300 ບາດ ຖ້າເກີນກໍ່ເລັກນ້ອຍ ປະມານນີ້ຫນີ້ລະ, ອັນທີ່ເປັນພາສາລາວ ນັ້ນຂ້າພະເຈົ້າບໍ່ເຫັນຜ່ານຕາ
ເປັນຫຍັງຈຶ່ງຄິດຢາກຊື້ ຄຳຕອບກໍ່ຄື ປຶ້ມມັນດີຫລາຍຢ່າງ 1. ບໍ່ຕ້ອງຈື່ຊື່ເວັບໄຊ ຈະເອົາອັນໃດ ເປີດປຶ້ມໃສ່ໂລດ 2. ມັນມີຄົບທຸກຫມວດ ແລະ ຈັດເປັນຫມວດໃຫ້ແລ້ວ ຖ້າສົນໃຈຫມວດໃດກໍ່ແມ່ນເປີດຫາໂລດ 3. ມັນມີຈຳນວນ ຫລວງຫລາຍຄົບຖ້ວນ ບໍ່ຕ້ອງມາເສຍເວລາຊອກໄປເທື່ອລະເວັບ 4. ຍັງມີດີອື່ນໆອີກ
ແຕ່ວ່າ, ທຸກສິ່ງໃນໂລກກະບໍ່ສົມບູນແບບໄປໄດ້ທັງຫມົດ ມີຈຸດດີກະຕ້ອງມີຈຸດອ່ອນ ເມື່ອພິຈາລະນາຈຸດດີແລ້ວ ຍັງເຫັນຈຸດອ່ອນຕ່າງໆຄື: 1. ມີເວັບໄຊໃຫມ່ເກີດຂຶ້ນຕະຫລອດເວລາ ແລະ ປຶ້ມທີ່ພິມອອກ ບໍ່ອາດ ຈະເກັບເຂົ້າໄວ້ໃນປຶ້ມທັນ ໂດຍສະເພາະ ຫລັງຈາກປຶ້ມຖືກພິມອອກ ດັ່ງນັ້ນປຶ້ມຈຶ່ງບໍ່ທັນກັບສະພາບພໍປານໃດ ໂດຍສະເພາະປຶ້ມທີ່ພິມອອກມາດົນແລ້ວ 2. ປຶ້ມກະມີລາຄາແພງພໍສົມຄວນ ແລະ ກໍ່ຫາຊື້ຍາກ 3. ຍັງບໍ່ຮູ້ວ່າມີຫຍັງອີກແດ່ ແຫະ ແຫະ...
ແລ້ວສິເຮັດແນວໃດ? ອັນນີ້ ກະພິຈາລະນາກັນເອງ ໂດຍສົມທຽບຈຸດດີແລະຈຸດອ່ອນ ຖ້າປຶ້ມມີວາງຂາຍ, ທ່ານສາມາດຊື້ໄດ້ ແລະ ມັນສາມາດເຮັດໃຫ້ທ່ານພໍໃຈ ກະດີແລ້ວ ຊື້ໂລດ.
ແຕ່ຖ້າວ່າ ມັນເປັນໄປໃນທາງກົງກັນຂ້າມ ກະບໍ່ເປັນຫຍັງ ຍັງມີທາງເລືອກອື່ນອີກຢູ່ ລໍຖ້າອ່ານຕໍ່ໃນບົດຕໍ່ໄປ.

ເມື່ອເຂົ້າໄປຫນ້າເວັບໄຊແລ້ວ ເຮັດແນວໃດຕໍ່

2007-04-14T00:18:00.001+07:00

ຫນ້າເວັບໄຊກໍ່ຄືກັນກັບຫນ້າວາລະສານ ມີຫນ້າຫນື່ງ ມີຫນ້າອື່ນໆ ມີສາລະບານ. ປົກກະຕິໃນເວັບໄຊ ຈະມີຫນ້າທຳອິດ ທີ່ເອີ້ນວ່າ home, about us or contact us ນີ້ແມ່ນໃຊ້ອະທິບາຍກ່ຽວກັບເຈົ້າຂອງເວັບ ແລະ ວິທີຕິດຕໍ່ເພິ່ນ ນອກນັ້ນກະມີຫນ້າອື່ນໆ ແລ້ວແຕ່ການອອກແບບຂອງແຕ່ລະເວັບ.
ໃນກໍລະນີຂອງເວັບພະນົມສິນ ມີຫລາຍຫນ້າ ສົມຄວນ. ເຊັ່ນ: ຫນ້າທຳອິດ, ກ່ຽວກັບເຮົາ, ບົດຄວາມ, ລວມລິ້ງ, ພິມພາສາລາວ ແລະ ແລກປ່ຽນຄຳເຫັນ ເຊິ່ງໄດ້ເຮັດເປັນປຸ່ມໄວ້ ໃຫ້ສາມາດເລືອກກົດເອົາ ວ່າຈະອ່ານຫນ້າໃດ. ເພິ່ນເອີ້ນປຸ່ມພວກນີ້ວ່າ navigation bar. ນອກຈາກການໃຊ້ປຸ່ມພວກນີ້ ເພື່ອເປີດອ່ານຫນ້າຕ່າງໆໃນເວັບໄຊແລ້ວ ຍັງມີສິ່ງທີ່ເອີ້ນວ່າ link ອັນນີ້ເຮັດຫນ້າທີ່ນຳເຮົາໄປສູ່ ວັກໃດຫນຶ່ງໃນຫນ້າທີ່ເປີດຢູ່ ຫລື ຫນ້າອື່ນໃນເວບໄຊດຽວກັນ ແມ້ແຕ່ຫນ້າໃນເວັບໄຊອື່ນ. link ມັກຈະເປັນຂໍ້ຄວາມສີຟ້າມີຂີດກ້ອງ ຫລື ບໍ່ມີກະໄດ້ ສີກໍ່ອາດຈະບໍ່ເປັນສີຟ້າ ແຕ່ສັງເກດວ່າ ເວລາເຮົາເອົາ mouse ໄປຊີ້ໃສ່, mouse ຈະປ່ຽນຮູບຈາກຮູບລູກສອນ ກາຍເປັນຮູບ ມື. ຈື່ໄວ້ວ່າ ເມື່ອໃດທີ່ mouse ເປັນຮູບມືແມ່ນສາມາດ click ໃສ່ໄດ້ຫມົດ. ສົມທຽບໃສ່ເຮົາໄດ້ເລາະໄປ ຕາມບ່ອນຕ່າງໆ ລິ້ງໄປຫນ້າເລີຍໆ ແລະ ເຮົາກໍ່ພົບວ່າເຮົາຫລົງທາງ ຫາທາງເມືອບໍ່ໄດ້. ຖ້າຍັງຢູ່ໃນເວັບໄຊດຽວກັນ ແມ່ນກົດປຸ່ມຫນ້າທຳອິດ ແລ້ວທ່ານກໍ່ຈະກັບມາ, ປຸ່ມຫນ້າທຳອິດ ມີຫລາຍຊື່ ເຊັ່ນ: ຫນ້າຫລັກ, ຫນ້າແຣກ, home, ຫນ້າທີ1, ຫນ້າທຳອິດ ແລ້ວແຕ່ຜູ້ອອກແບບຂອງແຕ່ລະເວັບໄຊ. ຂໍສົ່ງທ້າຍວ່າ ເມື່ອໃດທີ່ mouse ປ່ຽນເປັນຮູບມືແມ່ນສາມາດ click ໃສ່ໄດ້ຫມົດ.

www ແມ່ນຫຍັງ?

2007-04-13T08:15:00.002+07:00

www ແມ່ນຫຍັງ?
ມັກມີຫລາຍຄົນຖາມບັນຫານີ້ກັບຂ້າພະເຈົ້າ ວ່າ www ຫລື W ສາມໂຕນີ້ ມັນແມ່ນຫຍັງ? ເປັນຫຍັງຊື່ເວັບ ຫລື domain name ມັນຈຶ່ງມັກຂຶ້ນຕົ້ນດ້ວຍສາມໂຕນີ້.
ຂໍລອງອະທິບາຍເບິ່ງ ຖ້າຜິດພາດຂາດເຂີນໄປກະຂໍໃຫ້ເພີ້ມໃສ່ໃຫ້ແດ່ ໃນບ່ອນ comment.
www ຫຍໍ້ມາຈາກ world wide web. ແປໄປເທື່ອລະຕົວນຳກັນເນາະ, web ແປວ່າໄຍແມງມຸມ ຫລື ແມ່ນການເຊື່ອມໂຍງກັນເປັນໂຍງໄຍປານໄຍແມງມຸມ ລະບົບເຄືອຂ່າຍຄອມພິວເຕີໃນປະຈຸບັນມັນເປັນແບບນີ້ລະ, world wide ກໍ່ແມ່ນທົ່ວໂລກ ດັ່ງນັ້ນ ແປລວມແມ່ນ ການໂຍງໄຍກັນໄປທົ່ວໂລກ. ຊື່ເວັບໃນໂລກນີ້ ສ່ວນໃຫຍ່ແມ່ນ ຂຶ້ນຕົ້ນດ້ວຍສາມຕົວນີ້
ຍົກເວັ້ນເວັບພະນົມສິນ ກະສະແດງວ່າເວັບພວກນັ້ນ ເປັນເວັບລະດັບໂລກຫວາ? ຄົງບໍ່ແມ່ນແບບນັ້ນດອກ, www.hollosite.com ເປັນ domain, ສ່ວນ pnomsin.hollosite.com ເປັນ subdomain.
ສ່ວນໃຫຍ່ແລ້ວ subdomain ບໍ່ຂຶ້ນຕົ້ນດ້ວຍ www
ອ່ານຕໍ່ທີ່ http://th.wikipedia.org/wiki/โดเมนเนม

ໃຊ້ໂປແກມໃດເປີດຫນ້າເວັບໄຊ

2007-04-13T00:18:00.001+07:00

ສົມມຸດວ່າ ທ່ານນັ່ງຢູ່ໃນຮ້ານອິນເຕີເນັດ ຫລື ສົມມຸດວ່າຄອມພິວເຕີທ່ານ ໄດ້ເຊື່ອມຕໍ່ກັບອິນເຕີເນັດແລ້ວ ແລະ ກຳລັງນັ່ງຢູ່ຫນ້າຈໍຄອມພິວເຕີ ທີ່ວ່າງ (ບໍ່ທັນໄດ້ເຂົ້າເວັບໄຊໃດໆ).
ຂໍອະທີບາຍວ່າເວັບໄຊ (website) ແມ່ນຫນ້າເອກະສານຊະນິດຫນຶ່ງ ທີ່ເຮົາສາມາດເປີດອ່ານ ແບບດຽວກັບຫນ້າວາລະສານ ຫລື ຫນ້າຫນັງສືພິມ (ຈະອະທິບາຍຕື່ມໃນຕອນຕໍ່ໄປ) ຖ້າທ່ານຕ້ອງການເຂົ້າສູ່ຫນ້າເວັບໄຊ ແມ່ນໃຫ້ແນມຫາສັນຍາລັກ ຕົວ e ດັ່ງເຫັນໃນຮູບ ເຊິ່ງເປັນ icon ຂອງ ໂປແກມ internet explorer ທີ່ເພິ່ນໃຊ້ໄວ້ເປີດຫນ້າເວັບໄຊ.

ໂປແກມດັ່ງກ່າວຈະມີຢູ່ຄອມພິວເຕີທຸກຫນ່ວຍທີ່ໃຊ້ໂປແກມ windows. ທ່ານສາມາດຊອກເຫັນ icon ຂອງ ໂປແກມ internet explorer ໄດ້ຈາກຫລາຍບ່ອນ ແຕ່ເຮົາມາເລີ້ມຈາກ ການຄລິກປຸ່ມ start > all program > internet explorer ຕາມລຳດັບ
ເມື່ອເປີດອອກມາແລ້ວສ່ວນໃຫຍ່ ຈະເຫັນມີຫນ້າເວັບໄຊອັນໃດອັນຫນຶ່ງເປີດອອກມາ (ບາງເທື່ອເປີດອອກມາກະພົບຫນ້າວ່າງເປົ່າ) ຫນ້າເວັບທີ່ເປີດອອກມາພ້ອມກັບໂປແກມ internet explorer ເພິ່ນເອີ້ນຫນ້າເວັບແບບນີ້ວ່າ home page ມັກຈະເປັນເວັບໄຊຂອງບໍລິສັດດຽວກັນກັບ windows ນັ້ນກະຄື www.msn.com
ທຸກເວັບຈະມີຊື່ຂອງມັນ ແບບດຽວກັບຫນັງສືພິມ ກໍ່ຈະມີ ວຽງຈັນໃຫມ່, ປະເທດລາວ, ປະຊາຊົນ ແລະ ອື່ນໆ, ສ່ວນຫນ້າເວັບໄຊ ກໍ່ມີຊື່ຂອງມັນ ເຊັ່ນ: www.vientianemai.net, www.kplnet.net, www.pasaxon.org.la ຊື່ຂອງເວັບໄຊຈະເອີ້ນວ່າ domain name
ເມື່ອເຮົາຕ້ອງການໄປຫນ້າເວັບໄຊອື່ນ ຕ້ອງພິມຊື່ domain name ຂອງຫນ້າເວັບນັ້ນໃສ່ເຂົ້າໄປໃນ address bar ທີ່ເປັນປ່ອງສຳລັບຮັບຂໍ້ຄວາມໄດ້ ເຊັ່ນຈະເຂົ້າເວັບພະນົມສິນ ຕ້ອງພິມ pnomsin.hollosite.com ກົດ enter ແລ້ວລໍຖ້າ, ໂປແກມ internet explorer ຈະເຮັດຫນ້າທີ່ ເປີດຫນ້າເວັບພະນົມສິນອອກມາ.

ໂປແກມທີ່ເຮັດຫນ້າທີ່ເປີດຫນ້າເວັບ ເພິ່ນເອີ້ນວ່າ browser ມີນຳກັນຕັ້ງຫລາຍໂປແກມ ເຊັ່ນ internet explorer, Mozilla fire fox, opera ສອງອັນຫລັງສຸດມັກຈະບໍ່ມີມາກັບຄອມພິວເຕີ ຕ້ອງຊື້ຫລື download ມາຕິດຕັ້ງຕ່າງຫາກ

ສະບາຍດີ

2007-04-11T17:34:00.001+07:00

ຢາກຊ່ວຍເຫລືອເພື່ອນໆຊາວລາວ ທີ່ບໍ່ຄ່ອຍມີໂອກາດເຂົ້າຫາອິນເຕີເນັດ. ເມື່ອໄດ້ເຂົ້າແລ້ວ ກໍ່ບໍ່ຮູ້ຈັກວ່າຈະເລີ້ມຈາກໃສໄປໃສ. ຂ້າພະເຈົ້າໄດ້ພົບກັບຜູ້ປະສົບບັນຫາທີ່ກ່າວມານີ້ ຫລາຍຄົນ ແລະ ພວກເຂົາມີຈຳນວນເພີ້ມຂຶ້ນທຸກມື້ ເພາະບ້ານເມືອງຈະເລີນຂຶ້ນ ແລະ ອິນເຕີເນັດກໍ່ເຂົ້າຫາໄດ້ງ່າຍຂຶ້ນ. ຫວັງວ່າສິ່ງທີ່ຂ້າພະເຈົ້າຈະນຳສະເຫນີ ຄົງເປັນການປະກອບສ່ວນ ບໍ່ຫລາຍກໍ່ນ້ອຍ ເພື່ອຊ່ວຍເຂົາເຈົ້າເຂົ້າສູ່ໂລກcyber ໄດ້ຢ່າງງ່າຍດາຍກວ່າເກົ່າ ແລະ ສາມາດຊອກເຫັນໃນສິ່ງທີ່ຕ້ອງການ.

ຖ້າທ່ານມີເພື່ອນທີ່ປະສົບບັນຫານີ້ ແລະ ທ່ານບໍ່ມີເວລາອະທິບາຍໃຫ້ເຂົາເຂົ້າໃຈ ກະລຸນາພິມບົດຄວາມໃນຫນ້າເວັບນີ້ ສົ່ງໃຫ້ເຂົາເຈົ້າ ຫລື ແນະນຳເຂົາເຈົ້າເຂົ້າມາອ່ານ ໃນເວັບນີ້ດ້ວຍ.
ຂອບໃຈລ່ວງຫນ້າ
ຈາກ ພະນົມສິນ